ଛାଙ୍ଗୁର ବାବାଙ୍କ ଆର୍ଥିକ କାରବାର ନେଇ ଇଡିର ଖୋଳତାଡ଼ । ୟୁପିର ବଳରାମପୁରରୁ ମୁମ୍ବାଇ ପର୍ଯ୍ୟନ୍ତ ବାବାଙ୍କ ୧୪ ଠିକଣାରେ ED ରେଡ୍ କରୁଛି । ଭତ୍ତରପ୍ରଦେଶର ବଳରାମପୁରରେ ଆଜି ଭୋରରୁ ଇଡି ଟିମ ଚଢଉ କରିଥିଲା । ମୁମ୍ବାଇର ଶହଜାଦ ଶେଖ ନାମକ ବ୍ୟକ୍ତିଙ୍କ ବ୍ୟାଙ୍କ ଆକାଉଣ୍ଟକୁ ବାବାଙ୍କ ଆକାଉଣ୍ଟରୁ ୨ କୋଟି ଟଙ୍କା ଟ୍ରାଞ୍ଜାକ୍ସନ୍ ହୋଇଥିବା ଜଣାପଡିଛି । ଟଙ୍କା କାରବାର ନେଇ ଶହଜାଦ ଶେଖଙ୍କୁ ପଚଚାଉଚରା କରୁଛି ଇଡି । ଛାଙ୍ଗୁର ବାବା ଧର୍ମାନ୍ତୀକରଣର ବଡ଼ ରାକେଟ ଚଳାଉଥିବା ଅଭିଯୋଗ ହୋଇଥିଲା ।

ଛାଙ୍ଗୁର ବାବା ଧାର୍ମିକ ବିଶ୍ୱାସର ଆଳ ଦେଖାଇ ବିପୁଳ ସମ୍ପତ୍ତି ଠୁଳ କରିଥିବା ଅଭିଯୋଗ ରହିଛି । ଛଙ୍ଗୁର ବାବାଙ୍କ ନିକଟତମ ଅନୁଗାମୀ, ସହଯୋଗୀ ଏବଂ ଆଶ୍ରମ ପରିଚାଳକଙ୍କ ବ୍ୟାଙ୍କ ଆକାଉଣ୍ଟ, ସମ୍ପତ୍ତି ଏବଂ କାରବାରର ମଧ୍ୟ ତଦନ୍ତ କରୁଛି ଇଡି । ଛଙ୍ଗୁର ବାବାଙ୍କ ନେଟୱାର୍କରେ ବିଦେଶୀ ପାଣ୍ଠି ଥିବା ସନ୍ଦେହ କରାଯାଉଛି । ଯେଉଁଥିରେ ୟୁଏଇ, ଦୁବାଇ, ସାଉଦି ଆରବ ଏବଂ ନେପାଳରୁ ଟଙ୍କା ଆସୁଥିବାର ପ୍ରମାଣ ରହିଛି । ବର୍ତ୍ତମାନ ସୁଦ୍ଧା ଇଡି ଟିମ୍ ପକ୍ଷରୁ ୬୮କୋଟି ଟଙ୍କାର କାରବାର ହୋଇଥିବା ପ୍ରମାଣ ମିଳିଛି । ଗତ ତିନି ମାସ ମଧ୍ୟରେ ବିଦେଶରୁ ୭କୋଟି ଟଙ୍କା ଆସିଛି । ଏଥିରେ ବିଳାସପୂର୍ଣ୍ଣ ବିଲଡିଂ, ଦାମୀ ଗାଡି ଓ ଶୋ ରୁମ୍ କିଣାଯାଉଥିଲା । ଏପରିକି ଛାଙ୍ଗୁର ବାବାଙ୍କ ଦ୍ବାରା କିଣାଯାଇଥିବା ଏକ ବିଲଡିଂରେ ଆତଙ୍କବାଦୀ ଗତିବିଧି ଚାଲିଥିବାର ଛାନଭିନ୍ ଚାଲିଛି ।

ଭତ୍ତରପ୍ରଦେଶରେ ଧର୍ମ ପରିବର୍ତ୍ତନ ରାକେଟ୍ ଚଲାଇଥିବା ଛାଙ୍ଗୁର ବାବାର ଗୋଟିଏ ପରେ ଗୋଟିଏ ଗୁମର ଖୋଲୁଛି । ହଜାର ହଜାର ଲୋକଙ୍କ ଧର୍ମ ପରିବର୍ତ୍ତନ କରିଥିବା ଏହି ବାବାଙ୍କ ମୁଖ୍ୟ ଟାର୍ଗେଟ୍ ଥିଲେ ମହିଳା । ସେମାନଙ୍କୁ ଫସାଇ ବିଦେଶକୁ ଚାଲାଣ କରିବାକୁ ଚାଲିଥିଲା ରୀତିମତ ଷଡଯନ୍ତ୍ର । ବାବା ହିନ୍ଦୁ ନାଁରେ ଫସାଉଥିଲେ । ଆଉ ଧର୍ମ ପରିବର୍ତ୍ତନ ପରେ ସାଉଦିରେ ବିକିବାକୁ ବଡ ଷଡଯନ୍ତ୍ର ହେଉଥିଲା । ଏଥିରେ ଯେଉଁମାନେ ଏଥିରେ ଅମଙ୍ଗ ହେଉଥିଲେ ସେମାନଙ୍କୁ ଜୋରଜବରଦସ୍ତ ଗଣଦୁଷ୍କର୍ମ କରାଯାଉଥିଲା । ଧର୍ମାନ୍ତୀକରଣ ପାଇଁ ୧୫ଶହ ମୁସଲିମ୍ ଯୁବକଙ୍କୁ ନେଇ ଗଢାଯାଇଥିଲା ଗ୍ରୁପ୍। ଏମାନେ ମହାରାଷ୍ଟ୍ର, ବିହାର, ପଶ୍ଚିମବଂଗ, କର୍ଣ୍ଣାଟକ, ତାମିଲନାଡୁ ଓ ଉତ୍ତରପ୍ରଦେଶର ସେମାନଙ୍କର ନେଟଓ୍ବର୍କ ବିଛାଇଥିଳେ । ଧର୍ମାନ୍ତୀକରଣ ଓ ଲଭ୍ ଜିହାଦ ସେମାନଙ୍କର ମୁଖ୍ୟ ଲକ୍ଷ୍ୟ ଥିଲା । ନେପାଳ ସୀମାରେ ଥିବା ଜିଲ୍ଲାଗୁଡିର ୩୦ବର୍ଷରୁ କମ୍ ଯୁବତୀଙ୍କୁ ସେମାନେ ଟାର୍ଗେଟ କରୁଥିଲେ ।

ଅଧିକ ପଢ଼ନ୍ତୁ ଦେଶ ଖବର:

Argus News | argus news | Odisha Latest News, Breaking News, Trending News, Live TV