ଦେଶର ସବୁଠୁ ଶସ୍ତା ଟ୍ରେନ
ବନ୍ଦେ ଭାରତକୁ ଟକ୍କର ଦେବ ଏହି ଟ୍ରେନ
ଭିତରେ ରହିଛି ଏସି ବ୍ୟବସ୍ଥା
ଭଡା ଶୁଣିଲେ ଉଡିବ ହୋସ

ଅର୍ଗସ ବ୍ୟୁରୋ : ଏମିତି ଟ୍ରେନ , ଯେଉଁଠି ଆପଣ ପାଇବେ ସବୁ ବ୍ୟବସ୍ଥା । ଯାହା ନିଜର ସର୍ଭିସ କ୍ବାଲିଟିରେ ବନ୍ଦେ ଭାରତ, ରାଜଧାନୀ ଏକ୍ସପ୍ରେସ ଭଳି ଟ୍ରେନକୁ ଟକ୍କର ଦେଉଛି । ସବୁ ବ୍ୟବସ୍ଥା ଥାଇ ମଧ୍ୟ ଟ୍ରେନର ଭଡା ଶୁଣିଲେ ଆପଣଙ୍କ ହୋସ ଉଡିଯିବ ।

ଆମ ଭାରତରେ ସାଧାରଣତଃ ଟ୍ରେନର ଭଡା ସେହି ଟ୍ରେନର ସୁବିଧା ଅନୁଯାୟୀ ହୋଇଥାଏ । ଯଦି ଆପଣ ଏସି ଟ୍ରେନରେ ଯାଉଛନ୍ତି, ତେବେ ଏହାର ଭଡା ଅଧିକ ରହିବ । କିନ୍ତୁ ଜେନେରାଲ ବଗିରେ ଟିକେ ଭଡା କମ ରହିଥାଏ । ଯାହାକୁ ନେଇ ଯାତ୍ରୀମାନେ ନିଜ ନିଜର ବଜେଟ ମୁତାବକ ଟ୍ରେନରେ ଯାତ୍ରା କରିଥାନ୍ତି ।

କିନ୍ତୁ ଭାରତରେ ଏପରି ଟ୍ରେନ ରହିଛି , ଯାହା ସବୁ ସୁବିଧା ଥାଇ ମଧ୍ୟ କମ ମୂଲ୍ୟରେ ଲୋକଙ୍କୁ ନିଜ ଗନ୍ତବ୍ୟ ସ୍ଥଳରେ ପହଞ୍ଚାଇ ଦେଉଛି । ଯାହାକୁ "ଗରିବ ରଥ" ବା "ଗରିବ ଲୋକଙ୍କ ରାଜଧାନୀ ଏକ୍ସପ୍ରେସ" ବୋଲି କୁହାଯାଉଛି । ଏହି ଟ୍ରେନରେ ରହିଛି ଏସି ବ୍ୟବସ୍ଥା । ଏବଂ ଏହାର ସ୍ପିଡ ବନ୍ଦେ ଭାରତ ଏକ୍ସପ୍ରେସ ଏବଂ ରାଜଧାନୀ ଏକ୍ସପ୍ରେସ ସହ ସମାନ ଅଟେ ।

ବନ୍ଦେ ଭାରତ ଟ୍ରେନର ଆଭରେଜ ସ୍ପିଡ ଘଣ୍ଟାପ୍ରତି ୬୬ରୁ ୯୬ କିଲୋମିଟର ରହିଛି । ସେହିପରି ଭାବରେ ଗରିବ ରଥର ଆଭରେଜ ସ୍ପିଡ ଘଣ୍ଟାପ୍ରତି ୭୦ରୁ ୭୫ କିଲୋମିଟର ରହିଛି ।
ଅନ୍ୟ ହାଇ କ୍ଲାସ ଟ୍ରେନ ଭଳି ଏହି ଟ୍ରେନରେ ସମସ୍ତ ସୁବିଧା ରହିଛି । ଯାହାର ଭଡା କିଲୋମିଟର ପିଛା ୬୮ ପଇସା ରହିଛି । ଏହି ଟ୍ରେନ ଚେନ୍ନାଇରୁ ଦିଲ୍ଲୀ ମାତ୍ର ୨୮ ଘଣ୍ଟା ୩୦ ମିନିଟରେ କଭର କରିଥାଏ । ଏବଂ ଏଥିପାଇଁ ଭଡା ମାତ୍ର ୧୫ଶହ ଟଙ୍କା ।ଦୂର ଜାଗାକୁ ଯିବାକୁ ଚାହୁଁଥିବା ଗରିବ ଶ୍ରେଣୀର ଲୋକଙ୍କୁ ଏହା ସବୁ ସୁବିଧାରେ ଗନ୍ତବ୍ୟ ସ୍ଥଳରେ ପହଞ୍ଚାଇ ପାରିବ ।
ଏହି ଟ୍ରେନକୁ ୨୦୦୬ ରେ ରେଳମନ୍ତ୍ରୀ ଏବଂ ରାଷ୍ଟ୍ରୀୟ ଜନତା ଦଳର ମୁଖ୍ୟ ଲାଲୁ ପ୍ରସାଦଙ୍କ ଦ୍ବାରା ଲଞ୍ଚ କରାଯାଇଥିଲା । କିପରି କମ ମୂଲ୍ୟରେ ଲୋକ ଉଚ୍ଚଶ୍ରେଣୀର ସୁବିଧା ପାଇପାରିବେ ସେହି ଉଦ୍ଦେଶ୍ୟରେ ଏହି ଟ୍ରେନ ଲଞ୍ଚ କରିଥିଲେ ।

ବର୍ତ୍ତମାନ ଏହି ଗରିବ ରଥ ଟ୍ରେନ ଭାରତର ୨୬ ଟି ଭିନ୍ନ ରୁଟରେ ନିଜର କାର୍ଯ୍ୟ କରୁଛି । ଯେପରି ଦିଲ୍ଲୀ-ମୁମ୍ବାଇ, ଚେନ୍ନାଇ-ଦିଲ୍ଲୀ, ପାଟନା-କୋଲକାତା ଆଦି ସହରରେ ଏହା ଚାଲୁ ରହିଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more