ମାର୍ଚ୍ଚ ସରିନି, ତାତିଲାଣି ପୃଥିବୀ । ଭାରତର ଅନେକ ସ୍ଥାନରେ ତାପମାତ୍ରା ଦ୍ରୁତ ଗତିରେ ବୃଦ୍ଧି ପାଇଛି । ଦିଲ୍ଲୀ-ଏନସିଆରରେ ତାପମାତ୍ରା ୪୦ ଡିଗ୍ରୀ ପାର୍ କରିବାର ସମ୍ଭାବନା ରହିଛି । ଉତ୍ତର ଭାରତର ସମତଳ ଅଞ୍ଚଳରେ ଗରମ ପ୍ରଭାବ ବୃଦ୍ଧି ପାଉଥିବାବେଳେ ପାହାଡିଆ ଅଞ୍ଚଳରେ ବର୍ଷା ହେବାର ସମ୍ଭାବନା ରହିଛି । ପାଣିପାଗ ବିଭାଗ ଅନେକ ରାଜ୍ୟରେ ଗ୍ରୀଷ୍ମ ପ୍ରବାହ ଏବଂ ପ୍ରବଳ ବର୍ଷାର ସତର୍କତା ଜାରି କରିଛି । ଆଗାମୀ ଦିନରେ ପାଗରେ ଆହୁରି ପରିବର୍ତ୍ତନ ଆସିବାର ଆଶା କରାଯାଉଛି । ଦିଲ୍ଲୀ-ଏନସିଆରରେ ହିଟ୍ ଓ୍ୱେଭ ଆଲର୍ଟ ଜାରି ହୋଇଛି । ଲୋକଙ୍କ ଜନ ଜୀବନ ଅସ୍ତବ୍ୟସ୍ତ ହେବାରେ ଲାଗିଛି ।

ଆଜିଠୁ ମେ ଓ ଜୁନ୍ ଭଳି ପରିସ୍ଥିତି ସୃଷ୍ଟି ହେବା ଆରମ୍ଭ ହୋଇସାରିଛି। ପାଣିପାଗ ବିଭାଗ ଅନୁଯାୟୀ, ଗରମ ଯୋଗୁଁ ଆଗକୁ ପରିସ୍ଥିତି ସାଂଘାତିକ ହେବାର ସମ୍ଭାବନା ରହିଛି । ବୁଧବାର ଦିନ, ଦିଲ୍ଲୀ-ଏନସିଆରରେ ସର୍ବାଧିକ ତାପମାତ୍ରା ୩୯ ରୁ ୪୦ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇବାର ସମ୍ଭାବନା ରହିଛି । ପାଣିପାଗ ବିଭାଗ ଅନୁଯାୟୀ, ଦିଲ୍ଲୀରେ ଖରାର ପ୍ରକୋପ ବଢିବ । ଆକାଶ ମେଘମୁକ୍ତ ରହିବ । ସର୍ବନିମ୍ନ ତାପମାତ୍ରା ମଧ୍ୟ ୧୮ ଡିଗ୍ରୀ ସେଲସିୟସକୁ ବୃଦ୍ଧି ପାଇବ । ଏହା ପରେ, ଆଗାମୀ ତିନି ଦିନ ପାଇଁ ପାଗରେ ପରିବର୍ତ୍ତନ ହେବ । ସାଧାରଣତଃ ତାପମାତ୍ରାରେ ୩ ରୁ ୪ ଡିଗ୍ରୀ ସେଲସିୟସ୍ ହ୍ରାସ ରେକର୍ଡ କରାଯାଇପାରିବ। ପାଣିପାଗ ବିଭାଗ କହିଛି ଯେ ବୁଧବାର ଜମ୍ମୁ-କାଶ୍ମୀର, ଲଦାଖର ବିଭିନ୍ନ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ପ୍ରବଳ ପବନ (ପ୍ରତି ଘଣ୍ଟା ୪୦-୫୦ କିଲୋମିଟର ବେଗ) ସହିତ ଝଡ଼ବର୍ଷା ଏବଂ ବିଜୁଳି ମାରିବାର ସମ୍ଭାବନା ମଧ୍ୟ ଅଛି । ଏହା ବ୍ୟତୀତ ହିମାଚଳ ପ୍ରଦେଶ, ପଞ୍ଜାବ, କର୍ଣ୍ଣାଟକ ଏବଂ କେରଳର ବିଭିନ୍ନ ସ୍ଥାନରେ ବଜ୍ରପାତ ହେବାର ସମ୍ଭାବନା ରହିଛି।