ଏଲ୍‌ନିନୋ ନେଇ ଆସିବ ପ୍ରବଳ ଖରା। ଆକାଶରେ ବର୍ଷା ଉଭେଇ ଯିବ। ସୁଖିଲା ପଡ଼ିବ ମୌସୁମୀ । ଭୂମି ଫାଟି ଆଁ କରିବ। ଲୋକ ମାନେ ଚାଷ ବିନା ହାହାକାର ଡାକିବେ । ଏଲ୍‌ ନିନୋ ଯେତେବେଳେ ଆସେ ବର୍ଷା ଆକାଶରୁ ପୋଛି ନେଇ ପଳାଏ । ଉଭେଇ ଯାଏ ବର୍ଷା । ପ୍ରବଳ ଖରାରେ ଭୂମି ଜଳି ଉଠେ । ଆଉ ଏବେ କିଛି ସେମିତି ହେବାକୁ ଯାଉଛି। ୨୦୨୬ର ଖରା କାଳ ପାଲଟିବ ଭାରତୀୟଙ୍କ ପାଇଁ । ଏଥର ବର୍ଷା ବଦଳରେ ଖରା ତାଣ୍ଡବ ରଚିବ । ନଦୀ ପୋଖରୀ ସବୁ ସୁଖିଯିବ। ଚାଷ ଜମୀରେ ଫସଲ କଅଁଳିବ ନାହିଁ । କାରଣ ଚଳିତ ବର୍ଷା ମାଡ଼ି ଆସୁଛି ଏଲ୍‌ ନିନୋ ।

ଭୟଙ୍କର ରୂପ ନେଇ ଆସୁଛି ସୁପର ଏଲ୍‌ ନିନୋ । ଜୁଲାଇରୁ କୋପ ଦେଖାଇବା ଆରମ୍ଭ କରିବ। ପ୍ରବଳ ଖରା ପାଇଁ ହଜିଯିବ ମୌସୁମୀ ବର୍ଷା । ଭାରତରେ ଦେଖା ଦେବ ମରୁଡି ଭଳି ସାଂଘାତିକ ସ୍ଥିତି । ଚାଷ ଭୂମି ଫାଟି ଆଁ କରିବ । ମୁଣ୍ଡରେ ହାତ ଦେବେ ଚାଷୀ । ବିଶ୍ବରର ବିଭିନ୍ନ ପାଣିପାଗ ମଡେଲ ଏମିତି ଆକଳନ କରିଛି ।

ବିଷୁବ ମଣ୍ଡଳୀୟ କେନ୍ଦ୍ରୀୟ ପ୍ରଶାନ୍ତ ମହାସାଗରରେ ଜଳପତନ ତାପମାତ୍ରା ସ୍ବାଭାବିକ ଠାରୁ ୫ ଡିଗ୍ରୀ କମିଲେ ତାହାକୁ ଲା ନିନୋ ପରିସ୍ଥିତି ବୋଲି କୁହାଯାଏ ସେହି ଭଳି ଜଳ ପତନର ତାପମାତ୍ରା ୫ ଡିଗ୍ରୀ ବଢ଼ିଲେ ତାକୁ ଏଲ୍‌ ନିନୋ ବୋଲି କୁହାଯାଏ । ଆଉ ଏବେ ତାପମାତ୍ରା ବଢ଼ିବାକୁ ଥିବାରୁ ଏଲ୍‌ ନିନୋ ଆସିପାରେ ବୋଲି ଆକଳନ କରାଯାଉଛି ।

ଏଲ୍ ନିନୋ ଆସିଲେ ପ୍ରବଳ ଖରା ହେବା ସହ ମୌସୁମୀ ବର୍ଷା ପ୍ରଭାବିତ ହୋଇଥାଏ। ଯେଉଁଥିପାଇଁ ଭାରତରେ ଚାଷକାର୍ଯ୍ୟରେ ଘୋର ପ୍ରଭାବ ପଡ଼ିଥାଏ । ଯଦି ଦେଖିବା ଏଲ୍‌ ନିନୋ ଆସିଲେ ପ୍ରବଳ ଖରା ହେବା ସହ ବର୍ଷା କମ୍‌ ହୋଇଥାଏ। କିନ୍ତୁ ଲା ନିନୋ ଆସିଲେ ବର୍ଷା ପ୍ରବଳ ହେବା ସହ ଖରା କମ୍‌ ହୋଇଥାଏ ।  ଆଉ ଏବେ ଭାରତରେ ଏଲ୍‌ ନିନୋର ପ୍ରଭାବ ପଡ଼ିବାକୁ ଯାଉଛି। କାରଣ ପ୍ରଶାନ୍ତ ମହାସାଗରରେ ପୂର୍ବରୁ ପଶ୍ଚିମ ଦିଗକୁ ବହୁଥିବା ପବନ ଦୁର୍ବଳ ହୋଇ ଯାଇଛି ।

ଫଳରେ ପଶ୍ଚିମରୁ ପୂର୍ବ ଆଡ଼କୁ ଆସୁଛି ପ୍ରଶାନ୍ତ ମହାସାଗରର ଗରମ ଜଳ । ଯାହାକୁ ନେଇ ଏବେ ଭାରତରେ ହେବାକୁ ଯାଉଛି ପ୍ରବଳ ଖରା ଏବଂ ସୁଖିବାକୁ ଯାଉଛି ମୌସୁମୀ ବର୍ଷା ।