ବିଧବାଙ୍କ ଭରଣପୋଷଣ ଉପରେ ସୁପ୍ରିମକୋର୍ଟଙ୍କ ଐତିହାସିକ ନିଷ୍ପତ୍ତି । ସୁପ୍ରିମକୋର୍ଟର ବିଚାରପତି ଜଷ୍ଟିସ୍ ପଙ୍କଜ ମିତ୍ତଲ ଏବଂ ଜଷ୍ଟିସ୍ ଏସଭିଏନ ଭଟ୍ଟିଙ୍କ ଖଣ୍ଡପୀଠ ସାରା ଦେଶରେ ବିଧବା ବୋହୂମାନଙ୍କୁ ଗୁରୁତ୍ୱପୂର୍ଣ୍ଣ ଆଶ୍ୱସ୍ତି ଦେଇଛନ୍ତି । ଦୁଇ ଜଣିଆ ଖଣ୍ଡପୀଠ ରାୟ ଦେଇଛନ୍ତି ଯେ ପୁଅର ମୃତ୍ୟୁ ପରେ, ଶ୍ୱଶୁର ତାଙ୍କ ସମ୍ପତ୍ତିରୁ ବିଧବା ବୋହୂଙ୍କୁ ଭରଣପୋଷଣ ଯୋଗାଇବାକୁ ବାଧ୍ୟ ହେବେ ।

ଖଣ୍ଡପୀଠ ରାୟ ଶୁଣାଇବା ସମୟରେ କହିଛନ୍ତି ଯେ, ମନୁସ୍ମୃତିରେ କୁହାଯାଇଛି ଯେ ଜଣେ କେବେ ବି ନିଜ ମାଆ, ବାପା, ପୁଅ କିମ୍ବା ଝିଅକୁ ପରିତ୍ୟାଗ କରିବା ଉଚିତ୍ ନୁହେଁ। ପୁଅକୁ ବିବାହ କରୁଥିବା ବୋହୂ ମଧ୍ୟ ଝିଅର ସମାନ, ତେଣୁ ତାଙ୍କୁ କିପରି ପରିତ୍ୟକ୍ତ କରାଯାଇପାରିବ? ତାଙ୍କ ସ୍ୱାମୀଙ୍କ ପିତାମାତା ଭାବରେ, ଶ୍ୱଶୁର ଘର ଲୋକ ତାଙ୍କ ସମ୍ମାନ ଏବଂ ଭରଣପୋଷଣ ପାଇଁ ଦାୟୀ। ତେଣୁ, ହିନ୍ଦୁ ଗ୍ରହଣ ଏବଂ ଭରଣପୋଷଣ ଆଇନ, ୧୯୫୬ ଅନୁଯାୟୀ, ଜଣେ ବିଧବା ବୋହୂଙ୍କୁ ଭରଣପୋଷଣ ଯୋଗାଇବା ଶ୍ୱଶୁର ଘର ଲୋକଙ୍କର ଅଧିକାର ।

ଶ୍ୱଶୁରଙ୍କ ମୃତ୍ୟୁ ପରେ ବିଧବା ହେଲେ, ତଥାପି ବି ତାର ହକଦାର
ଅନ୍ୟପକ୍ଷରେ, ଯେତେବେଳେ ପ୍ରଶ୍ନ ଉଠିଲା କି ଯଦି ଜଣେ ବୋହୂ ତାଙ୍କ ଶ୍ୱଶୁରଙ୍କ ମୃତ୍ୟୁ ପରେ ବିଧବା ହୋଇଯାଆନ୍ତି, ତେବେ କ’ଣ ସେ ତାଙ୍କ ଶ୍ୱଶୁରଙ୍କ ସମ୍ପତ୍ତିରୁ ଭରଣପୋଷଣ ପାଇବେ? ଆବେଦନକାରୀ ତାଙ୍କ ଆବେଦନରେ ଯୁକ୍ତି ଦେଇଥିଲେ ଯେ ଜଣେ ବୋହୂ ତାଙ୍କ ଶ୍ୱଶୁରଙ୍କ ମୃତ୍ୟୁ ପରେ ତାଙ୍କ ଶ୍ୱଶୁରଙ୍କ ସମ୍ପତ୍ତିରୁ ଭରଣପୋଷଣ ପାଇବାର ହକଦାର ନୁହଁନ୍ତି। ତଥାପି, ସୁପ୍ରିମକୋର୍ଟ ଖଣ୍ଡପୀଠ ଏହି ଯୁକ୍ତିକୁ ଖାରଜ କରି କହିଛନ୍ତି ଯେ ସ୍ୱାମୀଙ୍କ ମୃତ୍ୟୁ ସମୟରେ ବିଧବା ବୋହୂଙ୍କ ପ୍ରତି ଭେଦଭାବ,ଅନ୍ୟାୟ କରିବା ଉଚିତ୍ ନୁହେଁ । ଉଭୟ କ୍ଷେତ୍ରରେ, ବିଧବା ବୋହୂ ତାଙ୍କ ଶ୍ୱଶୁରଙ୍କ ସମ୍ପତ୍ତିରୁ ଭରଣପୋଷଣ ପାଇବେ।

ସୁପ୍ରିମ କୋର୍ଟ ଖଣ୍ଡପୀଠ ଅନୁଯାୟୀ, ୧୯୫୬ ଆଇନର ଧାରା ୨୨ରେ ପ୍ରାବଧାନ କରାୟାଇଛି ଯେ, ଯଦି କେହି ପରିବାରର କାହାର ମୃତ୍ୟୁ ହୋଇଯାଏ, ତେବେ ତାଙ୍କ ଉପରେ ନିର୍ଭର କରୁଥିବା ଲୋକଙ୍କ ଭରଣପୋଷଣର ବ୍ୟବସ୍ଥା କରାଯିବ । ମୃତକଙ୍କ ଉପରେ ନିର୍ଭର ଲୋକଙ୍କ ମଧ୍ୟରେ ବୋହୂ ବି ସାମିଲ, ଯାହାର ଭରଣପୋଷଣ କରିବା ମୃତକଙ୍କ ପରିବାର ଲୋକଙ୍କର ଆଇନ ଓ ନୈତିକ ଅଧିକାର । ଯଦିବି ସ୍ଵାମୀ ତାଙ୍କ ସ୍ତ୍ରୀ ପାଇଁ ସମ୍ପତ୍ତି ଛାଡ଼ି ଛାଡିଥାଇପାରନ୍ତି, ତଥାପି ଯଦି ସେଥିରୁ ସେ ତାଙ୍କର ପ୍ରତିପାଳନ କରିବାରେ ଅକ୍ଷମ ହୁଅନ୍ତି, ତେବେ ତାଙ୍କ ଭରଣପୋଷଣର ଦାୟିତ୍ୱ ତାଙ୍କ ଶ୍ୱଶୁର ଘର ଲୋକଙ୍କ ଉପରେ ପଡ଼ିବ।