ଡିଜିଟାଲ କ୍ରାନ୍ତି ପାଇଁ ଭାରତରେ ପ୍ରସ୍ତୁତ ଦୃଢ଼ ଭିତ୍ତିଭୂମି

ଅର୍ଗସ ବ୍ୟୁରୋ: ବିକଶିତ ଭାରତର ଦୃଢ଼ ମୂଳଦୂଆ । ନୂଆଦିଲ୍ଲୀ ଭାରତ ମଣ୍ଡପମରେ ଆୟୋଜିତ ଅଷ୍ଟମ ଇଣ୍ଡିଆ ମୋବାଇଲ କଂଗ୍ରେସରେ ଦେଖିବାକୁ ମିଳିଛି ନୂଆ ଭାରତରେ ଡିଜିଟାଲ କ୍ରାନ୍ତିର ଝଲକ । ଆଇଟିୟୁ ବିଶ୍ୱ ଦୂରସଂଚାର ମାନକୀକରଣ ସଭାରେ ଭାରତର ଇନୋଭେସନ ଇକୋସିଷ୍ଟମ ନୂଆ ଆଶା ସଂଚାର କରିଛି । ଦି ଫ୍ୟୁଚର ଇଜ୍ ନାଓ କାର୍ଯ୍ୟକ୍ରମରେ ସାମିଲ ହୋଇଥିଲେ ୧୯୦ରୁ ଅଧିକ ଦେଶର ୩ ହଜାର ପ୍ରତିନିଧି । ପରବର୍ତ୍ତୀ ପିଢ଼ିର ଆବଶ୍ୟକତା, ଏଆଇ, ଆଇଓଟି, ବିଗ୍ ଡାଟା, ସାଇବର ସିକ୍ୟୁରିଟି ସହ WTSA- ୨୦୨୪ରେ ସଦସ୍ୟଭୂକ୍ତ ରାଷ୍ଟ୍ର ଗୁଡ଼ିକରେ 6G ନେଟୱର୍କକୁ ନେଇ ହୋଇ ବିସ୍ତୃତ ଆଲୋଚନା ।  ପ୍ରଥମ ଥର ପାଇଁ ITU-WTSA  ଭାରତ ଏବଂ ଏସିଆ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ଆୟୋଜିତ ହୋଇଛି । ବିକଶିତ ପାଇଁ ଡିଜିଟାଲ ଫାଷ୍ଟ୍ କୁ ଲକ୍ଷ୍ୟ ପୂରଣ ପାଇଁ ଆହ୍ବାନ ଦେଇଛନ୍ତି ମୋଦି ।

ଇଣ୍ଡିଆ ମୋବାଇଲ୍ କଂଗ୍ରେସ-2024ରେ 9 ଶହରୁ ଅଧିକ ଷ୍ଟାର୍ଟଅପ୍ ସହ 120ରୁ ଅଧିକ ଦେଶର ଶିଳ୍ପ ନେତା, ନୀତି ନିର୍ମାତା ଏବଂ ବୈଷୟିକ ବିଶେଷଜ୍ଞ,  ସେମାନଙ୍କ ଉକ୍ତୃଷ୍ଟ ଉତ୍ପାଦର ପ୍ରଦର୍ଶନ କରିଛନ୍ତି । ଯାହା ବିଶ୍ୱ ଟେଲିକମ୍ ଏଜେଣ୍ଡା ଗଠନ ସହ ଭବିଷ୍ୟତର ଟେକ୍ନୋଲୋଜି ପାଇଁ ମାର୍ଗ ନିର୍ଦ୍ଧାରଣ କରିବାରେ ପ୍ରମୁଖ ଭୂମିକା ଗ୍ରହଣ କରିବା ଆଶା ରହିଛି । 2014 ଭାରତରେ ଥିଲା ମାତ୍ର 2ଟି ମୋବାଇଲ୍ ମାନୁଫ୍ୟାକଚରିଂ ୟୁନିଟ୍। ଏବେ ଦେଶରେ 2 ଶହରୁ ଅଧିକ ମୋବାଇଲ୍ ମାନ୍ୟୁଫାକ୍ଚରିଂ ୟୁନିଟ। ଏସବୁରେ ଭାରତରେ ନିର୍ମିତ ସେମିକଣ୍ଡକ୍ଟର ଉପଯୋଗ ହେଉଛି । ବିଶ୍ବର ଦ୍ବିତୀୟ ବୃହତମ 5G ମାର୍କେଟ୍, UPI ପେମେଣ୍ଟ ବ୍ୟବସ୍ଥା ବିଶ୍ବ ପାଇଁ ନୂଆ ସୁଯୋଗ ସୃଷ୍ଟି କରିଛି । ଭାରତ ୱିମେନ୍ ଲେଡ୍ ଡେଭଲପମେଣ୍ଟ ଉପରେ ମଧ୍ୟ ଗୁରୁତ୍ବ ଦେଉଛି । ଭାରତ ଟେଲିକମକୁ କେବଳ କନେକ୍ଟିଭିଟି ପାଇଁ ନୁହେଁ ବରଂ ସୁଯୋଗର ମାଧ୍ୟମ ବନାଇବାରେ ସଫଳ ହୋଇଥିବା କହିଛନ୍ତି ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ । 

ଭବିଷ୍ୟତ ପିଢ଼ି ପାଇଁ ପ୍ରସ୍ତୁତ ହେଉଛି ପ୍ଲାଟଫର୍ମ । 4 ବର୍ଷରେ ଥରେ ଆୟୋଜିତ ହେଉଥିବା ଇଣ୍ଟରନ୍ୟାସନାଲ ଟେଲିକମ୍ୟୁନିକେସନ ୟୁନିୟନ, ୟୁନାଇଟେଡ୍ ନେସନ୍ସ ଏଜେନ୍ସି ଫର ଡିଜିଟାଲ ଟେକ୍ନୋଲୋଜିର ମାନକୀକରଣ ସମ୍ମିଳନୀ ଭାରତର ଡିଜିଟାଲ କ୍ରାନ୍ତିକୁ ବିଶ୍ବବାସୀଙ୍କ ସ୍ବୀକୃତି ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି। 

ଅଧିକ ପଢ଼ନ୍ତୁ ଭାରତ ଖବର