ଅଜବ ରେସିପି; ସୋସିଆଲ ମିଡିଆରେ ଭାଇରାଲ ଆମ୍ବ ପରଟା , ଜାଣନ୍ତୁ ପ୍ରସ୍ତୁତି ପ୍ରଣାଳୀ...
Key Points
ଫାଣ୍ଟା ମ୍ୟାଗି, ଆଇସକ୍ରିମ ବିରିୟାନୀ ଭଳି ଅଜବ ଅଜବ ଜିନିଷ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଆଜି ଜାଣିବା ମ୍ୟାଙ୍ଗୋ ପରଟା ବିଷୟରେ । ପ୍ରଥମେ ବ୍ୟକ୍ତି ଜଣକ ଆମ୍ବକୁ ଛୋଟ ଛୋଟ ପିସ୍ କରି କାଟି ସେଥିରେ କିଛି ମସଲା ଗୋଳାଇ ରଖୁଛନ୍ତି ।
ଖରାଦିନ ଆଉ ଆମ୍ବ । ଯେବେ ଖରାର ତାତି ବଢିଯାଏ ସେବେ ଖୋଜାପଡେ ଆମ୍ବ । ସେ ୮ ବର୍ଷର ପିଲା ହେଉ କି ୮୦ ବର୍ଷର ବୃଦ୍ଧ , ସମସ୍ତେ ଆମ୍ବକୁ ବେଶ ଭଲ ପାଆନ୍ତି । ଆମ୍ବ ଜୁସ୍ କଥା କୁହନ୍ତୁ କି ଆମ୍ବ ଲସି , ସବୁକୁ ବେଶ ଆନନ୍ଦର ସହ ଆମେ ଉପଭୋଗ କରନ୍ତି । କିନ୍ତୁ କେବେ 'ଆମ୍ବ ପରଟା' ଖାଇଛନ୍ତି କି ? ଆମ୍ବ ପରଟା ଶୁଣି ଆପଣଙ୍କୁ ନିଶ୍ଚୟ ଟିକେ ଅଜବ ଲାଗୁଥିବ, କିନ୍ତୁ ଏହି ରେସିପି ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଇନଷ୍ଟାଗ୍ରାମରେ ବ୍ରାଣ୍ଡ ଇନସାନ୍ ନାମକ ଏକ ହ୍ୟାଣ୍ଡେଲ ସୋସିଆଲ ମିଡିଆରେ ଶେୟାର କରିଛନ୍ତି । ଯେଉଁଥିରେ ଜଣେ ଫାଷ୍ଟ ଫୁଡ୍ ଦୋକାନୀ ଏପରି ପରଟା ତିଆରି କରୁଛନ୍ତି ।
ଫାଣ୍ଟା ମ୍ୟାଗି, ଆଇସକ୍ରିମ ବିରିୟାନୀ ଭଳି ଅଜବ ଅଜବ ଜିନିଷ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଆଜି ଜାଣିବା ମ୍ୟାଙ୍ଗୋ ପରଟା ବିଷୟରେ । ପ୍ରଥମେ ବ୍ୟକ୍ତି ଜଣକ ଆମ୍ବକୁ ଛୋଟ ଛୋଟ ପିସ୍ କରି କାଟି ସେଥିରେ କିଛି ମସଲା ଗୋଳାଇ ରଖୁଛନ୍ତି । ପରେ ପରଟା ପାଇଁ ଗୁଳି ପ୍ରସ୍ତୁତ କରି ସେଥିରେ ଏହି ମସଲା ସହ ଆମ୍ବକୁ ଦେଇ ଗୋଲ ଗୋଲ କରି ଗୁଳା ପ୍ରସ୍ତୁତ କରୁଛନ୍ତି । ଏହାପରେ ଗୋଲ କରି ବେଲିବା ପରେ ତାୱାରେ ସେକୁଛନ୍ତି । ଏବେ ପ୍ରସ୍ତୁତ ହେଇଗଲା ଆମ୍ବ ପରାଟା । ଏହାକୁ ବଟ୍ର ସହ କିମ୍ବା ପରଟା ସହ ଆପଣ ଖାଇ ପାରିବେ ।
