ସିଙ୍ଗଡା ପାଇଁ ଖଣ୍ଡ ଯୁଦ୍ଧ । ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଖିଟ୍ ପିଟ୍ ତ ଲାଗି ରହିଥାଏ । ହେଲେ ଏଠି ସାମାନ୍ୟ ସିଙ୍ଗଡା ପାଇଁ ସ୍ୱାମୀଙ୍କୁ ପୁରା ପଞ୍ଚାୟତେ ସମ୍ମୁଖରେ ବାଡେଇଲା ସ୍ତ୍ରୀ । ଉତ୍ତରପ୍ରଦେଶ ପିଲିଭିତ୍ ରେ ଦେଖିବାକୁ ମିଳିଛି । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି ।

ପ୍ରକୃତ କଥା ହେଲା, ଶିବମ୍ ଓ ସଙ୍ଗୀତାଙ୍କର ଚଳିତ ବର୍ଷ ହିଁ ବିବାହ ହୋଇଛି । ଅଗଷ୍ଟ 30 ତାରିଖ ଦିନ ସ୍ୱାମୀ ଶିବମ୍ କାମରୁ ଫେରିବା ବେଳେ ସିଙ୍ଗଡା ଆଣିବା ପାଇଁ କହିଥିଲେ ପତ୍ନୀ ସଙ୍ଗୀତା । ହେଲେ ସିଙ୍ଗଡା ଆଣିବାକୁ ଭୂଲିଯାଇଥିଲେ ଶିବମ୍ ।

ରାତା ରାତି ସବୁ ଓଲଟ ପାଲଟ । ସଙ୍ଗୀତା ତାଙ୍କ ବାପ ଘର ଲୋକଙ୍କୁ ଫୋନ୍ କରି ତୁରନ୍ତ ଡକାଇଥିଲେ । ପଞ୍ଚାୟତ ବସିଥିଲା । କଥା ପଡୁ ପଡୁ ଝିଅ ଘର ଲୋକ ଶିବମ୍ ଏବଂ ତାଙ୍କ ପରିବାର ଲୋକଙ୍କୁ ନିର୍ଦ୍ଧୁମ୍ ପିଟିଲେ ।

यूपी के पीलीभीत में समोसा नहीं खिलाने पर एक पति की जान सांसत में आ गई। बीवी ने पंचायत बुलाई। फिर अपने परिजनों के साथ मिलकर पति और उसकी मां की पिटाई कर दी। #pilibhit #samosa #upnews pic.twitter.com/7kebdJFEFD
— Pawan Kumar Sharma (@pawanks1997) September 4, 2025

ଏମିତି ପରିସ୍ଥିତି ଉପୁଜିଲା ଉଭୟ ପରିବାରର ଲୋକଙ୍କ ମଧ୍ୟରେ ଭୟଙ୍କର ଗଣ୍ଡଗୋଳ ହୋଇଥିଲା । ଏପରିକି ଶିବମ୍ ଙ୍କୁ ଜୀବନରୁ ମାରି ଦେବାକୁ ମଧ୍ୟ ପଛାଇନଥିଲେ ସଙ୍ଗୀତାଙ୍କ ପରିବାର ଲୋକେ । କେହି ବି କିଛି ବୁଝିବାକୁ ନାରାଜ । ଶେଷରେ ପୁଅ ଘର ଓ ଝିଅ ଘର ଲୋକେ ଉଭୟଙ୍କ ନାଁ ରେ ଥାନାରେ ମାମଲା ରୁଜୁ କରିଛନ୍ତି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more