କେରଳର କନ୍ନୁରରେ, ଜଣେ ୩୦ ବର୍ଷୀୟ ବ୍ୟକ୍ତି ତାଙ୍କ ଘରେ ତାଙ୍କ ମାଆଙ୍କୁ ହତ୍ୟା କରିଥିଲେ ଏବଂ ପରେ ପୋଲିସ ନିକଟରେ ଆତ୍ମସମର୍ପଣ କରିଥିଲେ, ଜଣେ ପୋଲିସ ଅଧିକାରୀ ଏହି ବିଷରେ ସୂଚନା ଦେଇଛନ୍ତି । ମୃତକଙ୍କ ନାମ ଗୀତାମ୍ମା (୫୩), ସେ ପେରାଭୁର ନିକଟସ୍ଥ କନିଚରର ବାସିନ୍ଦା ଏବଂ ଥାଙ୍କଚନଙ୍କ ପତ୍ନୀ ।

ପୋଲିସ କହିଛି ଯେ ଶୁକ୍ରବାର ରାତିରେ ଏହି ଘଟଣା ପରେ ତାଙ୍କ ପୁଅ କ୍ରିଷ୍ଟି କେଲକୋମ ପୋଲିସ ଷ୍ଟେସନରେ ଆତ୍ମସମର୍ପଣ କରିଛି । ଏଫଆଇଆର ଅନୁଯାୟୀ, ଶୁକ୍ରବାର ରାତି ୮ଟାରୁ ୯ଟା ମଧ୍ୟରେ କ୍ରିଷ୍ଟି ଗୀତାମ୍ମାଙ୍କ ଶୋଇଥିବା ଘରେ ପଶି ବେକରେ ଛୁରି ଭୁଷି ହତ୍ୟା କରିଥିଲେ । ଏଫଆଇଆରରେ ଉଲ୍ଲେଖ ଅଛି ଯେ ଅଞ୍ଚଳର ଲୋକମାନେ ମହିଳାଙ୍କ ବିଷୟରେ ଖରାପ କଥା ଶୁଣି ସେ ଏହି ଅପରାଧ କରିଥିଲେ ।

ମହିଳା ଜଣକ ଏକ ବ୍ୟୁଟି ପାର୍ଲର ଚଳାଉଥିଲେ
କ୍ରିଷ୍ଟି ବେଙ୍ଗାଲୁରୁର ଏକ କଲେଜରେ ପାଠପଢିଥିଲେ କିନ୍ତୁ ପାଠ ପଢ଼ା ଶେଷ ନକରି ଘରକୁ ଫେରି ଆସିଥିଲେ । ଗୀତାମ୍ମା ଏକ ବ୍ୟୁଟି ପାର୍ଲର ଚଳାଉଥିଲେ ଏବଂ ସେ ଜଣେ ସକ୍ରିୟ କର୍ମୀ ଥିଲେ । ଥାଙ୍କାଚନ ବାହାରେ ଥିବା ସମୟରେ ଏହି ଘଟଣା ଘଟିଥିଲା । ଅଧିକାରୀମାନେ କହିଛନ୍ତି ଯେ ତାଙ୍କ ମାଆଙ୍କୁ ଆକ୍ରମଣ କରିବା ପରେ, କ୍ରିଷ୍ଟି ଜଣେ ବନ୍ଧୁଙ୍କୁ ଡାକି ତାଙ୍କ ମୋଟରସାଇକେଲ ଯୋଗେ ପୋଲିସ ଷ୍ଟେସନକୁ ଯାଇଥିଲେ, ଯେଉଁଠାରେ ସେ ଘଟଣା ବିଷୟରେ ଅଧିକାରୀମାନଙ୍କୁ ଜଣାଇଥିଲେ ।

ଏହାପରେ ପୋଲିସ ଘରେ ପହଞ୍ଚି ଗୀତାମ୍ମାଙ୍କୁ ଡାକ୍ତରଖାନାକୁ ନେଇଥିଲେ, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସମ୍ପର୍କୀୟମାନେ ଅଭିଯୋଗ କରିଛନ୍ତି ଯେ କ୍ରିଷ୍ଟି ଜଣେ ନିଶାକାରୀ ଥିଲା । ଆହୁରି ମଧ୍ୟ କହିଛନ୍ତି ଯେ ଏହି କଥାର ସତ ଜାଣିବା ପାଇଁ ଅଧିକ ତଦନ୍ତ ଆବଶ୍ୟକ । ବର୍ତ୍ତମାନ, କେଲକୋମ ପୋଲିସ ହତ୍ୟା ମାମଲା ରୁଜୁ କରିଛି ।