ଜୀବନ ନେଲା କାଳବୈଶାଖୀ । ଝଡ଼ତୋଫାନରେ ଚାଲିଗଲା ୫ ଜୀବନ । ଗତକାଲି ପ୍ରବଳ ବର୍ଷା ପବନରେ ଦିଲ୍ଲୀ ବେହାଲ ହୋଇଥିବା ବେଳେ ଦିଲ୍ଲୀ ଏବଂ ଏନସିଆରରେ ୫ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଦିଲ୍ଲୀରେ ୨ ଜଣ ଏବଂ ଏନସିଆରରେ ୩ ଜଣଙ୍କ ଜୀବନ ଯାଇଛି । କାନ୍ଥ ଏବଂ ଗଛ ପଡି ମୃତ୍ୟୁ ହୋଇଥିବା ପ୍ରାଥମିକ ସ୍ତରରେ ସୂଚନା ମିଳିଛି । ତେବେ ଗତକାଲି ସନ୍ଧ୍ୟାରେ ବର୍ଷା ପବନରେ ବେହାଲ ହୋଇଛି ରାଜଧାନୀ ଦିଲ୍ଲୀ । ଭୟଙ୍କର ବର୍ଷାରେ ବିଶେଷକରି ଏନସିଆର୍‌ ଅଞ୍ଚଳ ବେହାଲ ହୋଇଛି । ପ୍ରବଳ ଝଡ଼ତୋଫାନ ଫଳରେ ପରିସ୍ଥିତି ସଙ୍ଗୀନ ହୋଇଛି । ସଫଦରଜଙ୍ଗ ଅଞ୍ଚଳରେ ଘଣ୍ଟାକୁ ୮୦ କିଲୋମିଟର ବେଗରେ ପବନ ବହିବା ରେକର୍ଡ ହୋଇଛି।

#WATCH | Delhi | A pole fell on the main road near Nizamuddin Flyover after heavy rainfall accompanied by wind was witnessed in the national capital. pic.twitter.com/45fSBitwPD
— ANI (@ANI) May 21, 2025

କିଛି ଜାଗାରେ ବିଦ୍ୟୁତ ସେବା ବାଧାପ୍ରାପ୍ତ ହୋଇଛି । ଝଡ଼ତୋଫାନାରେ ଗଛ ଉପୁଡ଼ିଛି । ହୋଡିଂ ଭାଙ୍ଗି ରାସ୍ତା ଉପରେ ପଡ଼ିଛି । ଫଳରେ ଯାତାୟତ ବାଧାପ୍ରାପ୍ତ ହୋଇଥିଲା । ପ୍ରବଳ ବର୍ଷା ପରେ ରାସ୍ତାରେ ପାଣି ଜମିଛି ଫଳରେ ଟ୍ରାଫିକ ଜାମ୍ ହୋଇଥିଲା ଆଉ ବର୍ଷା ପବନ ପାଇଁ ମେଟ୍ରୋ ସେବା ମଧ୍ୟ ଅଟକିଯାଇଥିଲା । ବିଭିନ୍ନ ଜାଗାରେ ଗଛ ଭାଙ୍ଗି ପଡ଼ିଥିବା ନେଇ ଖବର ମିଳିବା ପରେ ରାସ୍ତାରୁ ଗଛ ହଟାଯାଇଥିଲା । ଖାଲି ସଡ଼କପଥରେ ଯାତାୟତ ବାଧାପ୍ରାପ୍ତ ହୋଇନି, ବରଂ ବିମାନ ଚଳାଚଳ ମଧ୍ୟ ପ୍ରଭାବିତ ହୋଇଥିଲା । ବହୁ ଉଡ଼ାଣକୁ ବାତିଲ କରାଯାଇଥିଲା, ବା ବିଳମ୍ବରେ ଉଡ଼ାଣ ପାଇଁ ଅନୁମତି ମିଳିଥିଲା । କହିବାକୁ ଗଲେ ଏକପ୍ରକାର ଦିଲ୍ଲୀ ଝଡତୋଫାନ ଏବଂ କୁଆପଥର ବର୍ଷାରେ ବେହାଲ ହୋଇଥିଲା।

Argus News | argus news | Odisha Latest News, Breaking News, Trending News, Live TV