ଦୋହଲିଲା ଷ୍ଟକ୍ ମାର୍କେଟ୍ । ଆଜି କାରବାର ଆରମ୍ଭରୁ ଷ୍ଟକ୍ ମାର୍କେଟ୍ ଖସିଛି । ବମ୍ବେ ଷ୍ଟକ୍ ଏକ୍ସଚେଂଜ ସୂଚକାଙ୍କ ୩ହଜାର ପଏଣ୍ଟ ଖସିଥିବା ବେଳେ ଏନଏସଇ ଏକ ହଜାର ପଏଣ୍ଟ ହ୍ରାସ ପାଇଛି । ଏଥିଯୋଗୁଁ ନିବେଶକ ମାନେ ବିପୁଳ ପରିମାଣର କ୍ଷତି ସହିଛନ୍ତି । ଆଜି କାରବାର ଆରମ୍ଭରୁ ବମ୍ବେ ଷ୍ଟକ ଏକ୍ସଚେଂଜ ସୂଚକାଙ୍କ ୩ହଜାର ୩୮୦ ପଏଣ୍ଟ ଖସିଥିଲା । ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଟାରିଫ୍ ବୃଦ୍ଧି ପରେ ଷ୍ଟକ୍ ମାର୍କେଟରେ ଏହାର ପ୍ରଭାବ ପଡିଛି । ଏସିଆନ୍ ଷ୍ଟକ୍ ମାର୍କେଟ ଧରାଶାୟୀ ହୋଇଛି । ଜାପାନ, ଦକ୍ଷିଣକୋରିଆ, ହଂକଂ ଓ ସିଙ୍ଗାପୁର ସହ ଅଷ୍ଟ୍ରେଲିଆ ଷ୍ଟକ୍ ମାର୍କେଟ୍ ଉପରେ ଏହାର ପ୍ରଭାବ ପଡିଛି ।

ଟ୍ରମ୍ପଙ୍କ ଟାରିଫ୍ ବୃଦ୍ଧି ପରେ ଆମେରିକାର ନ୍ୟୁୟର୍କ ଷ୍ଟକ୍ ଏକ୍ସଚେଂଜ ମଧ୍ୟ ପ୍ରଭାବିତ ହୋଇଛି । ସାରା ବିଶ୍ବରେ ନିବେଶକମାନେ ୬ ଟ୍ରିଲିୟନ ଡଲାରରୁ ଅଧିକ କ୍ଷତି ସହିଥିବା ସୂଚନା ମିଳିଛି । ଏହାକୁ ନେଇ ଆମେରିକାରେ ବିଶାଳ ପ୍ରତିବାଦ ସଭା ଦେଖିବାକୁ ମିଳିଥିଲ । ସେପଟେ ଷ୍ଟକ୍ ମାର୍କେଟ କାରବାରକୁ ନେଇ ନିବେଶକ ମାନେ ହତାଶ ହୋଇଥିବା ବେଳେ ଟ୍ରମ୍ପ୍ ଏହାକୁ ତାତ୍ସଲ୍ୟ କରିଛନ୍ତି । ସେ କହିଛନ୍ତି , ବେଳେ ବେଳେ ମେଡିସନ୍ ଦରକାର । ଆଉ ଏବେ ମେଡିସିନ୍ କାମ କରୁଛି ।