ଅର୍ଗସ ବ୍ୟୁରୋ : ହାଇ ହିଲ୍ସ ପାଇଁ ଡିଭୋର୍ସ । ସାମାନ୍ୟ ଝଗଡାରୁ ମାରପିଟ...ପରେ ଛାଡପତ୍ର । ଏମିତି ଏକ ଘଟଣା ଏବେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି ।

ଡିଭୋର୍ସ । ଆଜିକାଲି ଏକପ୍ରକାର ଟ୍ରେଣ୍ଡ ପାଲଟିଛି । ବିବାହର ମାତ୍ର କିଛିମାସ ନପୁରୁଣୁ ଛାଡପତ୍ର ଦେଉଛନ୍ତି ପତିପତ୍ନୀ । ସନାତନ ଧର୍ମରେ ଡିଭୋର୍ସ ବା ଛାଡପତ୍ର ଭଳି କୌଣସି ସଂସ୍କାର ନଥିବା ସତ୍ତ୍ବେ ଆଧୁନିକ ପରମ୍ପରାକୁ ପାଥେୟ କରି ପତି ପତ୍ନୀ ପରସ୍ପରକୁ ଛାଡପତ୍ର ଦେଉଛନ୍ତି । ଆଉ ସବୁଠୁ ବଡ ଆଶ୍ଚର୍ଯ୍ୟର କଥା ହେଉଛି , ଛାଡପତ୍ର କୌଣସି ବଡ ଧରଣର ଘଟଣାକୁ ନେଇ ନୁହେଁ , ବରଂ ନିହାତି ସାମାନ୍ୟ ଘଟଣା ନହେଲେ ନିଜ ନିଜର ସ୍ବାଧିନତାରେ ସାମାନ୍ୟ ଆଞ୍ଚ ଆସିଲେ ଉଭୟ ସଙ୍ଗେସଙ୍ଗେ ଛାଡପତ୍ର ଦେଉଛନ୍ତି । ଲଗାତାର କିଛି ବର୍ଷ ହେବ ଏହି ଛାଡପତ୍ର ସଂଖ୍ୟା ବଢିବାରେ ଲାଗିଛି । ଏବେ ସାମ୍ନାକୁ ଆସିଛି ପୁଣି କିଛି ଚର୍ଚ୍ଚିତ କଲା ଭଳି ଖବର ।

ଉତ୍ତରପ୍ରଦେଶର ଆଗ୍ରାରେ ଆସିଛି କିଛି ଏମିତି ଖବର । ଆଗ୍ରାରେ ଏକ ହିନ୍ଦୁ ଦମ୍ପତ୍ତିଙ୍କ ବିବାହ ୨୦୨୪ରେ ସନାତନ ରୀତିନୀତି ଅନୁଯାୟୀ ହୋଇଥିଲା । ବିବାହ ପରେ ମହିଳା ଜଣକ ହାଇ ହିଲ୍ସ ପିନ୍ଧିବା ପାଇଁ ନିଜ ସ୍ବାମୀଙ୍କୁ ମାଗିଥିଲେ । କିଛିଦିନ ପରେ ତାଙ୍କ ସ୍ବାମୀ ତାଙ୍କ ପାଇଁ ହିଲ୍ସ ଆଣିଥିଲେ । କିନ୍ତୁ ପତ୍ନୀ ଏହି ସ୍ୟାଣ୍ଡେଲ ପିନ୍ଧି ଚାଲିବା ବେଳେ ପଡିଯିବା ପରେ, ତାଙ୍କ ସ୍ବାମୀ ତାଙ୍କୁ ଏପରି ହାଇ ହିଲ୍ସ ପିନ୍ଧିବାକୁ ମନା କରିଥିଲେ । କିନ୍ତୁ ହିଲ୍ସ ପିନ୍ଧିବାକୁ ଜିଦ୍‌ ଧରିଥିଲେ ପତ୍ନୀ ।

ହେଲେ ପତି ମନା କରିବାରୁ ଉଭୟଙ୍କ ମଧ୍ୟରେ ଆରମ୍ଭ ହୋଇଥିଲା ବିବାଦ । ବିବାଦ ଏତେ ମାତ୍ରାରେ ହୋଇଥିଲା ଯେ, କଥା ମାରପିଟ୍‌ରେ ପହଞ୍ଚିଥିଲା । ପତ୍ନୀ ନିଜ ଶାଶୂଘର ଛାଡି ନିଜ ବାପଘରକୁ ଚାଲି ଯାଇଥିଲେ । ଏବଂ ସେବେଠୁ ଦୀର୍ଘ ୧ ମାସ ହେବ ସେ ନିଜ ବାପଘରେ ରହି ଆସୁଛନ୍ତି । ଏବେ ସେ ଛାଡପତ୍ର ଦେବାପାଇଁ ସ୍ଥିର କରିଛନ୍ତି । ଉଭୟଙ୍କ ମାମଲା ପରିବାର ପରାମର୍ଶ କେନ୍ଦ୍ରରେ ପହଞ୍ଚିଛି ।

ଉଭୟଙ୍କୁ ଏ ବାବଦରେ ଯେତେବେଳେ ପଚରା ଯାଇଥିଲା, ପତ୍ନୀ କହିଥିଲେ , "ଦୀର୍ଘ ୮ ମାସ ହେବ ତାଙ୍କ ସ୍ବାମୀ ତାଙ୍କୁ ହାଇ ହିଲ୍ସ ଦରମା ଆସିଲେ ଦେବେ ବୋଲି କହୁଛନ୍ତି । ହେଲେ ଏପର୍ଯ୍ୟନ୍ତ ଦେଉ ନାହାନ୍ତି, ଆଉ ମାରପିଟ ମଧ୍ୟ କରୁଛନ୍ତି । " ପତି କହିଛନ୍ତି, ଏମିତି ହାଇହିଲ୍ସ ପିନ୍ଧି ତାଙ୍କୁ ପାଦରେ କ୍ଷତ ହୋଇଥିଲା । ସେଥିପାଇଁ ସେ ତାଙ୍କୁ ହାଇହିଲ୍ସ ଦେଉ ନାହାନ୍ତି ।"
ତେବେ ବର୍ତ୍ତମାନ ଉଭୟଙ୍କ ମାମଲା ପରିବାର ପରାମର୍ଶ କେନ୍ଦ୍ରରେ ବିଚାରଧୀନ ଅବସ୍ଥାରେ ରହିଛି । ଉଭୟ ପକ୍ଷକୁ ନେଇ ଫ୍ୟାମିଲି କାଉନସିଲର ଦ୍ବାରା ଯାଞ୍ଚ କରାଯାଉଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more