ବର୍ଷ ଆରମ୍ଭରୁ ବଡ଼ ସଫଳତା ମିଳିଛି। ଛତିଶଗଡ଼ର ସୁକମା ଜିଲ୍ଲାରେ ଶନିବାର ସକାଳେ ଛତିଶଗଡ଼ର ସୁକମା ଏବଂ ପଡ଼ୋଶୀ ବିଜାପୁର ଜିଲ୍ଲାରେ ସୁରକ୍ଷା ବାହିନୀ ଦ୍ୱାରା ଦୁଇଟି ପୃଥକ ଏନକାଉଣ୍ଟରରେ 14 ମାଓବାଦୀ ନିହତ ହୋଇଛନ୍ତି। ୧୪ ମାଓବାଦୀଙ୍କ ମଧ୍ୟରୁ ସୁକମାରେ ୧୨ ଜଣ ଏବଂ ବିଜାପୁରରେ ଦୁଇଜଣ ନିହତ ହୋଇଛନ୍ତି। ସୁରକ୍ଷା ବାହିନୀ ଏବେ ବି ଅଞ୍ଚଳରେ ତଲାସି କରୁଥିବାରୁ ସଂଖ୍ୟା ବୃଦ୍ଧି ପାଇବାର ସମ୍ଭାବନା ରହିଛି।

Chhattisgarh | 12 naxals killed in an encounter that broke out between DRG and Naxals in the forest under Kistaram area of Sukma district. Automatic weapons were also recovered: SP Sukma Kiran Chavan https://t.co/OPELbFoF0c

— ANI (@ANI) January 3, 2026

ସୁକମାର କିସ୍ତାରାମ ଅଞ୍ଚଳରେ ସୁରକ୍ଷା ବାହିନୀ ଏକ ସର୍ଚ୍ଚ ଅପରେସନ୍ କରୁଥିଲେ। ଏହି ସମୟରେ ସେମାନେ ମାଓବାଦୀଙ୍କ ସହ ମୁହାଁମୁହିଁ ହୋଇଥିଲେ। ସୈନିକମାନେ ଘଟଣାସ୍ଥଳରୁ AK-୪୭ ଏବଂ INSAS ରାଇଫଲ୍ ମଧ୍ୟ ମିଳିଛି । ତେବେ ୧୪ ମାଓବାଦୀ ନିହତ ହେବା ଏକ ବଡ଼ ସଫଳତା କହିଲେ ଅତ୍ୟୁକ୍ତି ହେବ ନାହିଁ । ଘଟଣାସ୍ଥଳରେ ସର୍ଚ୍ଚ ଅପେରସନ ବେଳେ ୧୪ ଜଣ ନକ୍ସଲଙ୍କ ମୃତଦେହ ମଧ୍ୟ ଉଦ୍ଧାର କରାଯାଇଛି।
ସୁକମା ପୋଲିସ ଏହି ସୂଚନା ଦେଇଛି । ଏହା ବ୍ୟତୀତ ବିଜାପୁରରେ ଏକ ଏନକାଉଣ୍ଟରରେ ଦୁଇ ଜଣ ମାଓବାଦୀ ମଧ୍ୟ ନିହତ ହୋଇଛନ୍ତି । ଅଧିକାରୀମାନେ କହିଛନ୍ତି ଯେ ଶନିବାର ସକାଳ ୫ଟାରୁ ଏହି ଅଞ୍ଚଳରେ ସୁରକ୍ଷା ବାହିନୀ ଏବଂ ନକ୍ସଲ ମଧ୍ୟରେ ମଝିରେ ମଝିରେ ଏନକାଉଣ୍ଟର ଚାଲିଛି।

ଏହି ଏନକାଉଣ୍ଟରରେ କୋଣ୍ଟାରେ ଅତିରିକ୍ତ ପୋଲିସ ସୁପରିଣ୍ଟେଣ୍ଡେଣ୍ଟ (ଏଏସପି) ଆକାଶ ଗିରପୁଞ୍ଜେଙ୍କ ହତ୍ୟା ପାଇଁ ଦାୟୀ ମାଓ କମାଣ୍ଡରଙ୍କ ମୃତ୍ୟୁ ହୋଇଥିବା ମଧ୍ୟ ରିପୋର୍ଟରେ କୁହାଯାଇଛି। ତେବେ ଚଳିତ ବର୍ଷ ଏହା ମାଓବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ପ୍ରଥମ ଏନକାଉଣ୍ଟର ଥିଲା। ଉଭୟ ଏନକାଉଣ୍ଟର ବସ୍ତର ଅଞ୍ଚଳରେ ତୀବ୍ର ନକ୍ସଲ ବିରୋଧୀ ଅଭିଯାନର ଏକ ଅଂଶ।

ଗତ ବର୍ଷ, ରାଜ୍ୟରେ ସୁରକ୍ଷା ବାହିନୀ ସହିତ ଏନକାଉଣ୍ଟରରେ ମୋଟ 285 ଜଣ ମାଓବାଦୀଙ୍କ ମୃତ୍ୟୁ ହୋଇଥିବା ରିପୋର୍ଟରୁ ଜଣାପଡ଼ିଛି।
ପୋଲିସ ଅଧିକାରୀଙ୍କ ଅନୁଯାୟୀ, ମାଓବାଦୀଙ୍କ ଉପସ୍ଥିତି ବିଷୟରେ ନିର୍ଦ୍ଦିଷ୍ଟ ସୂଚନା ପାଇବା ପରେ, ଏକ DRG (ଜିଲ୍ଲା ରିଜର୍ଭ ଗାର୍ଡ) ଦଳ ନକ୍ସଲ ବିରୋଧୀ ଅଭିଯାନ ଆରମ୍ଭ କରିଥିଲା। ଏହି ସମୟରେ, ନକ୍ସଲମାନେ ଶନିବାର ସକାଳେ ସୁରକ୍ଷା ବାହିନୀ ଉପରେ ଗୁଳି ଚଳାଇଥିଲେ, ଯାହା ଫଳରେ ଗୁଳିବିନିମୟ ଆରମ୍ଭ ହୋଇଥିଲା। ଫଳରେ ୧୪ ନକ୍ସଲ ନିହତ ହୋଇଛନ୍ତି । ସେମାନଙ୍କ ନିକଟରୁ AK-47 ଓ ଇନସାସ୍ ବନ୍ଧୁକ ଜବତ ହୋଇଛି ।