ଜାତିଭିତ୍ତିକ ଜନଗଣନାକୁ ନେଇ କଂଗ୍ରେସକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନିଶାନା । କଂଗ୍ରେସର ନୀତିକୁ ଟାର୍ଗେଟ କଲେ କେନ୍ଦ୍ର ଶିକ୍ଷାମନ୍ତ୍ରୀ । କହିଲେ ଦୀର୍ଘଦିନ ଧରି କ୍ଷମତାରେ ରହି ଅହଙ୍କାରୀ ହୋଇଯାଇଥିଲା କଂଗ୍ରେସ । ଦେଶକୁ ନିଜର ଜାଗିର ବୋଲି ଭାବୁଥିଲେ ଗାନ୍ଧି ପରିବାର । ଜାତିଭିତ୍ତିକ ଜନଗଣନାରେ ବଞ୍ଚିତ ବର୍ଗଙ୍କୁ ମିଳିବ ଅଧିକାର । ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ସମ୍ପନ୍ନ ପଦକ୍ଷେପକୁ କେନ୍ଦ୍ରମନ୍ତ୍ରୀଙ୍କ ପ୍ରଶଂସା । ଆସନ୍ତା ଜନଗଣନାରେ ସାମିଲ ହେବ ଜାତିଭିତ୍ତିକ ଜନଗଣନା ।

ବଞ୍ଚିତ ବର୍ଗଙ୍କୁ ସେମାନଙ୍କ ଅଧିକାର ମିଳିବ । ମଣ୍ଡଳ କମିଶନ ରିପୋର୍ଟକୁ ୧୦ ବର୍ଷ ଚାପି ଦିଆଯାଇଥିଲା । କଂଗ୍ରେସ କ୍ଷମତାରେ ଥିଲେ ମଧ୍ୟ ପଦକ୍ଷେପ ନେଇନଥିଲା । ସାମାଜିକ ନ୍ୟାୟକୁ ଅଣଦେଖା କରିଥିଲେ ପୂର୍ବର କଂଗ୍ରେସ ସରକାର । ସାଧାରଣ ବର୍ଗ, ପଛୁଆ ବର୍ଗର ଉନ୍ନତି ଚାହୁଁନଥିଲା କଂଗ୍ରେସ । ନେହେରୁ, ଇନ୍ଦିରା ଗାନ୍ଧୀ, ରାଜୀବ ଗାନ୍ଧୀଙ୍କୁ ନିଶାନା କଲେ କେନ୍ଦ୍ରମନ୍ତ୍ରୀ । ଗତ ୧୧ ବର୍ଷ ଭିତରେ ଲୋକଙ୍କ ପାଖରେ ପହଞ୍ଚିଛି ଜନକଲ୍ୟାଣ ଯୋଜନା । ଦେଶକୁ ନିଜର ଜାଗିର ଭାବୁଥିଲେ ଗାନ୍ଧୀ ପରିବାର । ରାହୁଲ ଗାନ୍ଧୀଙ୍କ କଥାକୁ କେହି ଗୁରୁତ୍ବ ଦେଉନାହାନ୍ତି ବୋଲି କହିଛନ୍ତି ଧର୍ମେନ୍ଦ୍ର ।