ବାହା ହେବା ଜିଦ୍‌ରେ ଇଲେକ୍ଟ୍ରି ଟାୱାର ଉପରେ ଚଢିଲେ ରାଜ୍ ସକ୍ସେନା । ଶାଳୀଙ୍କୁ ବିବାହ କରିବାର ନିଶା ଏମିତି ଘାରିଲା ଯେ, ଜିଦ୍‌ରେ ଶାଳୀଙ୍କୁ ବିବାହ କରିବାକୁ ଚିତ୍କାର ଛାଡିଲେ । ଏମିତି ଘଟଣା ଉତ୍ତରପ୍ରଦେଶର କନୌଜରେ ଦେଖିବାକୁ ମିଳିଛି । ରାଜ ସକ୍ସେନା ନାମକ ଜଣେ ବ୍ୟକ୍ତି ୨୦୨୧ରେ ପ୍ରଥମେ ବିବାହ କରିଥିଲେ । ବର୍ଷକ ପରେ କୌଣସି ଏକ ରୋଗରେ ତାଙ୍କର ମୃତ୍ୟୁ ହୋଇଯାଇଥିଲା । ତେବେ ସ୍ତ୍ରୀଙ୍କ ମୃତ୍ୟୁ ପରେ ରାଜ ତାଙ୍କର ନିଜ ଶାଳୀଙ୍କୁ ବିବାହ କରିଥିଲେ । ଶାଳୀଙ୍କୁ ବିବାହ କରିବାର ଦୁଇ ବର୍ଷ ପରେ ସେ ତାଙ୍କର ଦ୍ଵିତୀୟ ସାନ ଭଉଣୀଙ୍କ ପ୍ରେମରେ ପୁଣି ପଡି ଯାଇଥିଲେ । ଏବଂ ତାଙ୍କୁ ବିବାହ କରିବାକୁ ନିଜ ପତ୍ନୀଙ୍କୁ କହି ଜିଦ୍ କରିଥିଲେ । ହେଲେ ପତ୍ନୀ ସିଧା ଏପରି ପ୍ରସ୍ତାବକୁ ମନା କରିଥିଲେ ।

ସକ୍ସେନା କିନ୍ତୁ ବିବାହ କରିବା ଜିଦ୍‌ରେ ଅଡି ବସି 'ସୋଲେ' ଫିଲ୍ମର ଏକ ସିନ୍‌ର ପୁନରାବୃତ୍ତି କରିଥିଲେ । ସିଧା ଇଲେକ୍ଟ୍ରି ଖୁଣ୍ଟ ଉପରେ ଚଢି ଶାଳୀଙ୍କୁ ବିବାହ କରିବା ପାଇଁ କହି ଚିତ୍କାର କରିଥିଲେ । ଏହାପରେ ତାଙ୍କ ପରିବାର ଏବଂ ପୋଲିସ ଅଧିକାରୀ ମାନେ ତାଙ୍କୁ ତାଙ୍କ ଶାଳୀଙ୍କ ସହ ବିବାହ କରାଇବାର ପ୍ରତିଶୃତି ଦେଇ ତଳକୁ ରାଜି କରି ଆଣିବା ପାଇଁ ପ୍ରାୟ ୭ ଘଣ୍ଟା ସମୟ ଲାଗି ଯାଇଥିଲା । ତେବେ ତଳକୁ ଆସିବା ପରେ ରାଜ୍ ଗଣମାଧ୍ୟମରେ ପ୍ରତିକ୍ରିୟା ଦେଇଛନ୍ତି ଯେ, ତାଙ୍କ ଦ୍ଵିତୀୟ ଶାଳୀ ମଧ୍ୟ ତାଙ୍କୁ ଭଲ ପାଆନ୍ତି ।