୨୦ରୁ ଅଧିକ ମର୍ଡର ପୁଣି ୩୦ରୁ ଅଧିକ ଝିଅଙ୍କୁ ରେପ । ପୁଣି ଜେଲରେ ଗିରଫ ହୋଇ ରହିବା ପରେ ତିହାଡ ଭଳି ବଡ ଜେଲରୁ ପୋଲିସ କର୍ମଚାରୀଙ୍କୁ ଚକମା ଦେଇ ଖସିଯିବା ଭଳି ଦୁର୍ଦ୍ଦାନ୍ତ ଅପରାଧୀ ଆଜି ବି ଜୀବିତ ଏବଂ ସୁରକ୍ଷିତ । ତାଙ୍କୁ ଝିଅମାନଙ୍କୁ ନିଜ ଆଡକୁ ଆକର୍ଷିତ କରିବାର କଳା ବେଶ ଜଣାଥିଲା । ସେଥିପାଇଁ ଅନେକ ଅପରାଧ କରିବା ପରେ ଝିଅମାନେ ତାଙ୍କୁ ପସନ୍ଦ କରୁଥିଲେ । ଆଉ ତାଙ୍କ ବୟସ ୪୪ ଥିବାବେଳେ ବି ଜଣେ ୧୮ ବର୍ଷର ଝିଅ ତାଙ୍କୁ ବିବାହ କରିବାର ଖବର ସାମ୍ନାକୁ ଆସିଥିଲା ।

ଚାର୍ଲସ ଶୋଭରାଜର ପୁରା ନାଁ ହୋତଚାନ୍ଦ ଭାବ୍‌ନି ଗୁରୁମୁଖ୍ ଶୋଭରାଜ । ଭିଏତନାମର ସାଏଗୋନରେ ସେ ୬ ଏପ୍ରିଲ ୧୯୪୪ରେ ସେ ଜନ୍ମ ହୋଇଥିଲେ । ତାଙ୍କ ବାପା ଥିଲେ ଭାରତୀୟ କିନ୍ତୁ ମାଆ ଥିଲେ ଭିଏତନାମର । ଚାର୍ଲସ ଜନ୍ମ ହେବା ପରେ ଚାର୍ଲସଙ୍କ ବାପା ତାଙ୍କ ମାଆଙ୍କୁ ଏବଂ ତାଙ୍କୁ ଭିଏତନାମରେ ଛାଡିଦେଇ ଚାଲି ଆସିଥିଲେ । ଆଉ ସେତବେଳେ ହିଁ ଚାର୍ଲସଙ୍କ ମାଆ ଫ୍ରାନ୍ସ ଚାଲି ଆସିଥିଲେ । ଜଣେ ଫ୍ରେଞ୍ଚ ଆର୍ମି ଲ୍ୟୁଟିନାଣ୍ଟଙ୍କୁ ବିବାହ କରିଥିଲେ । ସେ ବି ତାଙ୍କ ପ୍ରଥମ ବାପାଙ୍କ ପରି ତାଙ୍କୁ ବିଶେଷ ଭଲ ପାଇବା ଦେଇନଥିଲେ। ତାଙ୍କ ମାଆ ମଧ୍ୟ ତାଙ୍କ ବାପାଙ୍କ ସହ ମିଶି ତାଙ୍କ ଛୋଟ ଭାଇକୁ ବେଶି ଧ୍ୟାନ ଦେବା ଆରମ୍ଭ କରିଥିଲେ । ଆଉ ତାଙ୍କୁ ଛାଡି ଚାଲି ଯାଇଥିଲେ । ଯାହାକୁ ନେଇ ପିଲାବେଳୁ ହିଁ ଚାର୍ଲସ ଶୋଭରାଜଙ୍କର ଖରାପ ସ୍ଵଭାବ ବଢିବାରେ ଲାଗିଥିଲା । ସେ ପିଲାଦିନୁ ଚୋରି କରିବା ଆରମ୍ଭ କରିଥିଲେ । ୧୯୬୩ ମସିହାରେ ୧୯ ବର୍ଷ ବୟସରେ ପ୍ରଥମେ ଜେଲ ଯାଇଥିଲେ ଶୋଭରାଜ । ଚୋରି କେସରେ ୭ ମାସ ଜେଲରେ ରହିଥିଲେ ଶୋଭରାଜ ।

ଫେଲିକ୍ସ ଡି ଏସକୋଗ୍ନି ସହ ତାଙ୍କର ଦେଖା ହୋଇଥିଲା । ସେ ଜେଲରେ କଏଦୀ ମାନଙ୍କୁ କାମ କରାଉଥିଲା । ଆଉ ଜେଲରୁ ବାହାରିବା ପରେ ତାଙ୍କ ସହ ମିଶିଥିଲା ଚାର୍ଲସ । ଚାର୍ଲସ ଫେଲିକ୍ସଙ୍କ ଗ୍ୟାଙ୍ଗ ସହ ମିଶି ଚୋରି କରିବା କାମରେ ଲିପ୍ତ ଥିଲା । ହେଲେ ୧୯୭୦ରେ ତାକୁ ଏହି ଗ୍ୟାଙ୍ଗ ପକ୍ଷରୁ ଦିଆଯାଇଥିଲା ଗୋଟେ ଜବ ଅଫର । ଯେଉଁ କାମ ଥିଲା କିଛି ବଡ ଧରଣର ଚୋରି ଡକାୟତି ଉପରେ । ଏହି ଚୋରି ଡକାୟତି ସମୟରେ ଚାର୍ଲସଙ୍କର ଭେଟ ହୋଇଥିଲା ସେଣ୍ଟାଲ କମ୍ପାଗ୍ନୋନ ସହ । ସେଣ୍ଟାଲଙ୍କୁ ଜଣା ନଥିଲା ଚାର୍ଲସ କାମ ପ୍ରକୃତରେ କଣ

ସେ କେବଳ ଚାର୍ଲସଙ୍କର ଚେହେରା ଦେଖି ତାଙ୍କ ଆଡକୁ ଆକର୍ଷିତ ହୋଇଥିଲେ । କିନ୍ତୁ ଚାର୍ଲସ ତାଙ୍କୁ ପରେ ନିଜ ବିଷୟରେ ସବୁ ସତ କହିଥିଲେ ମଧ୍ୟ ସେ ତାଙ୍କୁ ସପୋର୍ଟ କରିଥିଲେ । ପରେ ଉଭୟଙ୍କ ମଧ୍ୟରେ ପ୍ରେମର ବୀଜ ବୁଣି ହୋଇସାରିଥିଲା । ଯେଉଁଦିନ ଚାର୍ଲସ ତାଙ୍କୁ ପ୍ରପୋଜ କରିବାକୁ ଆସିଥିଲେ, ସେହିଦିନ ହିଁ ତାଙ୍କୁ ପୋଲିସ ଆରେଷ୍ଟ କରିବାକୁ ଆସିଥିଲେ । କିନ୍ତୁ ଚାଲାକ ଚାର୍ଲସ ସେଣ୍ଟାଲକୁ ନେଇ ସେଠାରୁ ଚାଲି ଯାଇଥିଲେ । ଏହାର ଠିକ ୪ ମାସ ପରେ ସେଣ୍ଟ୍ରାଲ ଗର୍ଭବତୀ ଥିବା ଚାର୍ଲସଙ୍କୁ ଜଣାଇଥିଲେ । ପରେ ସେମାନେ ସେଠାରୁ ୟୁରୋପ ଚାଲିଯାଇଥିଲେ ।

ହେଲେ ୟୁରୋପରେ ମଧ୍ୟ ତାଙ୍କୁ ପୋଲିସ ଶାନ୍ତିରେ ରଖିବାକୁ ଦେଇନଥିଲେ । ଯେଉଁଥିପାଇଁ ସେ ପ୍ରଥମ ଥର ଟିକେଟ କରି ଭାରତର ମୁମ୍ବାଇ ଚାଲିଆସିଥିଲେ । ସେଠାରେ ସେଣ୍ଟ୍ରାଲ ନିଜର ପୁତ୍ର ସନ୍ତାନ ଜନ୍ମ ଦେଇଥିଲେ । ହେଲେ ସ୍ତ୍ରୀ ପିଲା ହେଲା ପରେ ମଧ୍ୟ ଚାର୍ଲସଙ୍କ ସ୍ଵଭାବରେ ଆଦୌ ପରିବର୍ତ୍ତନ ଆସିନଥିଲା । ସେ ପୁଣି ଚୋରି , ଡକାୟତି , ସ୍ମଗଲିଙ୍ଗ କରିବା ଆରମ୍ଭ କରିଥିଲେ ।
ଚାର୍ଲସର ମୁଖ୍ୟ କାମ ଥିଲା ଦାମୀ ଗାଡି ଚୋରି କରି ତାକୁ ପାକିସ୍ତାନ ଅଷ୍ଟ୍ରେଲିଆ ଭଳି ଦେଶରେ ବିକ୍ରି କରିବା । ଏଥିସହ ଡ୍ରଗ୍ସ ବ୍ୟପାର ମଧ୍ୟ କରୁଥିଲା । ଚାର୍ଲସଙ୍କ କଥା କହିବାର ଶୈଳୀ, ତାଙ୍କର ଆକର୍ଷଣୀୟ ଚେହେରା ଯେକୌଣସି ଲୋକଙ୍କୁ ତାଙ୍କ ଆଡକୁ ଆକୃଷ୍ଟ କରୁଥିଲା । ଯେଉଁ କାରଣରୁ ତାଙ୍କ ସହ କେହି ବି ଚିଟ୍ କରି ପାରୁନଥିଲେ ।

ଅଧିକ ଜାଣିବା ପାଇଁ ତଳେ ଦିଆଯାଇଥିବା ଭିଡିଓରେ କ୍ଲିକ କରନ୍ତୁ..

Argus News | argus news | Odisha Latest News, Breaking News, Trending News, Live TV