ଅର୍ଗସ ବ୍ୟୁରୋ: ଅଭିନେତା ସୈଫ୍ ଅଲ୍ଲୀ ଖାନ୍ ଆକ୍ରମଣ ଘଟଣା । ଛତିଶଗଡର ଦୁର୍ଗ ରେଳ ଷ୍ଟେସନରୁ ଜଣେ ସନ୍ଦିଗ୍ଧ ଯୁବକ ଗିରଫ । ମୁମ୍ବାଇ-ହାଓଡା ଜ୍ଞାନେଶ୍ବରୀ ଏକ୍ସପ୍ରେସରେ ଯାଉଥିବା ବେଳେ ଧରାପଡିଲା ଆକ୍ରମଣକାରୀ । ଅଧିକ ପଚରାଉଚରା ପାଇଁ ଦୁର୍ଗ ଅଭିମୁଖେ ମୁମ୍ବାଇ ପୋଲିସ ଟିମ୍ ।

ବଲିଉଡ୍ ଅଭିନେତା ସୈଫ୍ ଅଲ୍ଲୀ ଖାନଙ୍କୁ ଛୁରିମାଡ ଅଭିଯୋଗରେ ଛତିଶଗଡରୁ ଜଣଙ୍କୁ ଅଟକ ରଖାଯାଇଛି । ଅଭିଯୁକ୍ତଙ୍କ ନାଁ ଆକାଶ କାନୋଜିଆ । ତାଙ୍କୁ ଦୁର୍ଗ ରେଳଷ୍ଟେସନରୁ ଅଟକ ରଖାଯାଇଛି । ମୁମ୍ବାଇ- ହାଓଡା ଜ୍ଞାନେଶ୍ବରୀ ଏକ୍ସପ୍ରେସରେ ଜଣେ ସନ୍ଦିଗ୍ଦ ଯୁବକ ଯାଉଥିବା ନେଇ ଜୁହୁ ପୋଲିସ ।

ଛତିଶଗଡ ପୋଲିସକୁ ସୂଚନା ଦେଇଥିଲା । ଏହାପରେ ଆରପିଏଫ୍ ପକ୍ଷରୁ ଆକାଶକୁ ଷ୍ଟେସନରୁ ଠାବ କରାଯାଇଥିଲା । ଅଧିକ ପଚରାଉଚରା ପାଇଁ ମୁମ୍ବାଇ ପୋଲିସର ଏକ ଟିମ୍ ଖୁବଶୀଘ୍ର ଦୁର୍ଗ ଯାଇ ଅଭିଯୁକ୍ତକୁ ଆଣିବ । ଦୁଇ ଦିନ ତଳେ ମୁମ୍ବାଇର ବାନ୍ଦ୍ରା ସ୍ଥିତ ବାସଭବନରେ ସୈଫ ଅଲ୍ଲୀ ଖାନଙ୍କ ଉପରକୁ ଛଅଥର ଛୁରାମାଡ ହୋଇଥିଲା । ତାଙ୍କ ମେରୁଦଣ୍ଡ ନିକଟରେ ଗୁରୁତର ଆଘାତ ଲାଗିଥିଲା । ପ୍ରାୟ ୫ଘଣ୍ଟା ଧରି ଚାଲିଥିଲା ଅପରେସନ୍ । ଏବେ ସୈଫ୍ ଧୀରେ ଧୀରେ ସୁସ୍ଥ ହେଉଛନ୍ତି ।