ଅର୍ଗସ ବ୍ୟୁରୋ: ଗୋଟିଏ ମଇଁଷିର ମୂଲ୍ୟ କେତେ ହୋଇପାରେ ଟିକିଏ ଅନୁମାନ କରନ୍ତୁ । ହରିୟାଣାର ମଇଁଷି ଅନମୋଲ ହେଉଛି ଭାରତର ସବୁଠାରୁ ଦାମୀ ମଇଁଷି। ଏହାର ମୂଲ୍ୟ ହେଉଛି ୨୩କୋଟି ଟଙ୍କା । ଏହି ଦାମୀ ମଇଁଷିର ବଳିଷ୍ଠ ଚେହେରାକୁ ନେଇ ଏବେ ସାରା ଦେଶରେ ଚର୍ଚ୍ଚା । ଅନମୋଲର ଓଜନ ହେଉଛି ପ୍ରାୟ ୧୫ଶହ କେଜି । ପ୍ରତିଦିନ ତାକୁ ଡ୍ରାଏ ଫ୍ରୁଟସ୍ ସହ ସୁସ୍ବାଦୁ ଫଳ ଦିଆଯାଇଥାଏ । ଏଥିପାଇଁ ତାର ମାଲିକ ଦୈନିକ ପ୍ରାୟ ୧୫ଶହ ଟଙ୍କା ଖର୍ଚ୍ଚ କରିଥାନ୍ତି । 

ଏବେ ନଜର ପକାଇବା ଅନମୋଲର ଖାଦ୍ୟ ତାଲିକା ଉପରେ । ସେ ପ୍ରତିଦିନ ୨୫୦ଗ୍ରାମ୍ ଆଲମଣ୍ଡ, ୩୦ ଟି କଦଳୀ, ୪ କେଜି ଡାଲିମ୍ବ, ୫ କେଜି ଖୀର । ସବୁଠୁ ଆଶ୍ଚର୍ଯ୍ୟ କଥା ହେଲା ଏହି ମଇଁଷିକୁ ପ୍ରତିଦିନ ୨୦ଟି ଅଣ୍ଡା ଖାଇବାକୁ ଦିଆଯାଏ । ପ୍ରତିଦିନ ତାକୁ ଦୁଇ ଥର ଗାଧୋଇ ଦିଆଯାଏ । ଅନମୋଲ ମଇଁଷିର ଶୁକ୍ରାଣୁର ବେଶ ଚାହିଦା ରହିଛି । ସପ୍ତାହକୁ ଦୁଇଥର ଏହା ସଂଗ୍ରହ କରାଯାଏ । ଶୁକ୍ରାଣୁ ବିକ୍ରି କରି ଅନମୋଲର ମାଲିକ ମାସକୁ ପ୍ରାୟ ୪ରୁ ୫ ଲକ୍ଷ ଟଙ୍କା ପାଇଥାନ୍ତି । ଆଜମିର ପୁଷ୍ମର ମେଳା ଓ ମିରଟରେ ହେଉଥିବା ସର୍ବଭାରତୀୟ କୃଷକ ମେଳାରେ ଏହି ମଇଁଷି ସବୁବେଳେ ଚର୍ଚ୍ଚାରେ ରହିଥାଏ ।