ଅର୍ଗସ ବ୍ୟୁରୋ:  ତିଷ୍ଠି ରହିବାକୁ ସଂଘର୍ଷ କରୁଛି ଇଣ୍ଡି ମେଣ୍ଟ । ଆସନ୍ତା ନିର୍ବାଚନରେ ସେମାନଙ୍କର ରଣନୀତି କଣ ହେବ ସେମାନେ ନିଜେ ସ୍ପଷ୍ଟ କରିପାରୁ ନାହାନ୍ତି । ମଦ ନୀତି ମାମଲାରେ ଗିରଫ ହେବା ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ସମର୍ଥନ କରି ଇଣ୍ଡି ମେଣ୍ଟର ନେତାମାନେ ଆଜି ଏକାଠି ହେଉଛନ୍ତି । ନୂଆଦିଲ୍ଲୀର ରାମଲୀଲା ମଇଦାନରେ ଆପ୍ ପକ୍ଷରୁ ଏହି ରାଲି କରାଯାଉଛି । ଏଥିରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖର୍ଗେ, କଂଗ୍ରେସ ନେତା ରାହୁଲ ଗାନ୍ଧି ଓ ସମାଜବାଦି ପାର୍ଟି ମୁଖ୍ୟ ଅଖିଳେଶ ଯାଦବ ଉପସ୍ଥିତ ରହିବେ । ଦୁର୍ନୀତିର ସ୍ପଷ୍ଟ ପ୍ର୍ରମାଣ ମିଳିବାପରେ ଇଡି ପକ୍ଷରୁ କେଜ୍ରିଓ୍ବାଲଙ୍କୁ ଗିରଫ କରାଯାଇଛି ।

କିନ୍ତୁ ଏହି ଦୁର୍ନୀତିଗ୍ରସ୍ତ ନେତାଙ୍କୁ ସମର୍ଥନ କରିବାକୁ ଆଉ କିଛି ବିରୋଧୀ ଏକାଠ ହେବେ। ସେପଟେ ଇଣ୍ଡି ମେଣ୍ଟର ଏହି ମେଳିକୁ କଡା ସମାଲୋଚନା କରିଛି ବିଜେପି । ଅରବିନ୍ଦ କେଜ୍ରିଓ୍ବାଲଙ୍କ ବିରୋଧରେ ଅଭିଯୋଗ ଆସିବା ପରେ ଇଡି ପକ୍ଷରୁ ତଦନ୍ତ କରି ତାଙ୍କୁ ଗିରଫ କରାଯାଇଛି । କିନ୍ତୁ ଏହାକୁ ଆପ୍ ପକ୍ଷରୁ ଆଳ କରି ଜନସମର୍ଥନ ହାସଲ  କରିବାକୁ ଚେଷ୍ଟା କରାଯାଉଛି । ଏପରିକି ଜେଲରେ ଥିଲେ ମଧ୍ୟ ସେଠାରୁ ସରକାର ଚଳାଇବାକୁ ଉଦ୍ୟମ କରୁଛନ୍ତି ।

ଅଧିକ ପଢ଼ନ୍ତୁ ଦେଶ ଖବର: