ଆଜିକାଲି ବିବାହ ସାତ ଜନ୍ମ କ'ଣ ସାତ ଦିନ ବି ତିଷ୍ଠୁନି । ଯାହାର ବିଭିନ୍ନ କାରଣ ରହୁଛି । କିଏ ସ୍ୱାମୀକୁ ଦୋଷ ଦେଉଛି ତ କିଏ ସ୍ତ୍ରୀ । କେତେବେଳେ ଯୌତୁକ ତ କେତେବେଳେ ଅନ୍ୟ କିଛି ସାମାନ୍ୟ କାରଣ ପାଇଁ ବିବାହ ଭଳି ପବିତ୍ର ସମ୍ପର୍କ କ୍ଷଣିକେ ଭାଙ୍ଗି ଯାଉଛି । ଠିକ୍ ସେମିତି ଏକ ଘଟଣା ସାମନାକୁ ଆସିଛି । ଯୌତୁକରେ କ୍ଲାସିକ୍ ରୋଲ୍ସ ରଏସ୍ କାର ନମିଳିବାରୁ ହେଲା ଛାଡପତ୍ର । ଏହି କାରର ବର୍ତ୍ତମାନର ମୂଲ୍ୟ ୨.୫ କୋଟି ଟଙ୍କା ହେବ ବୋଲି ଆକଳନ କରାଯାଇଛି ।

ପତ୍ନୀଙ୍କ କହିବା କଥା ମୋ ସ୍ୱାମୀ ଏବଂ ତାଙ୍କ ପରିବାର ଯୌତୁକରେ ମୁମ୍ବାଇରେ ଏକ ଫ୍ଲାଟ୍ ସହ ୧୯୫୧ ମସିହାରେ ନିର୍ମିତ କ୍ଲାସିକ୍ ରୋଲ୍ସ ରଏସ୍ କାର ଡିମାଣ୍ଡ କରିଥିଲେ । ହେଲେ ତାହା ମୁଁ ନ ନେଇଥିବାରୁ ଆମ ସମ୍ପର୍କରେ ଫାଟ ସୃଷ୍ଟି ହୋଇଥିଲା । ବିବାହ ପରେ ସବୁବେଳେ ସେହି ରୟାଲ୍ କାର୍ କୁ ନେଇ ତୁ ତୁ ମେ ମେ ଲାଗି ରୁହେ । ଶେଷରେ ସୁପ୍ରିମକୋର୍ଟ ପର୍ଯ୍ୟନ୍ତ ମାମଲା ଯାଇଥିଲା । ଶେଷରେ ସୁପ୍ରିମକୋର୍ଟ ମଧ୍ୟ ଉଭୟଙ୍କ ମଧ୍ୟରେ ଛାଡପତ୍ରକୁ ମଞ୍ଜୁରୀ ଦେଇଛନ୍ତି ।

ସମଗ୍ର ବିଶ୍ୱରେ ଏହା ଏକମାତ୍ର କାର । ଯାହାକୁ ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁ ସେତେବେଳେ ବରୋଦାର ରାଣୀ ଚିମନା ବାଇ ସାହିବ ଗାଏକୱାଡଙ୍କ ନିର୍ଦ୍ଦେଶରେ ତିଆରି କରିଥିଲେ । ଏହି କାରଟି ଏଚ୍ ଜେ ମୁଲିନର୍ ଆଣ୍ଡ୍ କମ୍ପାନୀ ଦ୍ୱାରା ଡିଜାଇନ କରାଯାଇଥିଲା ।

ଏହି ରାୟ ଦେବା ସମୟରେ ଖଣ୍ଡପୀଠ କହିଛନ୍ତି ଯେ ସ୍ୱାମୀଙ୍କୁ ତାଙ୍କ ସ୍ତ୍ରୀଙ୍କର ଭରଣପୋଷଣ ବାବଦରେ ୨.୨୫ କୋଟି ଟଙ୍କା ଦେବାକୁ ପଡିବ । ପ୍ରଥମ କିସ୍ତିରେ ୧ କୋଟି ଟଙ୍କା ସହିତ, ପତ୍ନୀଙ୍କ ପକ୍ଷରୁ ମିଳିଥିବା ସମସ୍ତ ପ୍ରକାରର ଉପହାର ଫେରସ୍ତ କରିବାକୁ ପଡିବ । ଏହା ପରେ, ଦ୍ୱିତୀୟ ଏବଂ ଶେଷ କିସ୍ତି ୧.୨୫ କୋଟି ଟଙ୍କା ନଭେମ୍ବର ୩୦ ସୁଦ୍ଧା ଦେବାକୁ ପଡିବ ।ଖଣ୍ଡପୀଠ ଆହୁରି ମଧ୍ୟ କହିଛନ୍ତି ଯେ, ଛାଡପତ୍ର ତ ହୋଇଛି ହେଲେ ଦୁହେଁ ସୋସିଆଲ ମିଡିଆରେ କିଛି ବି ପୋଷ୍ଟ କରି ପରସ୍ପରକୁ ବଦନାମ କରିବେ ନାହିଁ ।

ସେପଟେ ସ୍ୱାମୀ ଏହି ଅଭିଯୋଗକୁ ଖଣ୍ଡନ କରିଛନ୍ତି । ପତ୍ନୀଙ୍କ ଉପରେ ଠକେଇ ଏବଂ ଜାଲିଆତିର ଅଭିଯୋଗ ଆଣିଛନ୍ତି ।

ତେବେ ଏହି ହାଇପ୍ରୋଫାଇଲ ଦମ୍ପତି କିଏ ? ପୂରା ଘଟଣା କ’ଣ?

ଗ୍ବାଲିୟରରେ ରହୁଥିବା ମହିଳା ଜଣକ ଦାବି କରିଛନ୍ତି ଯେ ସେ ଏକ ଅତ୍ୟନ୍ତ ପ୍ରତିଷ୍ଠିତ ପରିବାରର । ଯାହାଙ୍କ ପୂର୍ବପୁରୁଷ ଛତ୍ରପତି ଶିବାଜୀ ମହାରାଜଙ୍କ ନୌସେନାରେ ଆଡମିରାଲ ଥିଲେ ଏବଂ କୋଙ୍କଣ ଅଞ୍ଚଳର ଶାସକ ଘୋଷିତ ହୋଇଥିଲେ। ଅନ୍ୟପକ୍ଷରେ, ତାଙ୍କ ସ୍ୱାମୀ ଏକ ସାମରିକ ଅଧିକାରୀଙ୍କ ପରିବାରର ଏବଂ ମଧ୍ୟପ୍ରଦେଶରେ ଏକ ଶିକ୍ଷାନୁଷ୍ଠାନ ଚଳାଉଛନ୍ତି । ୧୯୫୧ ମସିହାରେ ନିର୍ମିତ କ୍ଲାସିକ୍ ରୋଲ୍ସ ରଏସ୍ କାର ପାଇଁ ଉଭୟଙ୍କ ମଧ୍ୟରେ ଛାଡପତ୍ର ହୋଇଛି ।

Argus News | argus news | Odisha Latest News, Breaking News, Trending News, Live TV