ନୂଆଦିଲ୍ଲୀ: ୧୬ ଘଣ୍ଟାର ମାରାଥନ ଜେରା ପରେ ଗିରଫ ହେଲେ ଟିଏମ୍‌ସି ନେତା । ରାସନ ଦୁର୍ନୀତିରେ ପଶ୍ଚିମବଙ୍ଗ ବନଗାଓଁ ପୂର୍ବତନ ମେୟର ତଥା ଟିଏମ୍‌ସି ନେତା ଶଙ୍କର ଆଧ୍ୟାଙ୍କ ଘରେ ରେଡ୍ କରିଥିଲା । ଗତକାଲି ବିଳମ୍ବିତ ରାତିରେ ତାଙ୍କୁ ଗିରଫ କରିଛି ଇଡି । ଶଙ୍କରଙ୍କୁ ଗିରଫ କରିବା ସମୟରେ ମଧ୍ୟ ତାଙ୍କ ସମର୍ଥକମାନେ ଇଡି ଅଧିକାରୀଙ୍କ ଗାଡ଼ି ଉପରକୁ ଇଟା ଫିଙ୍ଗିବାକୁ ଚେଷ୍ଟା କରିଥିଲେ ।  କିନ୍ତୁ ସିଆରପିଏଫ୍ ଯବାନମାନେ ଗିରଫ କରି ତାଙ୍କୁ କୋଲକାତା ଆଣିଛନ୍ତି ।

 ରାସନ ବଣ୍ଟନ ଦୁର୍ନୀତିରେ ଉତ୍ତର 24 ପ୍ରଗଣାକୁ ରେଡ୍ ପାଇଁ ଯାଉଥିବା ବେଳେ ଇଡି ଉପରେ ଅତର୍କିତ ଆକ୍ରମଣ କରିଥିଲେ ଦିଦି ବାହିନୀ ଅର୍ଥାତ ଟିଏମସିର ଗୁଣ୍ଡା । ସନ୍ଦେଶଖଲୀର ଟିଏମସି ନେତା ଶାହାଜାନ୍ ଶେଖଙ୍କ ଘରକୁ ରେଡ୍ ପାଇଁ ପହଞ୍ଚିଥିଲେ ଇଡି ଅଧିକାରୀ । ଠିକ୍ ଏତିକି ବେଳେ 200ରୁ ଅଧିକ ଲୋକ ଅଚାନକ ଆକ୍ରମଣ କଲେ, ସୁରକ୍ଷାରେ ମୁତୟନ ଯବାନଙ୍କୁ ମଧ୍ୟ ଛାଡ଼ିନଥିଲେ ଟିଏମସି ଗୁଣ୍ଡା । ଏଥିରେ କିଛି ଅଧିକାରୀ ଗୁରୁତର ଭାବେ ଆତହ ହୋଇଥିବା ବେଳେ ଗାଡ଼ି ଗୁଡ଼ିକୁ ଭାଙ୍ଗି ଦେଇଥିଲେ ଦୁର୍ବୃତ୍ତ ।  

ଅଧିକ ପଢନ୍ତୁ ଭାରତ  ଖବର