ଆଜି ଅନ୍ତର୍ଜାତୀୟ ଯୁବ ଦିବସ

ପ୍ରଥମଥର ପାଇଁ 1999 ମସିହା ଅଗଷ୍ଟ 12 ତାରିଖ ଦିନ ଅନ୍ତର୍ଜାତୀୟ ଯୁବ ଦିବସ ପାଳନ ଆରମ୍ଭ ହୋଇଥିଲା । ମିଳିତ ଜାତିସଂଘ ସାଧାରଣ ସଭାର ସୁପାରିଶ ପରେ ଅନ୍ତର୍ଜାତୀୟ ଯୁବ ଦିବସ ପାଳନ କରାଯାଇଥିଲା। ଯୁବ ଦିବସର ମୂଳ ଉଦ୍ଦେଶ୍ୟ ହେଉଛି ସାମାଜିକ, ଅର୍ଥନୈତିକ, ରାଜନୈତିକ ଓ ଗବେଷଣାତ୍ମକ କ୍ଷେତ୍ରରେ ଯୁବକମାନଙ୍କୁ ଜଡିତ କରି ଏକ ସୁନ୍ଦର ସୁଦୃଢ ଭବିଷ୍ୟତ ନିର୍ମାଣ ପାଇଁ ପ୍ରୟାସ କରିବା । 1965 ମସିହାରେ ମିଳିତ ଜାତିସଂଘ ସାଧାରଣ ସଭା ଯୁବକମାନଙ୍କ ମଧ୍ୟରେ ଶାନ୍ତି,ମୈତ୍ରୀ ଓ ଅନ୍ତର୍ଜାତୀୟ ବୁଝାମଣାର ଆଦର୍ଶକୁ ପ୍ରୋତ୍ସାହିତ କରିବା ପାଇଁ ଏକ କାର୍ଯ୍ୟକ୍ରମ ଆରମ୍ଭ କରିଥିଲା । ଡିସେମ୍ବର 17, 1999ରେ ମିଳିତ ଜାତିସଂଘ ସାଧାରଣ ସଭାର ସୁପାରିଶ କ୍ରମେ ଅନ୍ତର୍ଜାତୀୟ ଯୁବ ସମ୍ମିଳନୀ ପ୍ରତିଷ୍ଠା କରାଯାଇଥିଲା । ସେହି ଦିନ ପରଠାରୁ 12 ଅଗଷ୍ଟକୁ ଅନ୍ତର୍ଜାତୀୟ ଯୁବ ଦିବସ ଭାବେ ପାଳନ କରାଯାଉଛି ।

ଭାରତ ବିଶ୍ଵରେ ଯୁବ ଦେଶ ଭାବେ ଜଣାଯାଏ । ଭାରତର ଜନସଂଖ୍ୟା ପ୍ରାୟ 1.4 ବିଲିୟନ । ଏଥିମଧ୍ୟରୁ ପ୍ରାୟ 27-30% ଯୁବକ (15-29 ବର୍ଷ) ଅଟନ୍ତି, ଯାହା ବିଶ୍ୱରେ ସର୍ବାଧିକ ଯୁବ ଜନସଂଖ୍ୟା ମଧ୍ୟରୁ ଅନ୍ୟତମ। ଭାରତରେ 15-24 ବର୍ଷ ବୟସରେ ପ୍ରାୟ 250 ମିଲିୟନ ଯୁବକ ଅଛନ୍ତି, ଯାହା ମୋଟ ଜନସଂଖ୍ୟାର ପ୍ରାୟ 18-20%। ଏହି ଯୁବ ଜନସଂଖ୍ୟା ଭାରତକୁ "Demographic Dividend" (ଜନସାଂଖ୍ୟିକ ଲାଭ) ପାଇଁ ଏକ ସୁଯୋଗ ସୃଷ୍ଟି କରୁଛି । ଏହାକୁ ଲକ୍ଷ୍ୟ ରଖି ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ବରେ ଭାରତ ସରକାର ଯୁବକଙ୍କ ପାଇଁ ଉଦ୍ଦିଷ୍ଟ ଏକାଧିକ ଯୋଜନା ପ୍ରଣୟନ କରିଛନ୍ତି ।

ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନା, ପ୍ରଧାନମନ୍ତ୍ରୀ ମୁଦ୍ରା ଯୋଜନା, ସ୍କିଲ ଇଣ୍ଡିଆ ମିଶନ, ମେକ ଇନ ଇଣ୍ଡିଆ, ବେଟି ବାଚାଓ ବେଟି ପଢାଓ, ଡିଜିଟାଲ ଇଣ୍ଡିଆ ମିଶନ, ଷ୍ଟାର୍ଟ-ଅପ ଇଣ୍ଡିଆ ଓ ଫିଟ ଇଣ୍ଡିଆ ମୁଭମେଣ୍ଟ । ଏହାରି ମାଧ୍ୟମରେ ଭାରତକୁ ଏକ ଶକ୍ତାଶାଳୀ ରାଷ୍ଟ୍ର ଭାବେ ପରିଣତ କରିବା ପାଇଁ କେନ୍ଦ୍ର ସରକାର ଲକ୍ଷ୍ୟ ରଖିଛନ୍ତି । ଯାହା ଦ୍ବାରା ଭାରତ ବିଶ୍ୱର ନେତୃତ୍ବ ନେବା ସହ ଏକ ସୁସ୍ଥ, ସୁନ୍ଦର, ସୁଦୃଢ ଶାନ୍ତି ମୈତ୍ରୀ ମାନବବାଦ ଅବସ୍ଥାପିତ ହୋଇପାରିବ ।

ପ୍ରଜ୍ଞା ପୁରୁଷ ସ୍ୱାମୀ ବିବେକାନନ୍ଦ ଯୁବ ସମାଜ ଉଦ୍ଦେଷ୍ୟରେ କହିଥିଲେ ଉଠ ଜାଗୋ...ଔର ତବ ତକ ମତ ରୁକୋ ଜବ ତକ ଲକ୍ଷ୍ୟ ପ୍ରାପ୍ତ ନା ହୋ ଜାଏ । ବିବେକାନନ୍ଦଙ୍କ ଏହି ବାଣୀ ଯୁବ ସମାଜ ପାଇଁ ଏକ ବରଦାନ । ଏହି ବାଣୀର ଯଦି ସଠିକ ପ୍ରୟୋଗ କରାଯାଏ ଆମ ଯୁବ ସମାଜ ନିସନ୍ଦେହରେ ଏକ ବିକଶିତ, ସୁରକ୍ଷିତ ଓ ପରିପୂର୍ଣ୍ଣ ରାଷ୍ଟ୍ର ଗଠନ କରିପାରିବେ।