CCTV Footage Viral / ହାତରେ ହାତ ଧରି ସିଡ଼ିରୁ ଓହ୍ଲାଉଥିଲେ ଶିବା ! ମଡେଲ୍ ଶ୍ରଦ୍ଧା ଦୁବେଙ୍କ ସହ CCTV ଫୁଟେଜ୍ ଭାଇରାଲ୍

ଲକ୍ଷ୍ନୌ: ଉତ୍ତରପ୍ରଦେଶର ଲକ୍ଷ୍ନୌରେ ବ୍ୟବସାୟୀ ଶିବ ଶର୍ମାଙ୍କ ମୃତ୍ୟୁ ମାମଲା ନୂଆ ମୋଡ଼ ନେଇଛି। ମାମଲା ସହ ଜଡ଼ିତ ଏକ ନୂଆ CCTV ଫୁଟେଜ୍ ସାମ୍ନାକୁ ଆସିଛି। ଏଥିରେ ଶିବ ଶର୍ମା, ଶ୍ରଦ୍ଧା ଦୁବେ ଏବଂ ତାଙ୍କ ଭଉଣୀ ରଶ୍ମି ଦୁବେଙ୍କୁ ଏକାଠି ସିଡ଼ି ଦେଇ ତଳକୁ ଓହ୍ଲାଉଥିବାର ଦେଖାଯାଇଥିବା ଦାବି କରାଯାଉଛି।

ସୂଚନା ଅନୁସାରେ, ଲକ୍ଷ୍ନୌର ହଜରତଗଞ୍ଜ ଅଞ୍ଚଳସ୍ଥିତ ଅବଧ ଗ୍ରୀନ୍ ଆପାର୍ଟମେଣ୍ଟରେ ୯ ଅକ୍ଟୋବର ୨୦୨୬ରେ ଏହି ଘଟଣା ଘଟିଥିଲା। ୨୮ ବର୍ଷୀୟ ଶିବ ଶର୍ମା ଆପାର୍ଟମେଣ୍ଟର ଚତୁର୍ଥ ମହଲାରୁ ଖସିପଡ଼ି ପ୍ରାଣ ହରାଇଥିଲେ। ସେ ଏକ କାଫେ ଓ ଖାଦ୍ୟ ବ୍ୟବସାୟ ସହ ଜଡ଼ିତ ଥିଲେ।

CCTVରେ କ’ଣ ଦେଖାଯାଉଛି?

ସାମ୍ନାକୁ ଆସିଥିବା ଫୁଟେଜ୍‌ରେ ଶ୍ରଦ୍ଧା ଦୁବେଙ୍କ ଭଉଣୀ ରଶ୍ମି ମୋବାଇଲ୍ ଫୋନ୍ ଧରି ପ୍ରଥମେ ସିଡ଼ି ଦେଇ ଓହ୍ଲାଉଥିବା ଦେଖାଯାଉଛି। ଏହା ପରେ ଶିବ ଶର୍ମା ଶ୍ରଦ୍ଧାଙ୍କ ହାତ ଧରି ତଳକୁ ଓହ୍ଲାଉଥିବା ଦାବି କରାଯାଇଛି। ଏହି ଫୁଟେଜ୍ ଶିବଙ୍କ ମୃତ୍ୟୁ ପୂର୍ବରୁର ବୋଲି କୁହାଯାଉଛି।

ପଢନ୍ତୁ ଏହି ଖବର: ଦୁର୍ଦ୍ଦାନ୍ତ ଆତଙ୍କବାଦୀ ମହମ୍ମଦ ହସନ ଗିରଫ, ରାପିଡୋ ଚଲାଉଥିଲେ ଓ ଅତର ବିକ୍ରି କରୁଥିଲେ

ଆପାର୍ଟମେଣ୍ଟର ମାଲିକ ଅଜୟ ରାୟଙ୍କ କହିବା ଅନୁସାରେ, ଶ୍ରଦ୍ଧାଙ୍କ ଝଗଡ଼ାଳୁ ସ୍ୱଭାବ ଯୋଗୁଁ ସେ CCTV କ୍ୟାମେରା ଲଗାଇଥିଲେ। ତାଙ୍କ ଦାବି ଅନୁଯାୟୀ, ଶ୍ରଦ୍ଧାଙ୍କ ଆଚରଣ ଓ ଭାଷାକୁ ନେଇ ଆପତ୍ତି ଥିଲା ଏବଂ ସେ କ୍ୟାମେରା ଲଗାଇବାକୁ ମଧ୍ୟ ବିରୋଧ କରିଥିଲେ।
ଶିବଙ୍କ ମାଆ ଆଣିଥିଲେ ଗମ୍ଭୀର ଅଭିଯୋଗ

ଶିବଙ୍କ ମୃତ୍ୟୁ ପରେ ତାଙ୍କ ମାଆ ରଞ୍ଜନା ଶର୍ମା ଶ୍ରଦ୍ଧା ଦୁବେ ଓ ତାଙ୍କ ଭଉଣୀଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଥିଲେ। ଉପଲବ୍ଧ ସୂଚନା ଅନୁସାରେ, ଏହି ମାମଲାରେ ଶ୍ରଦ୍ଧା ଦୁବେ, ରଶ୍ମି ଦୁବେ ଏବଂ ଡ୍ରାଇଭର ଦାନିଶ ଓରଫ ତନବୀରଙ୍କୁ ଦଣ୍ଡାଦେଶ ହୋଇଥିବା ଦାବି କରାଯାଇଛି।