ଅର୍ଗସ ବ୍ୟୁରୋ : ମାଘ ପୂର୍ଣ୍ଣିମାକୁ ନେଇ ପ୍ରୟାଗରାଜରେ ଭିଡ ଖୁବ ବଢିବାରେ ଲାଗିଛି । ମହାକୁମ୍ଭରେ ସ୍ନାନ ପାଇଁ ଦେଶ ବିଦେଶର ବିଭିନ୍ନ କୋଣ ଅନୁକୋଣରୁ ଲୋକ ଛୁଟି ଆସୁଛନ୍ତି । ଯାହାକୁ ନେଇ ରେଳ ଷ୍ଟେସନରେ ଅନେକ ତୀର୍ଥଯାତ୍ରୀଙ୍କ ସମାଗମ ଲାଗି ରହିଛି । ଅତ୍ୟଧିକ ଭିଡ ଯୋଗୁ କିଛି ଯାତ୍ରୀ ୪ ୫ ଦିନ ଧରି ଝାଡା, ପରିସ୍ରା ମଧ୍ୟ ଯାଇ ପାରୁନାହାନ୍ତି ।

ପାଟନା ଷ୍ଟେସନରେ ଅତ୍ୟଧିକ ଭିଡ ଯୋଗୁ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଛି । ପ୍ଲାଟଫର୍ମରେ ଜନସମୁଦ୍ର ଦେଖିବାକୁ ମିଳିଛି । କିଛି ଯାତ୍ରୀ ଏହି ଭିଡକୁ ନେଇ ଅସନ୍ତୋଷ ପ୍ରକାଶ କରିଛନ୍ତି । ସିଲିଗୁଡିରୁ ଆସିଥିବା ଜଣେ ମହିଳା କହିଛନ୍ତି, ସେ ସକାଳ ୧୧ରୁ ଆସି ଅପେକ୍ଷା କରିଛନ୍ତି, ୨ ଟା ହୋଇ ଯାଇଥିଲେ ସୁଦ୍ଧା ଟ୍ରେନ ମିଳିପାରିନି । ସେହିପରି ଆଉଜଣେ କହିଛନ୍ତି, ସେ ନିଜ ସିଟ୍‌ରୁ ଉଠିବାକୁ ସକ୍ଷମ ହୋଇପାରୁ ନାହାନ୍ତି, ନା ବାଥରୁମ ଯାଇ ପାରୁଛନ୍ତି । ନିଶ୍ବାସ ବି ଠିକରେ ନେଇପାରୁନାହାନ୍ତି, ଏମିତି ଲାଗୁଛି ଯେମିତି ମରିଯିବେ ।

ଜାନୁଆରୀ ୧୧ରେ ମଧ୍ୟ ଏପରି ପରିସ୍ଥିତି ହୋଇଥିବା ଦେଖିବାକୁ ମିଳିଥିଲା । ତୀର୍ଥଯାତ୍ରୀମାନେ ପ୍ରୟାଗରାଜ ଯିବାପାଇଁ ପ୍ଲାଟଫର୍ମରେ ଦିନ ୧୧ରୁ ଅପେକ୍ଷା କରିଥିଲେ । ସେଇଠି ହିଁ ସେମାନେ ମଧ୍ୟାହ୍ନ ଭୋଜନ କରିବା ସହ ଆରାମ କରିଥିଲେ । ହେଲେ ଟ୍ରେନ ୨ରେ ପ୍ଲାଟଫର୍ମ ଛୁଇଁଥିଲା ।ଏବଂ ଟ୍ରେନ ପ୍ଲାଟଫ୍ରମରେ ଅଟକିବା ପୂର୍ବରୁ ହିଁ ଯାତ୍ରୀମାନେ ଟ୍ରେନରେ ଚଢିବା ଆରମ୍ଭ କରି ଦେଇଥିଲେ । କିଏ ଝରକା ପଟେ ତ କିଏ ମେନ ଡୋର ପଟେ । ସେଥିପାଇଁ ଭିତରେ ଥିବା କିଛି ଯାତ୍ରୀ କବାଟ ଝରକା ବନ୍ଦ କରିବା ଆରମ୍ଭ କରି ଦେଇଥିଲେ ।

ଯାହାକୁ ନେଇ କିଛି ଯାତ୍ରୀ ରାଗରେ ଟ୍ରେନ ଭଙ୍ଗାରୁଜା କରିଥିଲେ । କହିଥିଲେ, ସେହି ଯାତ୍ରୀ ମାନଙ୍କୁ କିଏ ଅନୁମତି ଦେଲା ଗେଟ ବନ୍ଦ କରିବା ପାଇଁ । ସେମାନେ ଯେଉଁ ସ୍ଥାନକୁ ଯାଉଛନ୍ତି, ସେଠାକୁ ଆମେ ବି ଯାଉଛୁ । ଯଦି ଆମକୁ ବନ୍ଦ କରାଯାଏ , ତେବେ ଆମେ ଟ୍ରେନ ଭାଙ୍ଗିଦେବୁ । " ଗତକାଲିଠୁ ମଧ୍ୟ ଅତ୍ୟଧିକ ଭିଡ ବଢିବାରେ ଲଗାଛି । ଯାତ୍ରୀମାନେ ପାଖାପାଖି ୧୫ରୁ ୨୦ ଘଣ୍ଟା ଧରି ବାଥରୁମ ଯାଇନଥିବା ପ୍ରକାଶ କରିଛନ୍ତି ।