୨୯ ଏପ୍ରିଲ ସୁଦ୍ଧା ପାକିସ୍ତାନ ଫେରିଯିବାର ସମୟସୀମା ସରି ଯାଇଛି । ଭାରତରେ ରହୁଥିବା ସମସ୍ତ ପାକିସ୍ତାନୀ ନିଜ ଦେଶକୁ ଫେରି ଯାଇଛନ୍ତି । ଗତ ଚାରିଦିନରୁ ଅଟ୍ଟାରୀ ବର୍ଡର ଦେଇ ପାଖାପାଖି ୫୩୭ ଜଣ ପାକିସ୍ତାନୀ ନିଜ ଦେଶକୁ ଚାଲି ଯାଇଛନ୍ତି । ଅନେକ ପାକିସ୍ତାନୀ ଏୟରପୋର୍ଟ ଦ୍ଵାରା ମଧ୍ୟ ଭାରତ ଛାଡି ସାରିଛନ୍ତି ।

ଉତ୍ତରପ୍ରଦେଶରୁ ୧୧୮ର ଜଣ ପାକିସ୍ତାନୀ ଭାରତ ଛାଡି ଯାଇଛନ୍ତି । ହେଲେ ଜଣେ ପାକିସ୍ତାନୀ ଉତ୍ତରପ୍ରଦେଶରେ ଏବେ ଯାଏଁ ରହିଛନ୍ତି । ସେ ହେଉଛନ୍ତି ସୀମା ହାଇଦର । ସୀମା ଭାରତକୁ ଯେତେବେଳେ ଆସିଥିଲେ ସେତେବେଳେ ତାଙ୍କୁ ନେଇ ଅନେକ ଚର୍ଚ୍ଚା ହୋଇଥିଲା । ଭାରତ ଆସିବା ବେଳେ ତାଙ୍କ ନାଁ ସୀମା ହାଇଦର ଥିଲା ପରେ ତାଙ୍କ ନାଁ ବଦଳାଯାଇ ସୀମା ମୀଣା ସେ ରଖିଥିଲେ ।

ତେବେ ବିଦେଶ ସଚିବଙ୍କ ନିୟମ ଅନୁଯାୟୀ ଭାରତରେ ଥିବା ପାକିସ୍ତାନୀ ନାଗରିକଙ୍କ ୧୪ଟି କାଟାଗୋରୀର ଭିସା ରଦ୍ଦ କରାଯିବ । ଏହି କାଟାଗୋରୀରେ ଥିବା ଭିସା ଧାରକମାନେ ଭାରତ ଛାଡିବେ । ଏହି ଧାରାରେ ସବୁ ପାକିସ୍ତାନୀ ଭାରତ ଛାଡିଥିଲେ । କିନ୍ତୁ ସୀମା ଏହି କାଟାଗୋରୀରେ ଅନ୍ତର୍ଭୁକ୍ତ ନଥିଲେ । କାରଣ ସୀମା ପାଖରେ କୌଣସି ଭିସା ନଥିଲା । ସେ ବିନା ଭିସାରେ ବେଆଇନ ଭାବେ ଭାରତକୁ ପ୍ରବେଶ କରିଥିଲେ । ଭିସା ନଥିବା ଯୋଗୁଁ ସେ ଭାରତରେ ରହିଗଲେ ।