୨୦୧୨ ଇଣ୍ଡିଆନ୍ ପ୍ରିମିୟର ଲିଗ୍ ପାଇଁ ରାଜସ୍ଥାନ ରୟାଲ୍ସର ମାଲିକଙ୍କୁ ବୀମା କରିଥିବା ବୀମା କମ୍ପାନୀ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । କମ୍ପାନୀ ପକ୍ଷରୁ ଜାତୀୟ ଉପଭୋକ୍ତା ବିବାଦ ସମାଧାନ କମିଶନ (NCDRC)ର ଆଦେଶକୁ ଚ୍ୟାଲେଞ୍ଜ କରାଯାଇଛି । ସେହି ଆଦେଶରେ ଏସ୍. ଶ୍ରୀସନ୍ଥଙ୍କ ଆଘାତ ଯୋଗୁଁ ଫ୍ରାଞ୍ଚାଇଜ୍ ମାଲିକଙ୍କୁ ୮୨ ଲକ୍ଷ ଟଙ୍କାରୁ ଅଧିକ ଟଙ୍କା ଦେବାକୁ କୁହାଯାଇଛି। ଶ୍ରୀସନ୍ଥ ସେତେବେଳେ ଟୁର୍ଣ୍ଣାମେଣ୍ଟରେ ଖେଳିବାକୁ ଅସମର୍ଥ ଥିଲେ ।

ସୋମବାର, ସେପ୍ଟେମ୍ବର ୧ ତାରିଖରେ, ବିଚାରପତି ବିକ୍ରମ ନାଥ ଏବଂ ସନ୍ଦୀପ ମେହେଟ୍ଟାଙ୍କ ଖଣ୍ଡପୀଠ ମାମଲାକୁ ସ୍ଥଗିତ ରଖିଛନ୍ତି । ଯାହା ଦ୍ୱାରା ଆବେଦନକାରୀ ଅତିରିକ୍ତ ଡକ୍ୟୁମେଣ୍ଟ ଦାଖଲ କରିପାରିବେ। ଏଥିରେ ବୀମାକୃତ ପ୍ରତିପକ୍ଷଙ୍କ ଦ୍ୱାରା ଦାଖଲ କରାଯାଇଥିବା ଆବେଦନ ଏବଂ ଆବଶ୍ୟକୀୟ ଡକ୍ୟୁମେଣ୍ଟ (ଯେପରିକି ଶ୍ରୀସନ୍ଥଙ୍କ ଫିଟନେସ୍ ପ୍ରମାଣପତ୍ର) ଅନ୍ତର୍ଭୁକ୍ତ।

ଆପିଲକାରୀ-ୟୁନାଇଟେଡ୍ ଇନସ୍ୟୁରାନ୍ସ କମ୍ପାନୀ ପକ୍ଷରୁ ଉପସ୍ଥିତ ଅତିରିକ୍ତ ସଲିସିଟର ଜେନେରାଲ ଐଶ୍ୱର୍ଯ୍ୟା ଭାଟି ଉପସ୍ଥାପନ କରିଥିଲେ ଯେ, ଗତ ଆଦେଶରେ ଶ୍ରୀସନ୍ଥଙ୍କ ପୂର୍ବରୁ ଥିବା ଗୋଡ଼ ଆଘାତ ଦୃଷ୍ଟିକୋଣରୁ ପ୍ରସଙ୍ଗଟିକୁ ଦେଖାଯାଇଛି, ଯାହାର ଆଣ୍ଠୁ ଆଘାତ ସହିତ କୌଣସି ସମ୍ପର୍କ ନାହିଁ । ଆପିଲକାରୀ ଗୋଡ଼ ଆଘାତକୁ ଲୁଚାଇବାକୁ ଚେଷ୍ଟା କରୁଥିଲେ । ନା କି ଦୁଇଟି ଯାକ ଆଘାତକୁ ଯୋଡ଼ିବାକୁ ଚଷ୍ଟା କରୁଥିଲେ ।

ରୟାଲ୍ ମଲ୍ଟିସ୍ପୋର୍ଟ ପ୍ରାଇଭେଟ୍ ଲିମିଟେଡ୍ ପକ୍ଷରୁ ଉପସ୍ଥିତ ଥିବା ପ୍ରତିପକ୍ଷ ବରିଷ୍ଠ ଆଇଜୀବୀ ନୀରଜ କିଶନ କାଉଲ୍ ଯୁକ୍ତି ରଖିଥିଲେ ଯେ ପୂର୍ବରୁ ଥିବା ଗୋଡ଼ ଆଘାତ, ଯାହା ଯୋଗୁଁ ଆବେଦନକାରୀ ଦାବିକୁ ଖାରଜ କରିଥିଲେ, ଶ୍ରୀସନ୍ଥଙ୍କୁ ଖେଳିବା ପାଇଁ ତାହା ଅକ୍ଷମ କରିନଥିଲା। ବରଂ ବୀମା ଅବଧି ସମୟରେ ହୋଇଥିବା ଆଣ୍ଠୁ ଆଘାତ ତାଙ୍କୁ ଖେଳିବାକୁ ଅସମର୍ଥ କରିଥିଲା।

ବରିଷ୍ଠ ଓକିଲ ଆହୁରି କହିଛନ୍ତି ଯେ ମାମଲାରେ ଯେଉଁ ନୀତି ଆଗତ ହୋଇଛି ତାହା ନିଶ୍ଚିତ କରିବା ପାଇଁ ଲକ୍ଷ୍ୟ ରଖାଯାଇଛି ଯେ ଟୁର୍ଣ୍ଣାମେଣ୍ଟ ସମୟରେ ଆହତ ହୋଇଥିବା ଖେଳାଳିମାନଙ୍କୁ ବିସିସିଆଇ ଏବଂ ସମ୍ପୃକ୍ତ ଦଳ ଦ୍ୱାରା କ୍ଷତିପୂରଣ ଦିଆଯାଇଥାଏ। "ଗୋଡ ଆଘାତ ତାଙ୍କୁ ଖେଳିବାରୁ ବାଧା ଦେଇ ନଥିଲା। ସେ ଖେଳୁଥିଲେ । କିନ୍ତୁ ଅଭ୍ୟାସ ବେଳେ ତାଙ୍କ ଆଣ୍ଠୁରେ ଆଘାତ ଲାଗିଥିଲା ।

କାଉଲ ଏହା ମଧ୍ୟ କହିଛନ୍ତି ଯେ ଯେତେବେଳେ ଶ୍ରୀସନ୍ଥ ଯୋଗ ଦେଇଥିଲେ, ଆବେଦନକାରୀଙ୍କୁ ଏକ ଫିଟନେସ୍ ପ୍ରମାଣପତ୍ର ମଧ୍ୟ ଦିଆଯାଇଥିଲା, ଏବଂ ପରବର୍ତ୍ତୀ ପ୍ରମାଣପତ୍ର ସେତେବେଳେ ଦିଆଯାଇଥିଲା ଯେତେବେଳେ ତାଙ୍କର ଆଣ୍ଠୁରେ ଆଘାତ ଲାଗିଥିଲା।

ଏହାର ଉତ୍ତରରେ, ଜଷ୍ଟିସ୍ ମେହେତା ପଚାରିଥିଲେ, "ସେହି ପ୍ରମାଣପତ୍ରରେ ଗୋଡ଼ ଆଘାତ ବିଷୟରେ ପ୍ରକାଶ କରାଯାଇଛି କି ? ଏହା କ୍ଲଜ୍‌ (e) ଦ୍ୱାରା ଆବଶ୍ୟକ।" ଖଣ୍ଡପୀଠ ମୌଖିକ ଭାବରେ ମଧ୍ୟ କହିଛନ୍ତି ଯେ ଯଦି ପୂର୍ବରୁ ଥିବା ଗୋଡ଼ ଆଘାତ ପ୍ରକାଶିତ ହୋଇଥାନ୍ତା, ତେବେ ଆବେଦନକାରୀ ଖେଳାଳିଙ୍କୁ ବୀମାଭୁକ୍ତ କରିବା କିମ୍ବା ଅଧିକ ପ୍ରିମିୟମ୍ ଆଦାୟ କରିବା ବିଷୟରେ ବିଚାର କରାଯାଇ ପାରିଥାନ୍ତା ।