ସ୍ୱାଧୀନତା ଦିବସରେ ଛାତ୍ରଛାତ୍ରୀଙ୍କ ସହ କଥା ହେଲେ କେନ୍ଦ୍ରଶିକ୍ଷା ମନ୍ତ୍ରୀ

ଅର୍ଗସ ବ୍ୟୁରୋ: ନୂଆଦିଲ୍ଲୀରେ ୭୮ତମ ସ୍ବାଧୀନତା ଦିବସରେ ସାମିଲ୍ ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକଙ୍କ ସହ କଥା ହୋଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପିଏମଶ୍ରି ସ୍କୁଲ, କେନ୍ଦ୍ରୀୟ ବିଦ୍ୟାଳୟ, ରାଜ୍ୟ ସ୍କୁଲ ମାନଙ୍କର ଛାତ୍ରଛାତ୍ରୀ, ଶିକ୍ଷକ, ଅଭିଭାବକ ଅତିଥି ଭାବେ ସ୍ବାଧୀନତା ଦିବସ କାର୍ଯ୍ୟକ୍ରମରେ ଯୋଗ ଦେଇଥିଲେ । 

ବଡ଼ନଗରରେ ପ୍ରେରଣା କାର୍ଯ୍ୟକ୍ରମରେ ଛାତ୍ରଛାତ୍ରୀ କଣ ଅଭିଜ୍ଞତା ନେଲେ । ଛାତ୍ରଛାତ୍ରୀ ପ୍ରଧାନମନ୍ତ୍ରୀଙ୍କୁ ଚିଠି ଲେଖି ଜଣାଇବାକୁ କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ । ଏହେ ଅବସରରେ ଧର୍ମେନ୍ଦ୍ର ପ୍ରଧାନ କହିଛନ୍ତି, ଆମେ ଯେତେବେଳେ ସାନ ଥିଲୁ ଗୋଟେ ଦିନ ପରେ ଖବର କାଗଜରେ ଫଟୋ ଦେଖୁଥିଲୁ । 

ଆଜି ଚିତ୍ର ବଦଳିଛି ନିଜେ ସଙ୍ଗେ ସଙ୍ଗେ ଅତି ନିକଟରୁ ସବୁକିଛି ଦେଖି ପରୁଛୁ । ପ୍ରଥମ ଥର ଯେତେବେଳେ ଦେଶର ରାଜଧାନୀକୁ ଆସୁଛନ୍ତି ଲାଲକିଲ୍ଲାରେ ସ୍ବାଧିନତା ଦିବସକୁ ଦେଖୁଛନ୍ତି, ଏହା ଏକ ବଡ଼ ସୁଯୋଗ ଛାତ୍ର ଛାତ୍ରୀଙ୍କ ପାଇଁ । ଅନେକ କୀର୍ତ୍ତି ରାଜିଠୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପାଖରେ ଦେଖିବାର ସୁଯୋଗ ପାଇଛନ୍ତି ଏହା ପିଲାଙ୍କ ଭିତରେ କୌତୁହଳ ସୃଷ୍ଟି କରିବ ।