ବିଦେଶୀ ଟ୍ରାଭେଲ ଇନଫ୍ଲୁଏନ୍ସର୍ ଙ୍କ ମୁହଁରେ ଭାରତୀୟ ରେଳର ପ୍ରଶଂସା । ଟ୍ରେନରେ ଯାତ୍ରା କରି ସୋସିଆଲ ମିଡିଆରେ ସେୟାର କଲେ ଅନୁଭୂତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ୍ ହେବାରେ ଲାଗିଛି ।

"ହଗ୍ ଆବୋର୍ଡ" ବା "hugh.abroad" ନାମକ ଟ୍ରାଭେଲ୍ ଇନଫ୍ଲୁଏନସର୍ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ଏକ ରିଲ୍ ସେୟାର କରିଛନ୍ତି । 'ହଗ୍' ସ୍କଟ୍ ଲ୍ୟାଣ୍ଡର୍ ର ବାସିନ୍ଦା । ପେସା ଟ୍ରାଭେଲ୍ ଇନଫ୍ଲୁଏନ୍ସର୍ ।

ଭାରତୀୟ ରେଳର ନିୟମ, ପ୍ରକ୍ରିୟା, କୋଚ୍ ରେ ସିଟ୍ ମଧ୍ୟରେ ଥିବା ବ୍ୟବଧାନ, ଭିତ୍ତିପ୍ରସ୍ତୁରକୁ ନେଇ ସେ ଖୁବ ଖୁସି ବ୍ୟକ୍ତ କରିଛନ୍ତି । ସେ ସେକେଣ୍ଡ କ୍ଲାସ୍ ଏସି ବଗିରେ 4 ରୁ 4.5 ଘଣ୍ଟା ପର୍ଯ୍ୟନ୍ତ ଯାତ୍ରା କରିଥିଲେ । ଏହାପରେ ସେ ରେଳ କୋଚ୍ ର ପ୍ରଶଂସା କରିବା ସହ ଟ୍ରେନରେ ବସିବା କ୍ଷଣି କେମିତି ଟିକେଟ୍ କଲେକ୍ଟର ସଙ୍ଗେ ସଙ୍ଗେ ତାଙ୍କ ପାଖକୁ ଆସିଥିଲେ । ଟିକେଟ୍ ଚେକ୍ କରିଥିଲେ । ପ୍ରାଇଭେଟ୍ ବର୍ଥ ଗୁଡିକ ଏତେ ବଡ ଦେଖି ସେ ଖୁସି ହୋଇଯାଇଥିଲେ ।

ଏହାପରେ ସେ ନିଜ ଇନଷ୍ଟାଗ୍ରେମ୍ ରିଲ୍ ରେ କହିଛନ୍ତି ଯେ ସେ ଜାପାନ୍, ତାଇୱାନ୍, କୋରିଆରେ ଟ୍ରେନ୍ ରେ ଯାତ୍ରା କରିଛନ୍ତି । କିନ୍ତୁ ତାଙ୍କୁ ସବୁଠାରୁ ଭଲ ଲାଗିଲା ଭାରତୀୟ ରେଳ । ଏହାସହ ବର୍ଥରେ ଥିବା ବେଡସିଟ୍ , ତକିଆ, ୱିଣ୍ଡୋ ସ୍କ୍ରିନ୍ ବ୍ୟବସ୍ଥା ତାଙ୍କୁ ଖୁବ ଭଲ ଲାଗିଥିଲା । ଏହାସହ ରେଳରେ ମିଳିଥିବା ଖାଇବା ମଧ୍ୟ ତାଙ୍କୁ ଖୁବ ଭଲ ଲାଗିଥିଲା । ଟିକେଟ୍ ଦର ଜାପାନ, କୋରିଆଠାରୁ କମ୍ ରହିଥିଲା । ଏ ସମସ୍ତ ଜିନିଷକୁ ନେଇ ସେ ଭାରତୀୟ ରେଳର୍ ଭୂରି ଭୂରି ପ୍ରଶଂସା କରିଛନ୍ତି । ଯାହାକୁ ସୋସିଆଲ ମିଡିଆ ୟୁଜର୍ସମାନେ ଖୁବ ପସନ୍ଦ କରିବା ସହ କମେଣ୍ଟସ୍ ମଧ୍ୟ ଦେଉଛନ୍ତି । କିନ୍ତୁ ଟ୍ରେନ୍ ରେ ଥିବା ଟଏଲେଟ୍ କୁ ନେଇ ସେ ନାପସନ୍ଦ କରିଥିଲେ । ଟ୍ରେନରେ ଏହାର ସ୍ୱଚ୍ଛତା ଉପରେ ଧ୍ୟାନ ଦିଆଯାଉନାହିଁ ।