ଗ୍ୟାସ୍‌ ସଂକଟ ସମୟରେ ନଦୀରେ ଭାସିଆସିଲା ଗ୍ୟାସ୍‌ ସିଲିଣ୍ଡର । ହଜାର ହଜାର ଗ୍ୟାସ୍‌ ସିଲିଣ୍ଡର ପାତାଳଗଙ୍ଗା ନଦୀରେ ଭାସିଆସିଲା । ଖାଲି ହୋଇଗଲା ପୁରା ଏଲ୍‌ପିଜି ଗ୍ୟାସ୍‌ ଗୋଦାମ । ନଦୀରୁ ସିଲିଣ୍ଡର ବୋହିନେଲେ ସ୍ଥାନୀୟ ଲୋକ । ପ୍ରବଳ ବନ୍ୟା ସବୁ କିଛି ଭସାଇ ନେଇଛି । ନଦୀରେ ଭାସି ଯାଇଛି ହଜାର ହଜାର ଗ୍ୟାସ୍‌ ସିଲିଣ୍ଡର । ଲୋକେ ସବୁ ସିଲିଣ୍ଡରକୁ ବୋହି ନେଇ ପଳାଉଛନ୍ତି । ବନ୍ୟା ପାଣିରେ କାଠ ଭାସିଲା ଭଳି ଭାସି ଆସୁଛି ସିଲିଣ୍ଡର । ସବୁ ସିଲିଣ୍ଡରରେ ଗ୍ୟାସ୍‌ ଭର୍ତ୍ତି ହୋଇ ରହିଛି।

ଦେଶରେ ପ୍ରବଳ ବର୍ଷା ପାଇଁ ସବୁ ନଦୀ ଏବେ ଫୁଲିଛି । ଚାରିଆଡ଼େ ମାଡ଼ି ଯାଉଛି ବନ୍ୟା ପାଣି । ଘର ଦ୍ବାର ସବୁ ଭସାଇ ନେଇ ପଳାଉଛି । ଆଉ ଏବେ ହଜାର ହଜାର ଗ୍ୟାସ୍‌ ଭର୍ତ୍ତି ସିଲିଣ୍ଡରକୁ ଭସାଇ ନେଇ ପଳାଇଛି ବନ୍ୟା । ପାତାଳଗଙ୍ଗା ନଦୀରେ ଭାସି ଆସିଛି ଏହି ସବୁ ସିଲିଣ୍ଡର । ଲୋକମାନେ ଏମିତି ଦୃଶ୍ୟକୁ ଦେଖି ପୁରା ଆଶ୍ଚର୍ଯ୍ୟ ହୋଇ ଯାଇଛନ୍ତି । ଗ୍ୟାସ୍‌ ଭାସିଯିବା ପରେ ଦେଖାଦେଇପାରେ ଅଧିକ ଗ୍ୟାସ୍‌ ସଂକଟ ।

କାଠ ଭାସିଲା ଭଳି ଭାସି ଯାଉଛି ଗ୍ୟାସ୍‌ ସିଲିଣ୍ଡର । ଏହି ସବୁ ସିଲିଣ୍ଡରରେ ଭର୍ତ୍ତି ହୋଇ ରହିଛି ଗ୍ୟାସ୍‌ । ପ୍ରବଳ ବର୍ଷା କାରଣରୁ ଦେଖା ଦେଇଛି ଏମିତି ଦୃଶ୍ୟ । ପାତାଳଗଙ୍ଗା ନଦୀରେ ଭାସିଯାଇଛି ହଜାର ହଜାର ଏଲ୍‌ପିଜି ଗ୍ୟାସ୍ ସିଲିଣ୍ଡର । ଗୋଟିଏ କି ଦୁଇଟି ନୁହେଁ, ପ୍ରାୟ ୩,୦୦୦ରୁ ଅଧିକ ଗ୍ୟାସ୍ ସିଲିଣ୍ଡର ନଦୀରେ ଭାସି ଯାଇଛି ।

ଯଦି ଦେଖିବା ନଦୀ କୂଳରେ ଥିବା ଏକ ଗ୍ୟାସ୍ ବୋଟଲିଂ ପ୍ଲାଣ୍ଟ ବା ଗୋଦାମ ଘରେ ବନ୍ୟା ପାଣି ପଶିଯିବାରୁ ଏଭଳି ଅଘଟଣ ଘଟିଛି । ଗୋଦାମରେ ରଖାଯାଇଥିବା ସବୁ ଗ୍ୟାସ୍‌ ସିଲିଣ୍ଡର ପାଣିର ପ୍ରଖର ସୁଅରେ ଭାସିଯାଇଛି । ଏହି ସବୁ ସିଲିଣ୍ଡର ସକାଳ ହୋଇଥିଲେ ପୁରା ରାଜ୍ୟରେ ଗ୍ରାହକଙ୍କ ପାଖରେ ପହଞ୍ଚିଥାନ୍ତା ।

ସେପଟେ ସୂଚନା ପାଇବା ପରେ ସ୍ଥାନୀୟ ପ୍ରଶାସନ, ଅଗ୍ନିଶମ ବାହିନୀ ଏବଂ ବିପର୍ଯ୍ୟୟ ପରିଚାଳନା ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଛନ୍ତି । ନଦୀ ଭିତରୁ ସିଲିଣ୍ଡରଗୁଡ଼ିକୁ ସୁରକ୍ଷିତ ଭାବେ ବାହାର କରିବା ପାଇଁ ଜୋରଦାର ଉଦ୍ଧାର କାର୍ଯ୍ୟ ଜାରି ରହିଛି । ସେହିପରି ନଦୀ କୂଳବର୍ତ୍ତୀ ଲୋକ ମାନଙ୍କୁ ସତର୍କ ସୂଚନା ଜାରି କରାଯାଇଛି । ଯିଏ ଏହି ସବୁ ସିଲିଣ୍ଡରକୁ ବେଆଇନ ଭାବେ ନିଜ ପାଖରେ ରଖିବ ତାକୁ ପୋଲିସ ବାନ୍ଧି ନେବ । ଗ୍ୟାସ୍ ଲିକ୍‌ର କୌଣସି ବିପଦ ଅଛି କି ନାହିଁ, ତାହା ଉପରେ ମଧ୍ୟ ବିଶେଷଜ୍ଞ ଦଳ ନଜର ରଖିଛନ୍ତି ।