ଗତକାଲି ରାଜସ୍ଥାନ ମାଟିରୁ ଆତଙ୍କୀସ୍ତାନକୁ ମୋଦିଙ୍କ କଡା ପ୍ରହାର ପରେ ଆଜି ପ୍ରଧାନମନ୍ତ୍ରୀ ପୁଣି ଥରେ ଚେତାବନୀ ଦେଇଛନ୍ତି। କୌଣସି ପରିସ୍ଥିତିରେ ଆତଙ୍କବାଦ ଓ ନକ୍ସଲବାଦ ବିରୋଧରେ ଜିରୋ ଟଲରାନ୍ସ ବୋଲି ନୂଆଦିଲ୍ଲୀରେ ନର୍ଥ ଇଷ୍ଟ ରାଇଜିଂ ସମିଟରେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଯେ କୌଣସି ଅଂଚଳର ବିକାଶ ପାଇଁ ଶାନ୍ତି ଓ ଆଇନ ବ୍ୟବସ୍ଥାର ଆବଶ୍ୟକ ରହିଛି । ଆତଙ୍କବାଦ ଓ ନକ୍ସଲବାଦ ଏଥିରେ ମୁଖ୍ୟ ପ୍ରତିବନ୍ଧକ । ଏଗୁଡିକୁ କେବେ ବି ବରଦାସ୍ତ କରାଯିବ ନାହିଁ ବୋଲି କହିଛନ୍ତି ପ୍ରଧାନମନ୍ତ୍ରୀ ।

ସେପଟେ ଅମିତ ଶାହା କହିଛନ୍ତି, ଅପରେସନ୍ ସିନ୍ଦୂରରେ ସେନାର ଶୌର୍ଯ୍ୟ ଓ ପରାକ୍ରମ , ପ୍ରଧାନମନ୍ତ୍ରୀଙ୍କ ଦୃଢ ଇଚ୍ଛାଶକ୍ତି, ଗୁଇନ୍ଦା ବିଭାଗର ସଠିକ ସୂଚନାର ଥିଲା ଅପୂର୍ବ ସମନ୍ବୟ । ଲସ୍କର ଇ ତୋଇବା, ଜୈସ ଇ ମହମ୍ମଦ, ହିଜବୁଲ ମୁଜାହିଦ୍ଦିନ୍ ସଂଗଠନର ଆଡ୍ଡାକୁ ମାଟିରେ ମିଶାଇ ଦେଇଥିଲା ଭାରତୀୟ ସେନା । ଯେଉଁଠାରୁ ସେମାନେ ଆତଙ୍କୀ ଆକ୍ରମଣ ପାଇଁ ଷଡଯନ୍ତ୍ର କରୁଥିଲେ ତା ଉପରେ ହୋଇଥିଲା ଆକ୍ରମଣ । ଆତଙ୍କବାଦୀଙ୍କ ଶୋକସଭାରେ ଯୋଗ ଦେଇଥିଲେ ପାକର ବରିଷ୍ଠ ନେତା ଓ ସେନା କର୍ମଚାରୀ । ଏଥିରୁ ସାରା ବିଶ୍ବ ଆଗରେ ପାକିସ୍ତାନର ପୁରା ମୁଖା ଖୋଲିଯାଇଥିଲା ବୋଲି କହିଛନ୍ତି ଅମିତ ଶାହ ।

ପୂର୍ବରୁ ମଧ୍ୟ ଆତଙ୍କୀ ସଂଗଠନ ଭାରତକୁ ଟାର୍ଗେଟ କରିଛନ୍ତି । କିନ୍ତୁ ଦୃଢ ନେତୃତ୍ବର ଅଭାବ ଯୋଗୁଁ ସେମାନଙ୍କ ବିରୋଧରେ କଡା ପଦକ୍ଷେପ ନିଆଯାଇନାହିଁ । କିନ୍ତୁ ମୋଦି ସରକାର ଆସିବା ପରେ ଆତଙ୍କୀ ସଂଠଗଠନକୁ ମୁହଁତୋଡ ଜବାବ ଦିଆଯାଇଛି । ଉରି ଆତଙ୍କୀ ଆକ୍ରମଣର ଜବାବ ସର୍ଜିକାଲ ଷ୍ଟ୍ରାଇକ ଜରିଆରେ ଦିଆଘଲା । ପୁଲଓ୍ମାମା ଆତଙ୍କୀ ଆକ୍ରମଣର ଜବାବ ଥିଲା ଏୟାର ଷ୍ଟ୍ରାଇକ । ଏ ସବୁ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୃଢ ନେତୃତ୍ବ ଯୋଗୁ ସମ୍ଭବ ହୋଇଥିଲା ।

Argus News | argus news | -Argusnews Home: Odisha Latest News, Breaking News, Trending News, Live TV and more