ଅର୍ଗସ ବ୍ୟୁରୋ: ଆଜିଠାରୁ ସଂସଦରେ ଆରମ୍ଭ ହେବ ସମ୍ବିଧାନ ଉପରେ ସ୍ବତନ୍ତ୍ର ବିତର୍କ । ସୂଚନା ଅନୁଯାୟୀ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ବିତର୍କର ଶୁଭାରମ୍ଭ କରିବେ । ଡିସେମ୍ବର ୧୩ ଓ ୧୪ ତାରିଖରେ ଲୋକସଭା ଏବଂ ଡିସେମ୍ବର ୧୬ ଓ ୧୭ ତାରିଖରେ ରାଜ୍ୟସଭାରେ ହେବ ବିତର୍କ । ଏଥିରେ ବିରୋଧୀ ମଣିପୁର ହିଂସା ଓ ଜାତି ଜନଗଣନା ପ୍ରସଙ୍ଗ ଉଠାଇ ସରକାରୀଙ୍କୁ ଘେରିବାକୁ ଯୋଜନା କରିଛନ୍ତି । 

ଅଧିକ ପଢ଼ନ୍ତୁ: ଓ୍ବାନ ନେସନ୍, ଓ୍ବାନ ଇଲେକସନ ବିଲକୁ କ୍ୟାବିନେଟର ମଞ୍ଜୁରୀ

ବିଜେପି ଜର୍ଜ ସୋରସ ପ୍ରସଙ୍ଗ ଉଠାଇ କଂଗ୍ରେସକୁ କାଠଗଡାରେ ଛିଡା କରିପାରେ । ଲୋକସଭାରେ ୧୪ ତାରିଖରେ ପ୍ରଧାନମନ୍ତ୍ରୀ ବକ୍ତବ୍ୟ ରଖିବେ । ରାଜ୍ୟସଭାରେ ଅମିତ ଶାହ ୧୭ରେ ବିତର୍କ ଶେଷରେ ବକ୍ତବ୍ୟ ରଖିପାରନ୍ତି ବୋଲି ଜଣାପଡ଼ିଛି । ବିରୋଧୀଙ୍କ ପକ୍ଷରୁ ରାହୁଲ ଗାନ୍ଧି ଓ ପ୍ରିୟଙ୍କା ଭଦ୍ରା ଏହି ଡିବେଟରେ ଭାଗ ନେବେ । ଏ ପ୍ରସଙ୍ଗରେ ରଣନୀତି ପ୍ରସ୍ତୁତ ପାଇଁ ପ୍ରଧାନମନ୍ତ୍ରୀଙ୍କ ବାସଭବନରେ ଏକ ବୈଠକ ହୋଇଛି । ଏଥିରେ ଗୃହମନ୍ତ୍ରୀ ଅମିତ ଶାହ ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ପ୍ରମୁଖ ସାମିଲ ହୋଇଛନ୍ତି ।