ଆସନ୍ତାକାଲିକୁ ଘୁଞ୍ଚିଲା ଶୁଭାଂଶୁ ଶୁକ୍ଳାଙ୍କ ଅନ୍ତରୀକ୍ଷ ଉଡାଣ । ଆକ୍ସିଅମ ଫୋର୍ ମିଶନ ଲଞ୍ଚର ସମୟ ପରିବର୍ତ୍ତନ ହୋଇଛି । ଜୁନ ୧୧ ତାରିଖରେ ନାସା ଓ ଇସ୍ରୋର ମିଳିତ ଅଭିଯାନରେ ଫ୍ଲୋରିଡାର କେନେଡି ସ୍ପେସ୍ ସେଣ୍ଟରରୁ ମିଶନ ଲଞ୍ଚ୍ ହେବ । ସ୍ପେସ୍ଏକ୍ସର ଫାଲକନ୍-9 ରକେଟ୍ ଯୋଗେ ISS ଯିବେ ଶୁଭାଂଶୁ । ରାକେଶ ଶର୍ମାଙ୍କ ପରେ ୨ୟ ଭାରତୀୟ ଭାବେ ଚରିବେ ଇତିହାସ । ମହାକାଶ ଯାତ୍ରା ପୂର୍ବରୁ, ଲକ୍ଷ୍ନୌର ନିଧି ତ୍ରିବେଣୀ ନଗରରେ ଶୁଭାଂଶୁଙ୍କ ପୈତୃତ ବାସଭବନରେ ତାଙ୍କୁ ଶୁଭେଚ୍ଛା ଜଣାଇ ପୋଷ୍ଟର ଲଗାଯାଇଛି । 

ତାଙ୍କ ପରିବାର ସମେତ ପୁରା ଅଂଚଳରେ ଉତ୍ସାହର ମାହୋଲ ଦେଖାଦେଇଛି । ତ୍ରିବେଣୀ ନଗରର ପୁଅ ଦେଶର ଗର୍ବ ପାଲଟିଛି । କ୍ୟାପ୍ଟେନ୍ ଶୁଭାଂଶୁଙ୍କ ପିତା ମାତା ପୁଅର ଏତେ ବଡ ସଫଳତାକୁ ନେଇ ବହୁତ ଆନନ୍ଦିତ ଏବଂ ଗର୍ବିତ ବୋଲି କହିଛନ୍ତି । ଏହି ଅଭିଯାନରେ ସାରା ବିଶ୍ବ ଭାରତର ସ୍ପେସ କ୍ୟାପାବିଲିଟି ଦେଖିବ ବୋଲି ଏକ୍ସ ପୋଷ୍ଟରେ କହିଛନ୍ତି କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ ।