ରେଳ ଯାତ୍ରୀଙ୍କ ପାଇଁ ବଡ଼ ଖବର, ଟିକେଟ୍ କିଣିଲେ ମିଳିବ ୨୦ ପ୍ରତିଶତ ରିହାତି

ରେଳ ଯାତ୍ରୀଙ୍କ ପାଇଁ ଖୁସି ଖବର । ରେଳ ଯାତ୍ରୀଙ୍କ ପାଇଁ ବଡ଼ ଘୋଷଣା କରିଛି ରେଳ ମନ୍ତ୍ରାଳୟ । ଯିବା ଆସିବା ଏକ ସମୟରେ ଟିକେଟ୍ କିଣିଲେ ମିଳିବ ୨୦ ପ୍ରତିଶତ ରିହାତି । ପାର୍ବଣ ସମୟରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଯାତ୍ରୀଙ୍କୁ ଦେଇଛନ୍ତି ବଡ଼ ଉପହାର । ରେଳ ମନ୍ତ୍ରଣାଳୟ ପକ୍ଷରୁ ଆରମ୍ଭ ହୋଇଛି - ରାଉଣ୍ଡ ଟ୍ରିପ୍ ପ୍ୟାକେଜ୍ ଫର ଫେଷ୍ଟିଭାଲ୍ ରସ୍ । ପାର୍ବଣ ଋତୁରେ ଟ୍ରେନରେ ପ୍ରବଳ ଭିଡ଼ ଏବଂ ଟିକେଟ୍ ପାଇଁ ଭିଡ଼କୁ ଏଡାଇବା ପାଇଁ, ଭାରତୀୟ ରେଳବାଇ ଏହି ଯୋଜନା ଆରମ୍ଭ କରିଛି । ଏହି ଯୋଜନାରେ ଯଦି ଜଣେ ଯାତ୍ରୀ ଏକତ୍ର ଯିବା ଓ ଫେରିବା ପାଇଁ ଟିକେଟ ବୁକ୍ କରନ୍ତି, ତେବେ ଫେରିବା ଯାତ୍ରାର ମୂଳ ଭଡ଼ାରେ ୨୦% ରିହାତି ମିଳିବ ।

ଯେଉଁମାନେ ସମାନ ନାମ ଓ ବିବରଣୀ ସହିତ ଉଭୟ ଟିକେଟ ସମାନ ଶ୍ରେଣୀ ଏବଂ ସମାନ ଷ୍ଟେସନ ପାଇଁ ବୁକ କରିବେ ସେମାନଙ୍କୁ ଏହି ରିହାତି ମିଳିବ । ଚଳିବବର୍ଷ ୧୩ ଅକ୍ଟୋବରରୁ ୨୬ ଅକ୍ଟୋବର ମଧ୍ୟରେ ରେଳ ଯାତ୍ରୀଙ୍କୁ ଏହି ରିହାତି ମିଳିପାରିବ । ଫେରିବା ଟିକେଟ ୧୭ ନଭେମ୍ବରରୁ ୧ ଡିସେମ୍ବର ମଧ୍ୟରେ ହୋଇଥିବା ଆବଶ୍ୟକ ।