ଅର୍ଗସ ବ୍ୟୁରୋ : ପୃଥିବୀକୁ ମାଡ଼ି ଆସୁଛି ବଡ଼ ବିପଦ । ୨୦୨୫ରୁ ଆରମ୍ଭ ହେବ ପୃଥିବୀ ଧ୍ବଂସ ହେବାର ପ୍ରକ୍ରିୟା । ସବୁଠୁ ପ୍ରଥମେ ଯଦି ଏହାର ପ୍ରଭାବ ଦେଖିବାକୁ ମିଳିବ ୟୁରୋପରେ । ବିନାଶକାରୀ ଯୁଦ୍ଧରେ ପ୍ରାୟତଃ ଧ୍ବଂସ ହୋଇଯିବ ୟୁରୋପ । ବାବା ଭେଙ୍ଗା କରିଛନ୍ତି କିଛି ଏଭଳି ଭବିଷ୍ୟବାଣୀ । ଯାହାକୁ ନେଇ ଏବେ ସାରା ବିଶ୍ବରେ ଚର୍ଚ୍ଚା ଅରମ୍ଭ ହୋଇଛି । ଭୟର ବାତାବରଣ ଖେଳିଯାଇଛି ।
ପୂର୍ବରୁ ମଧ୍ୟ ଅନେକ ଥର ଭେଙ୍ଗାବାବାଙ୍କ ଭବିଷ୍ୟବାଣୀ ଚର୍ଚ୍ଚାରେ ରହିଆସିଛି । ବୁଲଜେରିଆରର ମହିଳା ଭବିଷ୍ୟବକ୍ତା ବାବା ଭେଙ୍ଗାଙ୍କ ଅନେକ ଭବିଷ୍ୟବାଣୀ ଫ୍ରାନ୍ସର ନୋଷ୍ଟ୍ରାଡାମସଙ୍କ ଭବିଷ୍ୟବାଣୀ ସହ ଅନେକାଂଶରେ ମେଳ ଖାଏ ।

ଏବେ ୨୦୨୫ ଆରମ୍ଭରୁ ବାବା ଭେଙ୍ଗାଙ୍କ ଭବିଷ୍ୟବାଣୀ ବିଶ୍ବସ୍ତରରେ ଚର୍ଚ୍ଚାର ବିଷୟ ପାଲଟିଛି ।

ବାବା ଭେଙ୍ଗାଙ୍କ ଭବିଷ୍ୟବାଣୀ ଅନୁଯାୟୀ ୨୦୨୫ରେ ଏକ ବିନାଶକାରୀ ଯୁଦ୍ଧରେ ଧ୍ବଂସ ହୋଇଯିବ ୟୁରୋପ । ପୃଥିବୀ ସମ୍ପୁର୍ଣ୍ଣ ଧ୍ବଂସ ହେବାର ପ୍ରକ୍ରିୟା ୨୦୨୫ରୁ ଆରମ୍ଭ ହୋଇଯିବି । ଅନେକ ପ୍ରାକୃତିକ ବିପର୍ଯ୍ୟୟ ଏହି ବର୍ଷ ଦେଖାଯିବ । ଯେଉଁଥିରେ ଅନେକ ଲୋକ ମୃତ୍ୟୁ ବରଣ କରିବେ । ଆମେରିକାର ପଶ୍ଚିମ ଉପକୂଳରେ ଭୂକମ୍ପ ଏବଂ ନିଷ୍କ୍ରିୟ ଆଗ୍ନେୟଗିରି ଉଦ୍ଗୀରଣ ଭଳି ଭବିଷ୍ୟବାଣୀ କରିଛନ୍ତି ବାବା ଭେଙ୍ଗା । ୨୦୨୫ ମଣିଷ ସହ ଏଲିୟନ ସମ୍ପର୍କରେ ଆସିବେ । ପୁଟିନଙ୍କ ଉପରେ ହତ୍ୟା ଭଳି ଉଦ୍ୟମ କରାଯିବ ।

ସେ କହିଛନ୍ତି, ୨୦୩୩ ମସିହା ବେଳକୁ ଗ୍ଲାସିୟର ତରଳି ସମୁଦ୍ରର ସ୍ଥର ବୃଦ୍ଧି ପାଇବାରେ ଲାଗିବ । ୩୭୯୭ ମସିହା ବେଳକୁ ମାନବଜାତିର ଅନ୍ତ ହେବା ଆରମ୍ଭ ହୋଇଯିବ । ୫୦୭୯ ମସିହା ବେଳକୁ ବିଶ୍ବ ସମ୍ପୁର୍ଣ୍ଣ ଶେଷ ହୋଇଯିବ । ସେହିପରି ଫ୍ରାନ୍ସ ନୋଷ୍ଟ୍ରାଡାମସ୍‌ଙ୍କ ଅନେକ ଭବିଷ୍ୟବାଣୀ ମଧ୍ୟ ଭେଙ୍ଗାବାବାଙ୍କ ଭବିଷ୍ୟବାଣୀ ସହ ମେଳ ଖାଉଛି । ସେ ମଧ୍ୟ ୨୦୨୫ରେ ୟୁରୋପର ଭୟଙ୍କର ଯୁଦ୍ଧ ଉପରେ ଲେଖିଛନ୍ତି । ଏହି ବର୍ଷ ଏକ ବିନାଶକାରୀ ସଂଘର୍ଷ ଓ ମହାମାରୀ ପରେ ବ୍ରିଟେନ ଧ୍ବଂସ ହୋଇଯିବାର ପୂର୍ବାନୂମାନ କରିଛନ୍ତି ନୋଷ୍ଟ୍ରାଡାମସ୍ ।
ପୂର୍ବରୁ ଭେଙ୍ଗାବାବାଙ୍କ ରାଜକୁମାରୀ ଡାୟନାଙ୍କ ମୃତ୍ୟୁ, ଥାଇଲାଣ୍ଡରେ ସୁନାମି , ମହାମାରୀ, ବାରାକ୍ ୱାମା ରାଷ୍ଟ୍ରପତି ହେବା ଆଦି କଥା ସତ ହୋଇଥିଲା ।
ତେବେ ଆପଣଙ୍କୁ ଜଣାଇଦେବାକୁ ଚାହୁଁଛୁ , ବୁଲେଜେରିଆର ମହିଳା ଭବିଷ୍ୟବକ୍ତା ଥିଲେ ଭେଙ୍ଗା ବାବା । ଯିଏ ଜନ୍ମରୁ ଅନ୍ଧ ଥିଲେ । ବାବା ଭେଙ୍ଗାଙ୍କର ୧୯୯୬ରେ ମୃତ୍ୟୁ ହୋଇଥିଲା । ଏହା ପୂର୍ବରୁ ସେ ୫୦୭୯ ମସିହା ପର୍ଯ୍ୟନ୍ତ ସମସ୍ତ ଭବିଷ୍ୟବାଣୀ କରିଦେଇଛନ୍ତି ।