କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଏହି ସାଧାରଣ ଜୀବନ ଯାପନ ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି । ଅଟୋ ଚଲାଇବା ଆଉ ସକାଳୁ ସକାଳୁ ଲୋକଙ୍କ ସହ ବୁଲି ବୁଲି ଗାଁର ସୁନ୍ଦର ଦୃଶ୍ୟକୁ ଅନୁଭବ କରିବା...ଗଛ ମୂଳେ ବସି ଆଲୋଚନା କରିବା ଦୃଶ୍ୟ ଲୋକଙ୍କ ମନ ଜିଣୁଛି । ଖାଲି ଏତିକି ନୁହେଁ ବାଟରେ ଯିବା ସମୟରେ ଯାହା ବି ସେ ଦେଖୁଛନ୍ତି ସମସ୍ତ କଳାକୃତି, ଟେକନୋଲୋଜି, ପ୍ରକୃତିକୁ ନିରୀଖି ଦେଖୁଛନ୍ତି ।

ଠିକ୍ ଯେମିତି ଟେନକାସିର ଜୋହୋ କ୍ୟାମ୍ପସରେ ବୁଲୁଥିବା ସମୟରେ ଏକ 3D ପେଣ୍ଟେଡ୍ ଘରକୁ ଦେଖି ପ୍ରଶଂସା କରିଛନ୍ତି ଧର୍ମେନ୍ଦ୍ର । ଗ୍ରାମାଞ୍ଚଳରେ ଏହି ନୂତନ ପ୍ରଯୁକ୍ତିବିଦ୍ୟାର ପ୍ରବେଶ କରିବା ଭବିଷ୍ୟତ ପାଇଁ ଭଲ ସଙ୍କେତ । ଏହା ପକେଟ୍ ଫ୍ରେଣ୍ଡଲି ଏବଂ ପରିବେଶ ପାଇଁ ମଧ୍ୟ ଭଲ ବୋଲି ସେ କହିଛନ୍ତି । ସେଥିପାଇଁ ଲୋକେ କହୁଛନ୍ତି କମନ୍ ମ୍ୟାନ୍ସ ଲିଡର୍ । ଧର୍ମେନ୍ଦ୍ରଙ୍କ ଏହି ନିଆରା ଅନ୍ଦାଜକୁ ନେଇ ଏବେ ଭାରି ଚର୍ଚ୍ଚା ।

କାରଣ ସେ ଖାଲି ଜଣେ ସାଧାରଣ ମଣିଷ ଭଳି ଜୀବନ ଯାପନ କରୁନାହାନ୍ତି ବରଂ ଏତେ ଉଚ୍ଚ ପଦରେ ଥାଇ ମଧ୍ୟ ଗୁରୁଜନଙ୍କୁ ସମ୍ମାନ ଓ କନିଷ୍ଠଙ୍କୁ ଆଦର କରିବା ସେ ଭୁଲି ନାହାନ୍ତି । ସବୁବେଳେ ଲୋକଙ୍କ ସାଙ୍ଗରେ...ଲୋକଙ୍କ ମେଳରେ ରହି କାମ କରିବାକୁ ଭଲ ପାଉଛନ୍ତି ।

ତାମିଲନାଡୁ ଟେଙ୍କାସିରେ ଯୋହୋ ସ୍କୁଲର ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଇ କେନ୍ଦ୍ରମନ୍ତ୍ରୀ ସାଧାରଣ ଲୋକଙ୍କ ଭଳି ଏମିତି କିଛି କାର୍ଯ୍ୟ କରୁଥିବା ଦେଖିବାକୁ ମିଳିଛି । ଅଟୋ ଚଲାଇବା, ଛାତ୍ରଛାତ୍ରୀଙ୍କ ଗହଣରେ ସମୟ ବିତାଇବା । ତାଙ୍କର କଳାକୁ ନୀରିଖି ଦେଖିବା ଏ ସବୁକୁ ଦେଖି ଲୋକେ ଖୁବ ପ୍ରଶଂସା କରୁଛନ୍ତି । ସମାଜ, ଶିକ୍ଷାନୁଷ୍ଠାନ ଏବଂ ଛାତ୍ରଛାତ୍ରୀମାନଙ୍କ ସହ ଯେଉଁଭଳି ଭାବରେ ଜଡିତ ହେଉଛନ୍ତି ତାହା ଉଚ୍ଚଶିକ୍ଷା ଏବଂ ଦକ୍ଷତା ବିକାଶରେ ପଲିସି ମେକିଂରେ ଖୁବ ସାହାଯ୍ୟ କରିବ ବୋଲି କହିଛନ୍ତି ୟୁଜର୍ସ । ଏହା ପ୍ରଥମ ଥର ନୁହେଁ ବାରମ୍ବାର ଏମିତି ଲୋକଙ୍କ ସହ ମିଶି କାମ କରିବା ନୀତିକୁ ପ୍ରଶଂସା କରିଛନ୍ତି ଅନେକ ୟୁଜର ।

କେନ୍ଦ୍ରମନ୍ତ୍ରୀ କରିଥିବା ଏହି ପୋଷ୍ଟରେ ସମାଜକୁ ଏକ ସୁନ୍ଦର ବାର୍ତ୍ତା ମଧ୍ୟ ଦେଇଛନ୍ତି । ଆଜିକାଲି ଆମେ ମାନେ କାର୍ଯ୍ୟ ବ୍ୟସ୍ତତା ହେତୁ ପ୍ରକୃତି ସହ ସମୟ ବିତାଇ ପାରୁନେ । କିନ୍ତୁ ପ୍ରକୃତି ସହ ଅଙ୍ଗାଅଙ୍ଗି ଭାବେ ଜଡିତ ହେଲେ ହିଁ ମିଳିବ ପ୍ରକୃତ ଆନନ୍ଦ । ଯେତେ କାର୍ଯ୍ୟବ୍ୟସ୍ତତା ଥାଉ ନା କାହିଁ ପ୍ରାକୃତିକ ପରିବେଶରେ ସମୟ ଅତିବାହିତ କରିବା ସହ ପ୍ରକୃତି ପାଇଁ ଆମ୍ଭମାନଙ୍କୁ କିଛି କରିବାର ଆବଶ୍ୟକତା ରହିଛି ।