ପ୍ରଧାନମନ୍ତ୍ରୀ ମୋଦିଙ୍କ 'ମନ କୀ ବାତ୍'ରେ ଭାରତର ଜୟଗାନ । ୨୨ଟି ଭାଷାରେ ପ୍ରସାରିତ ହୋଇଛି କାର୍ଯ୍ୟକ୍ରମର ୧୨୩ତମ ସଂସ୍କରଣ । ଯୋଗଠୁ ମହିଳା ସଶକ୍ତିକରଣ, ବୃକ୍ଷରୋପଣ, ସମ୍ବିଧାନ ହତ୍ୟା ଦିବସରୁ ସ୍ବଚ୍ଛତା ଏବଂ ଅନ୍ତରୀକ୍ଷ ଅଭିଯାନ ଉପରେ ମତ ରଖିଛନ୍ତି ମୋଦି । ନିକଟରେ ପାଳିତ ୧୧ତମ ଆନ୍ତର୍ଜାତିକ ଯୋଗ ଦିବସ ଉପରେ ଆଲୋଚନା କରିବା ସହ ସ୍ବାସ୍ଥ୍ୟ ପ୍ରତି ଯତ୍ନବାନ ହେବାକୁ ଦେଶବାସୀଙ୍କୁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ । ସ୍ୱଦେଶୀ ଉତ୍ପାଦ କିଣିବାକୁ ପୁଣିଥରେ ଦୋହରାଇଛନ୍ତି ମୋଦି । ୧୯୭୫ ଜରୁରୀକାଳୀନ ସମୟକୁ ୫୦ ବର୍ଷ ପୂରଣ ହୋଇଥିବାବେଳେ ଏହି କଳା ଇତିହାସକୁ ଭୁଲିନଯିବା ପାଇଁ ସମ୍ବିଧାନ ହତ୍ୟା ଦିବସ ଭାବରେ ପାଳନ କରାଯାଇଥିବା ମନ କୀ ବାତରେ କହିଛନ୍ତି ମୋଦି ।

ଦେଶବାସୀଙ୍କ ପବିତ୍ର ରଥଯାତ୍ରାର ଅଭିନନ୍ଦନ ଜଣାଇବା ସହ ଜୁଲାଇ ୩ରୁ ଆରମ୍ଭ ହେଉଥିବା ଅମରନାଥ ଓ ମାନସରୋବର ତୀର୍ଥଯାତ୍ରୀଙ୍କୁ ସାହାଯ୍ୟ କରୁଥିବା ସମସ୍ତଙ୍କୁ ଶୁଭକାମନା ଜଣାଇଛନ୍ତି ମୋଦି । ଉତ୍ତରରୁ ଦକ୍ଷିଣ, ପୂର୍ବରୁ ପଶ୍ଚିମ, ଏହି ଯାତ୍ରାଗୁଡ଼ିକ ହିଁ -ଏକ ଭାରତ – ଶ୍ରେଷ୍ଠ ଭାରତ ଭାବନାର ପ୍ରତିବିମ୍ବ ବୋଲି କହିଛନ୍ତି ପିଏମ ମୋଦି ।