ଅର୍ଗସ ବ୍ୟୁରୋ: ବିଶ୍ବର ସର୍ବବୃହତ ଗଣତନ୍ତ୍ର ଭାରତର ମହାପର୍ବ ସାଧାରଣ ନିର୍ବାଚନର ଆଜି ହେଉଛି ଦ୍ବିତୀୟ ପର୍ଯ୍ୟାୟ । ଦେଶରେ ଦ୍ବିତୀୟ ପର୍ଯ୍ୟାୟ ନିର୍ବାଚନ ପାଇଁ ଚାଲିଛି ଭୋଟିଂ । ମୋଟ୍ 13 ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୋଟ୍ 88 ସିଟ୍ ପାଇଁ ହେଉଛି ଭୋଟିଂ । ଯାହା ମଧ୍ୟରେ ରହିଛି କେରଳର ସମସ୍ତ ୨୦ ସିଟ୍, କର୍ଣ୍ଣାଟକର ୧୪, ରାଜସ୍ଥାନର ୧୩, ମହାରାଷ୍ଟ୍ର ଓ ଉତ୍ତର ପ୍ରଦେଶର ୮, ମଧ୍ୟପ୍ରଦେଶର ୬, ଆସାମ-ବିହାରର ୫ଟି ଲେଖାଏଁ ସିଟରେ ଭୋଟିଂ ହେବ। ଭାରତୀୟ କ୍ରିକେଟ୍ ଟିମର ହେଡ୍ କୋଚ୍ ରାହୁଲ ଦ୍ରାବିଡ ଲୋକସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟରେ ଆଜି ମତଦାନ କରିଛନ୍ତି । ଆଜି ସକାଳୁ ସେ ପୋଲିଂ ବୁଥରେ ପହଞ୍ଚିଥିଲେ । ଲାଇନରେ ଛିଡା ହୋଇ ସେ ବେଶ୍ ଧୈର୍ଯ୍ୟର ସହ ନିଜ ସମୟକୁ ଅପେକ୍ଷା କରିଥିଲେ ।

ଏବେ ଦ୍ରାବିଡଙ୍କ ଏପରି ସରଳତାକୁ ନେଇ ସୋସିଆଲ ମିଡିଆରେ ବେଶ୍ ଚର୍ଚ୍ଚା ହେଉଛି । ଭୋଟ ଦେବା ପରେ ଦ୍ରାବିଡ ଆଶା ପ୍ରକାଶ କରିଥିଲେ କି ବାଙ୍ଗାଲୁରରେ ବହୁ ସଂଖ୍ୟାରେ ଲୋକମାନେ ଯେପରି ନିଜର ମତଦାନ କରିବେ । ଭୋଟ୍ ଦେବା ପରେ ଦ୍ରାବିଡ ମିଡିଆକୁ କହିଥିଲେ କି, ମୁଁ ମୋ ମତ ଦେଇସାରିଛି । ଏହା ଆମ ସମସ୍ତଙ୍କ ପାଇଁ ଗଣତନ୍ତ୍ରର ଏହି ବଡ ପର୍ବରେ ଭାଗ ନେବାର ଏକ ସୁଯୋଗ ଆଣିଛି ।

ଅଧିକ ପଢ଼ନ୍ତୁ ଦେଶ ଖବର:

Argus News | argus news | Odisha Latest News, Breaking News, Trending News, Live TV