ଅର୍ଗସ ବ୍ୟୁରୋ :  ଆଜି ବିଶ୍ବ କୁଷ୍ଠ ରୋଗ ଦିବସ । କୁଷ୍ଠ ରୋଗ ଏକ ସ୍ଥାୟୀ ରୋଗ । ପ୍ରତିବର୍ଷ ଏହି ତାରିଖରେ ତଥା ଜାତିର ପିତା ମହାତ୍ମା ଗାନ୍ଧୀଙ୍କ ତିରୋଧାନ ଦିବସରେ ସାରା ବିଶ୍ବରେ ଏହି ଦିବସକୁ ପାଳନ କରାଯାଏ । ମହାତ୍ମା ଗାନ୍ଧି କୁଷ୍ଠ ରୋଗୀଙ୍କ ପ୍ରତି ସର୍ବଦା ଦୟାବାନ ରହିଥିଲେ ଏବଂ ଲୋକମାନଙ୍କ ମଧ୍ୟର ସଚେତନାତା ସୃଷ୍ଟି କରିବା ପାଇଁ ଉଦ୍ୟମ କରୁଥିଲେ । ତେଣୁ ପ୍ରତିବର୍ଷ ତାଙ୍କ ତିରୋଧନ ଦିବସରେ ଏହି ଦିବସକୁ ପାଳନ କରାଯାଉଛି ।

ବର୍ତ୍ତମାନ ସମୟରେ ମଧ୍ୟ ଆମ ଦେଶରେ ଏହି ରୋଗ ବିଷୟରେ ନିରନ୍ତର ସଚେତନତା ସୃଷ୍ଟି କରିବା ପାଇଁ ସରକାରୀ ଏବଂ ବେସରକାରୀ ସ୍ତରରେ ମଧ୍ୟ ଅନେକ ପ୍ରୟାସ କରାଯାଉଛି । ତେବେ ଚଳିତ ବର୍ଷର ଥିମ ରହିଛି, ମିଳିତ ହେବା, ପଦକ୍ଷେପ ନେବା ଓ ନିଶ୍ଚିହ୍ନ କରିବା । ପ୍ରତି ୧୦୦ଜଣ ଲୋକଙ୍କ ମଧ୍ୟରେ ଜଣେ କୁଷ୍ଠ ରୋଗୀ ଚିହ୍ନଟ ହୋଇଥାନ୍ତି । ସ୍ନାୟୁ, ଚର୍ମ, ଶ୍ବାସନଳୀ, ଚକ୍ଷୁ ଇତ୍ୟାଦିରେ ଏହି ରୋଗ ଗ୍ରାନୁଲୋମା ଆକାରରେ ଦେଖାଯାଇଥାଏ ।