ଅର୍ଗସ ବ୍ୟୁରୋ:  କେରଳ ୱାଏନାଡ଼ରେ ଏବେ ବି 350ରୁ ଅଧିକ ଲୋକଙ୍କ ପତ୍ତା ମିଳୁନି । ମାଟି, ପଥର ତଳୁ ଖୋଜା ଚାଲିଛି ଜୀବନ । 6 ଦିନରେ ଜୋରସୋରରେ ଚାଲିଛି ରେସ୍କ୍ୟୁ ଅପରେସନ୍ । ସେନା ଓ NDRF ସମେତ ବିଭିନ୍ନ ସଂସ୍ଥା ଓ ସ୍ବେଚ୍ଛାସେବୀ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ବର୍ତ୍ତମାନ ସୁଦ୍ଧା ମୃତ୍ୟୁ ସଂଖ୍ୟା 350 ଟପି ଥିବାବେଳେ ଆଗକୁ ମୃତ୍ୟୁସଂଖ୍ୟା ଆହୁରି ବଢ଼ିବା ଆଶଙ୍କା କରାଯାଉଛି । ଆହତ ଅବସ୍ଥାରେ ଉଦ୍ଧାର ପରେ ଶତାଧିକ ଲୋକେ ଏବେ ବିଭିନ୍ନ ମେଡିକାଲରେ ଚିକିତ୍ସାଧିନ ଅଛନ୍ତି । ସେପଟେ ସାମ୍ନାକୁ ଆସିଲା ଭୂସ୍ଖଳନ ସ୍ଥଳର ଏକ୍ସକ୍ଲୁସିଭ ଚିତ୍ର । ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଥିବା ଗାଁ ମୁଣ୍ଡକାଇରେ ପହଞ୍ଚି ସ୍ଥିତି ପରିଖିଛି ଅର୍ଗସ ଟିମ୍ । ମୁଣ୍ଡକାଇ ଗାଁର ଉପର ପାହାଡ଼ରୁ ହିଁ ଆରମ୍ଭ ହୋଇଥିଲା ଲ୍ୟାଣ୍ଡ ସ୍ଲାଇଡ୍ । ପାହାଡ଼ରୁ ମାଟି ଓ ବଡ଼ ବଡ଼ ପଥର ଖଣ୍ଡ ଖସି ଅଧା ଗାଁକୁ ମାଟିରେ ମିଶାଇ ଦେଇଛି । ପାଣିରେ ବୋହି ହୋଇଯାଇଛି ଲୋକଙ୍କ ଘର ଓ ଦୋକାନ ।

ଅଧିକ ପଢ଼ନ୍ତୁ ଦେଶ ଖବର: