Argus News - କେମିତି ହେବ ବଜେଟ୍‌, ଏହି ଦେଶର ଟପ୍‌ ଅଧିକାରୀ ସବୁ ଜାଣିଛନ୍ତି...

ଆସନ୍ତା ବଜେଟ୍‌ ଉପରେ ସମସ୍ତଙ୍କ ନଜର ରହିଛି। ମୋଦୀ ସରକାରଙ୍କ ତୃତୀୟ କାଳର ତୃତୀୟ ପୂର୍ଣ୍ଣ ବଜେଟ୍ ଉପସ୍ଥାପନ କରିବେ ଅର୍ଥମନ୍ତ୍ରୀ । ଅର୍ଥମନ୍ତ୍ରୀ ନିର୍ମଳା ସୀତାରମଣ ଆସନ୍ତା ଫେବୃଆରୀ ୧ରେ ୯ମ ଥର ବଜେଟ୍ ଉପସ୍ଥାପନ କରିବେ । ଯାହା ଦେଶର ଆର୍ଥିକ ଦିଗନିର୍ଦ୍ଦେଶ ନିର୍ଦ୍ଧାରଣରେ ମୁଖ୍ୟ ଭୂମିକା ନେଉଛନ୍ତି । ୭.୪ ପ୍ରତିଶତ ବୃଦ୍ଧି ହାର ଓ ଅନିଶ୍ଚିତ ବିଶ୍ୱ ଭୌଗୋଳିକ-ରାଜନୈତିକ ପରିବେଶ ମଧ୍ୟରେ ସେ ଏହି ବଜେଟ୍ ଉପସ୍ଥାପନ କରିବେ । ଏହି ବଜେଟ୍ ପ୍ରସ୍ତୁତିରେ ଅର୍ଥମନ୍ତ୍ରୀଙ୍କ ସହ ଏକ ଅନୁଭବୀ ଓ ଶକ୍ତିଶାଳୀ ଟିମ୍ କାମ କରୁଛି ।

ଅନୁରାଧା ଠାକୁର ଏହି ବଜେଟ୍‌ର ମୁଖ୍ୟ । ସମ୍ପଦ ବଣ୍ଟନ ଓ ୨୦୨୬-୨୭ ପାଇଁ ମାକ୍ରୋ ଆର୍ଥିକ ଢାଞ୍ଚା ତିଆରି କରିବା ତାଙ୍କର ମୁଖ୍ୟ ଦାୟିତ୍ୱ। ୧୯୯୪ ବ୍ୟାଚ୍‌ର ହିମାଚଲ ପ୍ରଦେଶ କ୍ୟାଡର IAS ଅଧିକାରୀ ଠାକୁର ୧ ଜୁଲାଇ ୨୦୨୫ରେ ଏହି ପଦ ଗ୍ରହଣ କରିଥିଲେ। ସେ ଏହି ବିଭାଗର ନେତୃତ୍ୱ କରୁଥିବା ପ୍ରଥମ ମହିଳା IAS ଅଧିକାରୀ।କେ. ମୋସେସ୍ ଚାଲାଇ (ସାର୍ବଜନିକ ଉଦ୍ୟମ ବିଭାଗ ସଚିବ): ସେ ଚୟନିତ PSU ମାନଙ୍କର କ୍ୟାପିଟାଲ୍ ଏକ୍ସପେଣ୍ଡିଚର୍, ବଜେଟ୍ ବ୍ୟବହାର ଓ ଆସେଟ୍ ମୋନେଟାଇଜେସନ୍‌ର ନିରୀକ୍ଷଣ କରନ୍ତି। ସରକାରୀ କମ୍ପାନୀମାନଙ୍କର ସମଗ୍ର ଆର୍ଥିକ ସ୍ୱାସ୍ଥ୍ୟ ଉପରେ ମଧ୍ୟ ତାଙ୍କ ବିଭାଗ ନଜର ରଖେ। ମୁଖ୍ୟ ଆର୍ଥିକ ପରାମର୍ଶଦାତାଙ୍କ କାର୍ଯ୍ୟାଳୟ ବଜେଟ୍ ପାଇଁ ମୁଖ୍ୟ ଆର୍ଥିକ ଇନ୍‌ପୁଟ୍ ଦେଇଥାଏ। ଆର୍ଥିକ ବୃଦ୍ଧିର ପୂର୍ବାନୁମାନ, କୃଷି-ଉଦ୍ୟୋଗ-ସେବା କ୍ଷେତ୍ରର ବିଶ୍ଳେଷଣ ଇତ୍ୟାଦିର ମୂଲ୍ୟାଙ୍କନ ଏହାର ମୁଖ୍ୟ କାମ।

ଅରବିନ୍ଦ ଶ୍ରୀବାସ୍ତବ (ରାଜସ୍ୱ ସଚିବ): ରାଜସ୍ୱ ସଚିବ ଭାବେ ଅରବିନ୍ଦ ଶ୍ରୀବାସ୍ତବ ବଜେଟ୍‌ର ଟ୍ୟାକ୍ସ ପ୍ରସ୍ତାବ (ଭାଗ-B) ଦାୟିତ୍ଵରେ ଅଛନ୍ତି । ଆୟକର, କର୍ପୋରେଟ୍ ଟ୍ୟାକ୍ସ, GST ଓ କଷ୍ଟମ୍‌ସ ସମ୍ପର୍କିତ ପ୍ରସ୍ତାବ ତାଙ୍କ ବିଭାଗ ଦେଖେ। ରାଜସ୍ୱ ସଚିବ ଭାବେ ଏହା ତାଙ୍କର ପ୍ରଥମ ବଜେଟ୍ ହେଲେ ମଧ୍ୟ, ପୂର୍ବରୁ ସେ ବଜେଟ୍ ବିଭାଗର ଯୁକ୍ତ ସଚିବ ଭାବେ କାମ କରିଥିଲେ।

ଭୁମଲୁନମାଙ୍ଗ ୱୁଆଲନାମ (ବ୍ୟୟ ସଚିବ): ‘ଖଜାନାର ସଂରକ୍ଷକ’ ଭାବେ ପରିଚିତ ୱୁଆଲନାମ ସରକାରୀ ଖର୍ଚ୍ଚ, ସବସିଡି ତର୍କସଙ୍ଗତ କରିବା ଓ କେନ୍ଦ୍ରୀୟ ଯୋଜନାର କାର୍ଯ୍ୟାନ୍ୱୟନ ନିରୀକ୍ଷଣ କରନ୍ତି। ରାଜକୋଷୀୟ କ୍ଷତି ନିୟନ୍ତ୍ରଣ ଓ ଆଗାମୀ ଆର୍ଥିକ ବର୍ଷ ପାଇଁ ମାର୍ଗଦର୍ଶନ ତାଙ୍କ ବିଭାଗର ମୁଖ୍ୟ କାର୍ଯ୍ୟ।

ଏମ୍. ନାଗରାଜୁ (ଆର୍ଥିକ ସେବା ସଚିବ): ଆର୍ଥିକ ସେବା ବିଭାଗ ସରକାରଙ୍କର ଆର୍ଥିକ ସମାବେଶ, ସାମାଜିକ ସୁରକ୍ଷା ଯୋଜନା ଓ ସାର୍ବଜନିକ କ୍ଷେତ୍ର ବ୍ୟାଙ୍କମାନଙ୍କ ଆର୍ଥିକ ସ୍ଥିତି ନିରୀକ୍ଷଣ କରେ। ଋଣ ବୃଦ୍ଧି, ଡିଜିଟାଲାଇଜେସନ୍ ଓ ପେନ୍‌ସନ୍ ଯୋଜନା ମାଧ୍ୟମରେ ସରକାରଙ୍କ ଆର୍ଥିକ ଏଜେଣ୍ଡାକୁ ଏହି ବିଭାଗ ଆଗକୁ ବଢ଼ାଏ।

ଅଧିକ ପଢ଼ନ୍ତୁ ଦେଶ ଖବର: