କେନ୍ଦ୍ର ଖାଉଟି କଲ୍ୟାଣ ମନ୍ତ୍ରୀଙ୍କୁ ଭେଟିଲେ ରାଜ୍ୟ ଖାଉଟି ମନ୍ତ୍ରୀ, ବକେୟା ଅର୍ଥକୁ ନେଇ...

ଅର୍ଗସ ବ୍ୟୁରୋ : କେନ୍ଦ୍ର ଖାଦ୍ୟ ଏବଂ ଖାଉଟି  କଲ୍ୟାଣ ମନ୍ତ୍ରୀ ପ୍ରହଲ୍ଲାଦ ଯୋଶୀଙ୍କୁ  ଭେଟିଛନ୍ତି ରାଜ୍ୟ ଖାଦ୍ୟ ଏବଂ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । କେନ୍ଦ୍ର ସରକାର ରାଜ୍ୟ ସରକାରଙ୍କର ଏହି ବିଭାଗକୁ ଚଳିତ ବର୍ଷ ପାଇଁ ଅଢ଼େଇ ହଜାର କୋଟି ଟଙ୍କା ମଞ୍ଜୁର କରିଛନ୍ତି । ଯାହା ଚଳିତ ମାସ ୨୦ କିମ୍ବା ୨୧ ତାରିଖ ସୁଦ୍ଧା ରାଜ୍ୟକୁ ମିଳିଯିବ ।

ଗତ ୯-୧୦ ବର୍ଷ ହେଲା ଯାହା ପୁରୁଣା ବକେୟା ଟଙ୍କା ଅଛି ତାହା ମଧ୍ୟ ଖୁବଶୀଘ୍ର ହିସାବ କରାଯିବ । ପୁରୁଣା ହିସାବରେ କିଛି ଟେକ୍ନିକାଲ ଅସୁବିଧା ଅଛି । ତାକୁ କେନ୍ଦ୍ର ଏବଂ ରାଜ୍ୟର ଅଫିସରମାନେ ସମାଧାନ କରିବେ ।  ଏହା ସହ କେନ୍ଦ୍ରରୁ ଯାହା କିଣାଯିବ ସେ ବାବଦରେ  ମଧ୍ୟ ଆଲୋଚନା  ହୋଇଛି ବୋଲି ମନ୍ତ୍ରୀ କହିଛନ୍ତି । ସେପଟେ UNESCO Kalinga ପୁରସ୍କାର ପ୍ରସଙ୍ଗରେ କେନ୍ଦ୍ର ସହ କୌଣସି ଆଲୋଚନା ହୋଇନାହିଁ ବୋଲି କହିଛନ୍ତି ଖାଉଟି କଲ୍ୟାଣ ମନ୍ତ୍ରୀ ।