ସ୍କୁଲକୁ ଆମେ ପିଲାଙ୍କୁ ପାଠ ପଢ଼ାଇବାକୁ ଛାଡ଼ୁଛେ। ଆଉ ସେହି ସ୍କୁଲରେ ଯଦି ଶିକ୍ଷକ-ଶିକ୍ଷୟିତ୍ରୀ ରୋମାନ୍ସ କରିବାର ଧରାପଡ଼ିବେ ତେବେ ଛାତ୍ରଛାତ୍ରୀଙ୍କ ଅବସ୍ଥା କଣ ହେବ ଭାବିଲେ। କଥାଟା ଆପଣଙ୍କୁ ନିଶ୍ଚିତ ଅଡ଼ୁଆ ଲାଗୁଥାଇପାରେ। କିନ୍ତୁ ଏହା ଏକଦମ ସତ। ଏଭଳି ଘଟଣା ଘଟିଛି ଉତ୍ତର ପ୍ରଦେଶର କନ୍ନୌଜ ଜିଲ୍ଲା ସୌରିଖ ବ୍ଲକସ୍ଥିତ ବଝେଡ଼ି କମ୍ପୋଜିଟ ବିଦ୍ୟାଳୟରେ। ବିଦ୍ୟାଳୟରେ କାର୍ଯ୍ୟରତ ଜଣେ ମହିଳା ଶିକ୍ଷୟିତ୍ରୀ ଏବଂ ଜଣେ ସହକାରୀ ଶିକ୍ଷକଙ୍କ ପ୍ରେମାଳାପର ଭିଡିଓ ଭାଇରାଲ ହେବା ପରେ ଉଭୟଙ୍କୁ ଚାକିରିରୁ ନିଲମ୍ବିତ କରାଯାଇଛି। ଜିଲ୍ଲା ପ୍ରାଥମିକ ଶିକ୍ଷା ଅଧିକାରୀ (BSA) ସନ୍ଦୀପ କୁମାର ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।

ଏହାସହ ପଢ଼ନ୍ତୁ: ୫୦୦ ଟଙ୍କା ଗାଏବ: ଶିକ୍ଷକ ଛାତ୍ରମାନଙ୍କ ପୋଷାକ ଖୋଲି କଲେ ଚେକ୍‌, ମନ୍ତ୍ରୀ କଲେ ନିଲମ୍ୱିତ

ସୌରିଖର ବ୍ଲକ ଶିକ୍ଷା ଅଧିକାରୀ (BEO) ବିଶ୍ୱନାଥ ପାଠକଙ୍କ ସୁପାରିଶ ଆଧାରରେ ଏହି ନିଲମ୍ବନ ଆଦେଶ ଜାରି କରାଯାଇଛି । ବିଇଓଙ୍କ ରିପୋର୍ଟ ଅନୁସାରେ, ଦୁଇ ଶିକ୍ଷକଙ୍କର ଏଭଳି ଆପତ୍ତିଜନକ ଭିଡିଓ ସାମ୍ନାକୁ ଆସିଛି, ଯାହା ଜଣେ ଶିକ୍ଷକଙ୍କ ସାମାଜିକ ଆଚରଣ ଓ ମର୍ଯ୍ୟାଦାର ସମ୍ପୂର୍ଣ୍ଣ ବିପରୀତ। ରିପୋର୍ଟରେ ଏହା ମଧ୍ୟ ଦର୍ଶାଯାଇଛି ଯେ, ବିଦ୍ୟାଳୟ ପରିସରରେ ଏଭଳି ଅନୈତିକ କାର୍ଯ୍ୟକଳାପ ସେଠାରେ ପଢ଼ୁଥିବା କୋମଳମତି ଛାତ୍ରୀଛାତ୍ରଙ୍କ ଉପରେ ଅତ୍ୟନ୍ତ ଖରାପ ପ୍ରଭାବ ପକାଇବ ।

Two teachers posted at a government composite school in Uttar Pradesh's Kannauj district have been suspended after videos allegedly showing them behaving inappropriately inside a classroom surfaced online.

The incident has sparked widespread discussion and prompted disciplinary… pic.twitter.com/NZQdhN8h5U

— Hate Detector 🔍 (@HateDetectors) July 15, 2026

ତେବେ ଶିକ୍ଷା ବିଭାଗଙ୍କ କହିବା ଅନୁଯାୟୀ ଭିଡିଓଟିର ପ୍ରମାଣକୁ ନେଇ ଏବେ ଯାଞ୍ଚ ଜାରି ରହିଛି। ବିଭାଗୀୟ ଯାଞ୍ଚ ପୂରା ହେବା ପରେ ହିଁ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ତଦନ୍ତ ଦାୟିତ୍ୱ ସୌରିଖର ବ୍ଲକ ଶିକ୍ଷା ଅଧିକାରୀ (ବିଇଓ) ବିଶ୍ୱନାଥ ପାଠକଙ୍କୁ ଦିଆଯାଇଥିଲା। ପ୍ରାଥମିକ ତଦନ୍ତ ରିପୋର୍ଟରେ କୁହାଯାଇଛି ଯେ ଭିଡିଓରେ ଦେଖାଯାଇଥିବା ଶିକ୍ଷକଙ୍କ ଆଚରଣ ଅତ୍ୟନ୍ତ ଲଜ୍ଜାଜନକ ଥିଲା। ଯଦି ସ୍କୁଲ ପରିସରରେ ଏପରି କାର୍ଯ୍ୟକଳାପ ଘଟେ, ତେବେ ଏହା ଛାତ୍ରଛାତ୍ରୀଙ୍କ ଉପରେ ନକାରାତ୍ମକ ପ୍ରଭାବ ପକାଇପାରେ। ତଦନ୍ତ ରିପୋର୍ଟ ଆଧାରରେ, ଉଭୟ ସହକାରୀ ଶିକ୍ଷକଙ୍କୁ ନିଲମ୍ବିତ କରାଯାଇଛି।

ବିଏସଏ ଅନୁଯାୟୀ, ନିଲମ୍ବନ ଅବଧି ମଧ୍ୟରେ, ଜଣେ ଶିକ୍ଷକଙ୍କୁ ଗୁଗାରପୁର ବ୍ଲକ ରିସୋର୍ସ ସେଣ୍ଟର (ବିଆରସି) ଏବଂ ଅନ୍ୟ ଜଣଙ୍କୁ ତାଳଗ୍ରାମ ବିଆରସିରେ ସଂଲଗ୍ନ କରାଯାଇଛି। ଉଭୟଙ୍କ ବିରୁଦ୍ଧରେ ଏକ ବିଭାଗୀୟ ତଦନ୍ତ ମଧ୍ୟ ଆରମ୍ଭ ହୋଇଛି। ଏହି ମାମଲାରେ ଶିକ୍ଷା ବିଭାଗର ଅଧିକ ତଦନ୍ତ ଜାରି ରହିଛି।