କେନ୍ଦ୍ରୀୟ ବଜେଟରୁ ଓଡିଶାକୁ ସିଂହଭାଗ ଲାଭ ମିଳିବ । ଡବଲ ଇଂଜିନ ସରକାର ଓଡ଼ିଶାର ବିକାଶକୁ ଦ୍ବିଗୁଣିତ କରିବ । ବିକଶିତ ଓଡ଼ିଶା ଓ ବିକଶିତ ଭାରତ ପାଇଁ ପ୍ରସ୍ତୁତ ହୋଇଛି ବଜେଟ୍ ।ବଜେଟରେ ଶିକ୍ଷା ଓ ସ୍ବାସ୍ଥ୍ୟକୁ ଦିଆଯାଇଛି ଗୁରୁତ୍ବ । ମେକ ଇନ୍ ଓଡିଶା କନକ୍ଲେଭରେ ୧୩ ଲକ୍ଷ କୋଟିର ପୁଞ୍ଜି ନିବେଶ ଆସିଛି । ଆଇଟି, ଇଲେକଟ୍ରୋନିକ୍ସ, ଫାର୍ମାସୁଟିକାଲ, ଟେକ୍ସଟାଇଲ ଓ କୃଷି କ୍ଷେତ୍ରକୁ ମିଳିବ ପ୍ରୋତ୍ସାହନ । ବଜେଟକୁ ଐତିହାସିକ, ଭବିଷ୍ୟତବାଦୀ ଓ ଦୂରଦୃଷ୍ଟି ସମ୍ପନ୍ନ ବଜେଟ୍ କହିଲେ କେନ୍ଦ୍ରମନ୍ତ୍ରୀ।

() ଶିଶୁର ଜନ୍ମ ହେବା ପର ଠାରୁ ଉଚ୍ଚସ୍ତରୀୟ ଗବେଷଣା ଓ ଦକ୍ଷତା ବୃଦ୍ଧି ପର୍ଯ୍ୟନ୍ତ ସବୁ ଆବଶ୍ୟକତାକୁ ପୂରଣ କରିବ ବଜେଟ୍ । ସର୍ବସ୍ପର୍ଶୀ ଓ ସମାବେଶୀ ବଜେଟ୍ ପାଇଁ ପ୍ରଧାନମନ୍ତ୍ରୀ ଏବଂ ଅର୍ଥମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ । ଏମଏସଏମଇ କ୍ଷେତ୍ରକୁ ଦିଆଯାଇଛି ପ୍ରୋତ୍ସାହନ । ଏଥିରୁ ସବୁଠୁ ଅଧିକ ଲାଭାନ୍ବିତ ହେବେ ଓଡ଼ିଆ ଉଦ୍ୟୋଗୀ ।

() ୧୨ ଲକ୍ଷ ପର୍ଯ୍ୟନ୍ତ ଆୟ ଉପରେ କରଛାଡ଼ ମଧ୍ୟବିତ୍ତଙ୍କ ପାଇଁ ମୋଦୀ ସରକାରଙ୍କ ବଡ ଉପହାର।। ଚଳିତ ବଜେଟରୁ ଓଡ଼ିଶା ଭଳି ରାଜ୍ୟ ବିଶେଷ ଭାବରେ ଲାଭବାନ ହେବ। ପର୍ଯ୍ୟଟନ କ୍ଷେତ୍ରରେ ଦେଶର ୫୦ଟି ପର୍ଯ୍ୟଟନସ୍ଥଳୀ ସ୍ଥାନ ପାଇଛି । ଏଥିରୁ ଓଡିଶା ଲାଭାନ୍ବିତ ହେବ ବୋଲି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ସବ୍‌କା ସାଥ୍ ସବ୍‌କା ବିକାଶ ସଂକଳ୍ପକୁ ସାକାର କରୁଥିବା ଏହି ବଜେଟ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପୂର୍ବୋଦୟ ସ୍ବପ୍ନକୁ ସାକାର କରିବାରେ ବିଶେଷ ସହାୟକ ହେବ । …

() ସକ୍ଷମ ଅଙ୍ଗନଓ୍ବାଡି ଓ ପୋଷଣ 2.0 କାର୍ଯ୍ୟକ୍ରମରେ ଓଡିଶାର 36ଲକ୍ଷରୁ ଅଧିକ ଶିଶୁ, ଗର୍ଭବତୀ ମହିଳା ଓ ସ୍ତନ୍ୟପାନ କରାଉଥିବା ମାଙ୍କୁ ପୋଷଣ ସହାୟତା ଯୋଗାଇ ଦିଆଯିବ । ପିଏମ ଧନ ଧାନ୍ୟ କୃଷି ଯୋଜନା କାର୍ଯ୍ୟକ୍ରମ ଅଧିନରେ 100ଟି ଜିଲ୍ଲାକୁ ସାମିଲ କରାଯିବ । ଓଡ଼ିଶାରେ କିଷାନ କ୍ରେଡିଟ କାର୍ଡଧାରୀଙ୍କ ପାଇଁ କ୍ରେଡିଟ ସୀମା 3ଲକ୍ଷରୁ 5ଲକ୍ଷ ଟଙ୍କା ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହା ଦ୍ବାରା ଓଡ଼ିଶାରେ ଥିବା 40ଲକ୍ଷ କିଷାନ କ୍ରେଡିଟ କାର୍ଡଧାରୀ ଉପକୃତ ହେବେ । ଓଡ଼ିଶାରେ ଏବେ 863ଟି ଅଟଳ ଟିଙ୍କରିଂ ଲ୍ୟାବ ଥିବା ବେଳେ ବଜେଟ ବ୍ୟବସ୍ଥା ଦ୍ବାରା ଅଧିକ ଟିଙ୍କରିଂ ଲ୍ୟାବ ପ୍ରତିଷ୍ଠା ହେବ ।

ଭାରତନେଟ ପ୍ରକଳ୍ପ ଅଧିନରେ ଇଣ୍ଟରନେଟ ଓ ବ୍ରଡବ୍ୟାଣ୍ଡ ସଂଯୋଗ ନଥିବା ସମସ୍ତ 3659ଟି ସରକାରୀ ମାଧ୍ୟମିକ ବିଦ୍ୟାଳୟ ଏବଂ ଗ୍ରାମାଞ୍ଚଳର ସମସ୍ତ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଇଣ୍ଟରନେଟ ଓ ବ୍ରଡବ୍ୟାଣ୍ଡ ସଂଯୋଗ ଯୋଗାଇ ଦିଆଯିବ । ଆସନ୍ତା 3ବର୍ଷ ମଧ୍ୟରେ ଓଡ଼ିଶାର ସମସ୍ତ ଜିଲ୍ଲା ମୁଖ୍ୟ ହସ୍ପିଟାଲରେ ଡେ-କେୟାର କ୍ୟାନସର ସେଣ୍ଟର ପ୍ରତିଷ୍ଠା ହେବ । ଓଡ଼ିଶାରେ ଆଇଆଇଟି ଭୁବନେଶ୍ବର, ଆଇଆଇଏମ ସମ୍ବଲପୁର ଏବଂ ଏନଆଇଟି ରାଉରକେଲାରେ 2036ସୁଦ୍ଧା 100ଟି ଷ୍ଟାର୍ଟଅପ ପାଇଁ ଯେଉଁ ପଦକ୍ଷେପ ନିଆଯାଇଛି, ତାକୁ ପୂରଣ କରିବାରେ ସହାୟକ ହେବ ଏହି ବଜେଟ । 1ଲକ୍ଷ କୋଟିର ଅର୍ବାନ ଚ୍ୟାଲେଞ୍ଜ ଫଣ୍ଡ ଦ୍ବାରା ଓଡ଼ିଶାର ବିଭିନ୍ନ ସହର ବିକାଶ ହୋଇପାରିବ ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more