Husband Murder / କ୍ଷୀରରେ ନିଦ ଔଷଧ ତକିଆ ତଳେ ବିଷାକ୍ତ ସାପ ଆଉ ତା'ପରେ...

ସ୍ଵାମୀକୁ ହତ୍ୟା କରିବା ପାଇଁ ସ୍ତ୍ରୀର ସାଂଘାତିକ ଷଡ଼ଯନ୍ତ୍ର... ସ୍ଵାମୀର ତକିଆ ତଳେ ସ୍ତ୍ରୀ ରଖିଲା ବିଷାକ୍ତ ଚିତି ବୋଡ଼ା ସାପ । ସ୍ଵାମୀ ଶୋଇଥିବା ଅବସ୍ଥାରେ ସାପ ମାରିଲା ମୁହଁକୁ ଚୋଟ । ସାପୁଆଙ୍କୁ ୧୫ ହଜାର ଦେଇ ସ୍ତ୍ରୀ ଆଣିଥିଲା ବିଷାକ୍ତ ସାପ । ପୁରୁଷ ମାନେ ଏବେ ବିପଦରେ । କଣ ହୋଇଛି ଏ ସ୍ତ୍ରୀ ମାନଙ୍କୁ । ଗୋଟିଏ ପରେ ଗୋଟିଏ ସ୍ଵାମୀଙ୍କୁ ଅତି ନିର୍ମମ ଭାବରେ ହତ୍ୟା କରୁଛନ୍ତି ସ୍ତ୍ରୀ ।

ଯେମିତି ଏବେ ଦେଖିବାକୁ ମିଳିଛି । ସ୍ଵାମୀକୁ ହତ୍ୟା କରିବା ପାଇଁ ସ୍ତ୍ରୀ କରିଛି ଅତି ସାଂଘାତିକ ଷଡ଼ଯନ୍ତ୍ର । ବିଷାକ୍ତ ସାପ ଆଣି ସ୍ଵାମୀର ତକିଆ ତଳେ ଛାଡ଼ି ଦେଇଥିଲା । ସ୍ଵାମୀ ଶୋଇପଡ଼ିଲା ପରେ ସାପ ମାରିଥିଲା ସ୍ଵାମୀର ମୁହଁକୁ ଚୋଟ ପରେ ଚୋଟ । ସ୍ଵାମୀର ଅତି ନୃସଂଶ ଭାବରେ ହତ୍ୟା କରାଯାଇଛି । ପ୍ରେମିକ ସହ ମିଶି ସ୍ତ୍ରୀ ରଚିଛି ଏମିତି ହତ୍ୟା ଷଡ଼ଯନ୍ତ୍ର ।

ହେଉଛି ସେହି ବିଷାକ୍ତ ବୋଡ଼ା ସାପ । ଯେଉଁ ସାପକୁ ସ୍ଵାମୀର ତକିଆ ତଳେ ରଖି ଦେଇଥିଲା ସ୍ତ୍ରୀ । ଏହି ସାପ ସ୍ଵାମୀର ମୁହଁକୁ ମାରିଥିଲା ଚୋଟ । ଗୋଡ଼ରେ ମଧ୍ୟ ରହିଛି ସାପ କାମୁଡ଼ାର ଚିହ୍ନ । ଆଉ ଏ ହେଉଛି ସେହି ସ୍ତ୍ରୀ ଏବଂ ତାଙ୍କ ପ୍ରେମିକ । ମୃତ ବ୍ୟକ୍ତିଙ୍କର ନାମ ହେଉଛି ଅତୁଲ କୁମାର ପନ୍ଓ୍ବାର । ହତ୍ୟାକାରୀ ସ୍ତ୍ରୀର ନାଁ ହେଉଛି ଦାମିନୀ ଏବଂ ପ୍ରେମିକର ନାଁ ହେଉଛି ତୁଷାର ।

ଯଦି ଦେଖିବା ସ୍ଵାମୀ ଅତୁଲ ଏକ ପ୍ଲେ ସ୍କୁଲ କରିଥିଲେ । ଆଉ ସେହି ସ୍କୁଲରେ ଡ୍ରାଇଭର ଥିଲା ତୁଷାର । ତେବେ ଡ୍ରାଇଭର ତୁଷାର ଏବଂ ଅତୁଲଙ୍କ ସ୍ତ୍ରୀ ମଧ୍ୟରେ ସୃଷ୍ଟି ହେଇଥିଲା ପ୍ରେମ ସମ୍ପର୍କ । ପୋଲିସର କହିବା ମୁତାବ ଅତୁଲଙ୍କୁ ରାସ୍ତାରୁ ହଟାଇବା ପାଇଁ ସ୍ତ୍ରୀ ଦାମିନୀ ଏବଂ ପ୍ରେମିକ ତୁଷାର ମିଶି ଏହି ଷଡ଼ଯନ୍ତ୍ର ରଚିଥିଲେ । ପ୍ରଥମେ ଅତୁଲଙ୍କୁ କ୍ଷୀରରେ ଶୋଇବା ଔଷଧ ମିଶାଇ ଦିଆଯାଇଥିଲା ।

ଏହାପରେ ତାଙ୍କ ତକିଆ ତଳେ ବିଷାକ୍ତ ବୋଡ଼ା ସାପକୁ ରଖି ଦେଇଥିଲେ। ଅତୁଲ ଶୋଇପଡ଼ିବା ପରେ ତାଙ୍କୁ ସାପ ଦ୍ୱାରା କାମୁଡ଼ାଯାଇଥିଲା। ଯାହାଫଳରେ ତାଙ୍କର ମୃତ୍ୟୁ ହୋଇଛି । ଏହି ଯୋଜନାକୁ କାର୍ଯ୍ୟକାରୀ କରିବା ପାଇଁ ତୁଷାର ହସ୍ତିନାପୁରର ରହୁଥିବା ଦୁଇ ଜଣ ସାପୁଆଙ୍କ ସାହାଯ୍ୟ ନେଇଥିଲେ । ୧୫ ହଜାର ଟଙ୍କା ଦେଇ ସେମାନଙ୍କଠୁ କିଣିଥିଲା ସାପ। ଏମିତି କିଛି ଘଟଣା ଦେଖିବାକୁ ମିଳିଛି ଉତ୍ତର ପ୍ରଦେଶ ମିରଟ୍‌ରେ ।

ସେପଟେ ପ୍ରାଥମିକ ତଦନ୍ତରୁ ଏହା ସାପ କାମୁଡ଼ାରୁ ମୃତ୍ୟୁ ହୋଇଥିଲା ଜଣା ପଡ଼ିଥିଲା। କିନ୍ତୁ ଅତୁଲଙ୍କ ବାପା ଅଜବ ସିଂହଙ୍କ ଅଭିଯୋଗ ସବୁ ସତ ବାହାରକୁ ନେଇ ଆସିଲା । ଅତୁଲଙ୍କ ବାପା ତାଙ୍କ ବୋହୂ ଉପରେ ପୁଅକୁ ହତ୍ୟା କରିଥିବା ନେଇ ଅଭିଯୋଗ କରିଥିଲେ । ଅଭିଯୋଗ ପରେ ତଦନ୍ତ ଆରମ୍ଭ କରିଥିଲା ପୋଲିସ୍‌ ।

ତଦନ୍ତ ପରେ ସିନିୟର ସୁପରିଣ୍ଟେଣ୍ଡେଣ୍ଟ ଅଫ୍ ପୋଲିସ ଅବିନାଶ ପାଣ୍ଡେ କହିଛନ୍ତିକି ତୁଷାର ଗତ ତିନି ମାସ ଧରି ସ୍କୁଲ ବସ୍ ଡ୍ରାଇଭର ଭାବେ କାମ କରୁଥିଲେ । ଏହା ପରେ ଦାମିନୀଙ୍କ ସହ ତାଙ୍କର ପ୍ରେମ ସମ୍ପର୍କ ଆରମ୍ଭ ହୋଇଥିଲା । ଯାହାପରେ ଏମିତି ହତ୍ୟାର ଷଡ଼ଯନ୍ତ୍ର କରିଥିଲେ ଦୁହେଁ ମିଶି ।