ଅର୍ଗସ ବ୍ୟୁରୋ:  ମାଓ ପ୍ରଭାବିତ ଅଂଚଳରୁ ବିଜୟ ସଂକଳ୍ପ ଶଙ୍ଖନାଦ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଛତିଶଗଡ ବସ୍ତର ଜିଲ୍ଲାରେ ପ୍ରଧାନମନ୍ତ୍ରୀ ଏକ ବିଶାଳ ଜନସଭାକୁ ସମ୍ବୋଧିତ କରିବେ । ଏଥିପାଇଁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ମାଓ ପ୍ରଭାବିତ ଅଂଚଳ ହୋଇଥିବାରୁ ସୁରକ୍ଷା ପାଇଁ ସ୍ୱତନ୍ତ୍ର ପଦେକ୍ଷପ ନିଆଯାଇଛି । ଚଳିତ ନିର୍ବାଚନରେ ପ୍ରଧାନମନ୍ତ୍ରୀଙ୍କ ନାରା ହେଉଛି ଅବ୍ କି ବାର ୪୦୦ ପାର୍ ।

ଏଥିସହ ଛତିଶଗଡର ୧୧ଟି ଲୋକସଭା ଆସନରେ ବିଜେପି ବିଜୟୀ ହେବ ବୋଲି ବିଜେପି ନେତାମାନେ ଦୃଢୋକ୍ତି କରିଛନ୍ତି । ପ୍ରଧାନମନ୍ତ୍ରୀଙ୍କ ନିର୍ବାଚନୀ ସଭାରେ ଛତିଶଗଡ ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ଉପସ୍ଥିତ ରହିବେ । ଅପରାହ୍ନ ୫ଟାରେ ପ୍ରଧାନମନ୍ତ୍ରୀ ମହାରାଷ୍ଟ୍ରର ଚନ୍ଦ୍ରପୁରରେ ପ୍ରଚାର କରିବେ । ଗତକାଲି ମୋଦି ବିହାର, ପଶ୍ଚିମବଙ୍ଗ ପରେ ମଧ୍ୟପ୍ରଦେଶରେ ବିଶାଳ ରୋଡ଼ ସୋ କରିଥିଲେ । INDI ମେଣ୍ଟକୁ ସନାତନ ବିରୋଧୀ ଓ ଦୁର୍ନୀତିଗ୍ରସ୍ତ କହି ପ୍ରଧାନମନ୍ତ୍ରୀ ଆକ୍ରମଣ କରିଥିଲେ ।

ଅଧିକ ପଢ଼ନ୍ତୁ ଦେଶ ଖବର: