୦୯/୦୫, ଭୁବନେଶ୍ବର: ବଲିଉଡର ବରିଷ୍ଠ ଅଭିନେତା ଶକ୍ତି କପୁର ସମ୍ପ୍ରତି ସୋସିଆଲ ମିଡିଆରେ ଭାଇରାଲ ହୋଇଥିବା ମିଥ୍ୟା ମୃତ୍ୟୁ ଗୁଜବର ଶିକାର ହୋଇଛନ୍ତି । ଶକ୍ତି କପୁର ସମ୍ପ୍ରତି ମିଥ୍ୟା ମୃତ୍ୟୁ ଗୁଜବର ଶିକାର ହୋଇଥିବା ସେଲିବ୍ରିଟିଙ୍କ ତାଲିକାରେ ସାମିଲ ହୋଇଛନ୍ତି । ତାଙ୍କ ମୃତ୍ୟୁର ମିଥ୍ୟା ଖବର ସୋସିଆଲ ମିଡିଆରେ ବ୍ୟାପିଥିଲା। ଯାହା ତାଙ୍କ ଅନେକ ପ୍ରଶଂସକଙ୍କୁ ଆଶ୍ଚର୍ଯ୍ୟ ଏବଂ ଚିନ୍ତିତ କରିଥିଲା। "ସମସ୍ତଙ୍କୁ ନମସ୍କାର। ମୋର ମୃତ୍ୟୁ ଖବର ସବୁ ମିଥ୍ୟା। ମୁଁ ସୁସ୍ଥ ଏବଂ ଖୁସି। ଦୟାକରି ଏହାକୁ ଅଣଦେଖା କରନ୍ତୁ। ଏଭଳି କରଥିବା ଲୋକଙ୍କ ବିରୁଦ୍ଧରେ ଆଇନର ଆଶ୍ରୟ ନେବି ବୋଲି ସୋସିଆଲ ମିଡିଆରେ ଭିଡିଓ ବାର୍ତ୍ତା ଦେଇ ଶକ୍ତି କପୁର କହିଛନ୍ତି।

ଏହି କଳ୍ପନାଜଳ୍ପନାର ଅନ୍ତ ଘଟାଇ, ୭୩ ବର୍ଷୀୟ ଅଭିନେତା ଗୁରୁବାର ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି ତାଙ୍କ ପ୍ରଶଂସକମାନଙ୍କୁ ଆଶ୍ୱାସନା ଦେଇଥିଲେ ଯେ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ଅଭିନେତା ଏହି ମିଥ୍ୟା ଖବରକୁ ନିନ୍ଦା କରିଛନ୍ତି ଏବଂ କହିଛନ୍ତି ଯେ ସେ ଏହି ଭୁଲ ସୂଚନା ପ୍ରସାରଣ କରୁଥିବା ଲୋକଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ନେବାକୁ ଯୋଜନା କରିଛନ୍ତି । ସେ କହିଛନ୍ତି ଯେ ସେ ଖୁବ୍ ଶୀଘ୍ର ସାଇବର ସେଲରେ ଅଭିଯୋଗ କରିବେ।

ପଢନ୍ତୁ ଏହି ଖବର: ଏହି ବର୍ଷ ବିବାହ କରିବେ ଜାହ୍ନବୀ, କିନ୍ତୁ ବୋନି କପୁର କହିଦେଲେ ଏମିତି

ଏକ ସେଲଫି ଭିଡିଓ ସେୟାର କରି ଶକ୍ତି କପୁର କହିଛନ୍ତି, "ନମସ୍କାର ବନ୍ଧୁଗଣ । ମୋ ମୃତ୍ୟୁ ଖବର ସମ୍ପୂର୍ଣ୍ଣ ମିଥ୍ୟା । ମୁଁ ସୁସ୍ଥ ଏବଂ ଖୁସି ଅଛି। ଦୟାକରି ଏହାକୁ ଅଣଦେଖା କରନ୍ତୁ । ମୁଁ ଏ ସମ୍ପର୍କରେ ଏକ ସାଇବର ଅଭିଯୋଗ ଦାଖଲ କରିବାକୁ ଯାଉଛି । ଏହା ଠିକ୍ ନୁହେଁ । ଶକ୍ତି କପୁର ଏପରି ଗୁଜବର ସମ୍ମୁଖୀନ ହେଉଥିବା ଏକମାତ୍ର ଫିଲ୍ମ ଷ୍ଟାର ନୁହଁନ୍ତି । ପୁର୍ବରୁ ଅନେକ ତାରକା ସୋସିଆଲ ମିଡିଆରେ ମିଥ୍ୟା ମୃତ୍ୟୁର ଗୁଜବ ହୋଇଥିଲା।  ପରେଶ ରାୱଲ, ଶାହରୁଖ ଖାନ, ଅମିତାଭ ବଚ୍ଚନ, କ୍ୟାଟ୍ରିନା କୈଫ ଏବଂ ରଜନୀକାନ୍ତଙ୍କ ପରି ଅଭିନେତାମାନେ ମଧ୍ୟ ସମାନ ମିଥ୍ୟା ରିପୋର୍ଟର ସମ୍ମୁଖୀନ ହୋଇଛନ୍ତି।

ଶକ୍ତି କପୁର 1980 ଏବଂ 1990 ଦଶକରେ ତାଙ୍କର ଖଳନାୟକ ଏବଂ ହାସ୍ୟରସାତ୍ମକ ଭୂମିକା ପାଇଁ ଦର୍ଶକଙ୍କ ମଧ୍ୟରେ ପରିଚିତି ହାସଲ କରିଥିଲେ। ତାଙ୍କର ପାଞ୍ଚ ଦଶକର ଲମ୍ବା କ୍ୟାରିଅରରେ, ସେ 700 ରୁ ଅଧିକ ଫିଲ୍ମରେ ଅଭିନୟ କରିଛନ୍ତି। "ରାଜା ବାବୁ," "ଅନ୍ଦାଜ୍ ଅପନା ଅପନା," "ଚାଲବାଜ୍," "କୁଲି ନମ୍ବର 1," "ଜୁଡୱା," "ସତ୍ତେ ପେ ସଟ୍ଟା," ଏବଂ "ବୋଲ ରାଧା ବୋଲ" ଭଳି ଫିଲ୍ମରେ ତାଙ୍କର ଭୂମିକା ଏବେ ବି ମନେ ପଡ଼େ। ସେ ସମ୍ପ୍ରତି "ମେରେ ହସବ୍ୟାଣ୍ଡ କି ବିବି" ଏବଂ ରଣବୀର କପୁରଙ୍କ ଅଭିନୀତ "ଆନିମଲ୍" ରେ ଅଭିନୟ କରିଥିଲେ।