ଜମ୍ମୁ କଶ୍ମୀରରେ ପହଲଗାମରେ ଆତଙ୍କବାଦୀ ଆକ୍ରମଣ । ଆତଙ୍କୀ ହମଲାରେ ୨ ଜଣ ପର୍ଯ୍ୟଟକଙ୍କ ମୃତ୍ୟୁ ହେବା ସହ ୧୨ରୁ ଅଧିକ ଆହତ ହୋଇଛନ୍ତି । ସେପଟେ ମୃତକଙ୍କ ମଧ୍ୟରେ ଜଣେ ଓଡ଼ିଆ ପର୍ଯ୍ୟଟକ ଅଛନ୍ତି । ବାଲେଶ୍ୱର ସରଗାଁ ପଞ୍ଚାୟତର ପ୍ରଶାନ୍ତ ଶତପଥୀଙ୍କ ମୃତ୍ୟୁ ହୋଇଥିବା ନେଇ ସୂଚନା ରହିଛି ।

ଏହି ଆକ୍ରମଣ ପରେ ସେନା ପକ୍ଷରୁ ଆତଙ୍କବାଦୀଙ୍କୁ ଧରିବା ପାଇଁ ସର୍ଚ୍ଚ ଅପରେସନ ଆରମ୍ଭ ହୋଇଛି । ପହଲଗାମରେ ପର୍ଯ୍ୟଟକମାନେ ଟ୍ରେକିଂ କରୁଥିବା ବେଳେ ସେଠାରେ ଲୁଚି ରହିଥିବା ଆତଙ୍କବାଦୀମାନେ ଗୁଳିମାଡ଼ କରିଥିଲେ । ଏହି ଘଟଣାରେ ଆହତ ହୋଇଥିବା ବ୍ୟକ୍ତିମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ସେପଟେ ଘଟଣା ସମ୍ପର୍କରେ ସାଉଦୀ ଆରବରେ ଥିବା ପିଏମ ମୋଦି ଗୃହମନ୍ତ୍ରୀ ଅମିତ ଶାହଙ୍କ ସହ ଆଲୋଚନା କରି ଉଚିତ ପଦକ୍ଷେପ ନେବାକୁ କହିଛନ୍ତି । ଏହାସହ ଘଟଣାକୁ ଦୃଢ ନିନ୍ଦା କରିଛନ୍ତି । କାହାରିକୁ ଛଡାଯିବନି କହିଛନ୍ତି ପ୍ରଧାନମନ୍ତ୍ରୀ ।

ଏହା ସହିତ ଘଟଣାକୁ ନେଇ ଗୃହ ମନ୍ତ୍ରୀ ଏକ ଜରୁରୀକାଳୀନ ବୈଠକ ମଧ୍ୟ ଡାକିଛନ୍ତି । ଏଥିସହ ଖୁବଶୀଘ୍ର ଅମିତ ଶାହ ଜାମ୍ମୁ କଶ୍ମୀରରେ ପହଞ୍ଚି ସ୍ଥିତି ସମୀକ୍ଷା କରିବେ । ଗ୍ରୀଷ୍ମ ଛୁଟିକୁ ଦୃଷ୍ଟିରେ ରଖି ପହଲଗାମ ଅଞ୍ଚଳରେ ଧୀରେ ଧୀରେ ପର୍ଯ୍ୟଟକଙ୍କ ଭିଡ଼ ଜମୁଛି । ଏଭଳି ସମୟରେ ପର୍ଯ୍ୟଟକଙ୍କ ଉପରେ ଆତଙ୍କବାଦୀଙ୍କ ଆକ୍ରମଣ ଭୟର ପରିସ୍ଥିତି ସୃଷ୍ଟି କରିଛି । ଏହି ଗୁଳିକାଣ୍ଡ ପାଇଁ ପାକ୍ ସମର୍ଥିତ ଆତଙ୍କବାଦୀ ସଂଗଠନ ଦି ରେଜିଷ୍ଟେନ୍ସ ଫ୍ରଣ୍ଟ ତଥା ଟିଆରଏପ୍ ନିଜକୁ ଦାୟୀ କରିଛି ।

ଘଟଣାକୁ ନେଇ ଦୃଢ ନିନ୍ଦା କରିବା ସହ ନୀରିହ ଜନତାଙ୍କ ମୃତ୍ୟୁକୁ ନେଇ ଦୁଃଖ ପ୍ରକାଶ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି ।

ସେପଟେ ଏହି ଘଟଣା ପରେ ଭୟରେ ଅଛନ୍ତି ପର୍ଯ୍ୟଟକ ।

#WATCH | J&K | A tourist in shock and grief as terrorists target tourists in J&K's Pahalgam pic.twitter.com/9nMyntE5h8
— ANI (@ANI) April 22, 2025

Argus News | argus news | Odisha Latest News, Breaking News, Trending News, Live TV