ଅର୍ଗସ ବ୍ୟୁରୋ: ଭାରତୀୟ ଷ୍ଟେଟ୍ ବ୍ୟାଙ୍କ(SBI) ଗ୍ରାହକଙ୍କ ପାଇଁ ବଡ଼ ଖବର । ଅପଣ ବିଦ୍ୟୁତ , ଗ୍ୟାସ୍, ପାଣି ଭଳି ୟୁଟିଲିଟି ବିଲ୍ ପୈଠ କରିବା ପାଇଁ କ୍ରେଡିଟ୍ କାର୍ଡ ବ୍ୟବହାର କରୁଥିଲେ ସତର୍କ ହୋଇଯାନ୍ତୁ । SBI ଏହାର କ୍ରେଡିଟ୍ କାର୍ଡ଼ ନିୟମରେ କିଛି ପରିବର୍ତ୍ତନ କରିଛି ଯାହା ଚଳିତ ବର୍ଷ ନଭେମ୍ବର ୧ ତାରିଖରୁ ଲାଗୁ ହେବ ।
SBI ଏହାର କ୍ରେଡିଟ୍ କାର୍ଡ଼ଧାରୀଙ୍କ ପାଇଁ ୟୁଟିଲିଟି ବିଲ୍ ପୈଠ ଉପରେ ୧% ଅତିରିକ୍ତ ଶୁଳ୍କ ଲାଗୁ କରିବାକୁ ନିଷ୍ପତ୍ତି ନେଇଛି ।

ଏହା ପୂର୍ବରୁ ଅନେକ ବ୍ୟାଙ୍କ ଏବଂ କାର୍ଡ଼ କମ୍ପାନୀ ଏକ ନିର୍ଦ୍ଧାରିତ ଲିମିଟ୍ ପରେ ୟୁଟିଲିଟି ବିଲ୍ ପେମେଣ୍ଟ ଉପରେ ୧% ଚାର୍ଜ ଲାଗୁ କରିସାରିଛନ୍ତି । ଜଣେ SBI କ୍ରେଡିଟ୍ କାର୍ଡ଼ଧାରୀ ୫୦ ହଜାର ଟଙ୍କାରୁ ଉଦ୍ଧ୍ୱର୍ ୟୁଟିଲିଟି ବିଲ୍ ପୈଠ କଲେ ୧% ଅତିରିକ୍ତ ଚାର୍ଜ ଲାଗିବ । ସେହିପରି ଜଣେ ୫୦ ହଜାର ଟଙ୍କାରୁ କମ୍ ୟୁଟିଲିଟି ବିଲ ପୈଠ କଲେ କୌଣସି ଅତିରିକ୍ତ ଚାର୍ଜ ଲାଗିବ ନାହିଁ । 

SBI ଏହାର ଶୌର୍ଯ୍ୟ/ପ୍ରତିରକ୍ଷା କ୍ରେଡିଟ୍ କାଡ୍ ବ୍ୟତୀତ ଅନ୍ୟ ସମସ୍ତ ଅସୁରକ୍ଷିତ କ୍ରେଡିଟ୍ କାର୍ଡ଼ର ଫାଇନାନ୍ସ ଚାର୍ଜରେ ପରିବର୍ତ୍ତନ କରିଛି । ବର୍ତ୍ତମାନ ଏହା ଉପରେ ୩.୭୫% ଫାଇନାନ୍ସ ଚାର୍ଜ ଲାଗୁ ହେବ । ଏହି ନିୟମ ନଭେମ୍ବର ୧, ୨୦୨୪ରୁ କାର୍ଯ୍ୟକାରୀ ହେବ । କହିରଖୁଛୁ ଅସୁରକ୍ଷିତ କ୍ରେଡିଟ୍ କାର୍ଡ଼ ହେଉଛି ଏପରି କ୍ରେଡିଟ୍ କାର୍ଡ଼ ଯେଉଁଥିପାଇଁ କୌଣସି ସିକ୍ୟୁରିଟି ଡିପୋଜିଟ୍ କିମ୍ବା କଲ୍ୟାଟେରାଲ ଦେବାକୁ ପଡ଼ିନଥାଏ । ଏଭଳି କ୍ରେଡିଟ୍ କାର୍ଡ଼ FD ବଦଳରେ ଦିଆଯାଏ। 

ଅଧିକ ପଢ଼ନ୍ତୁ ବାଣିଜ୍ୟ ଖବର