ଗତ ମାସରେ ଜମ୍ମୁ ଓ କାଶ୍ମୀରର ପହଲଗାମରେ ହୋଇଥିବା ଆକ୍ରମଣର ଜବାବରେ ଭାରତ ପାକିସ୍ତାନରେ ଆତଙ୍କବାଦୀ ଅଡ୍ଡା ଉପରେ ନିଖୁଣ ଆକ୍ରମଣ କରିବା ଘଟଣାରେ ପ୍ରତିକ୍ରିୟା ବ୍ୟକ୍ତ କରି ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଆମେରିକାକୁ କିଛି ଘଟିବାକୁ ଯାଉଥିବାର ଜଣା ଥିଲା ଏବଂ ସେ ଆଶା କରୁଛନ୍ତି “ଏହା ଶୀଘ୍ର ଶେଷ ହେବ।”
ଏକ ସାମ୍ବାଦିକ ସମ୍ମିଳନୀରେ ଏକ ପ୍ରଶ୍ନର ଉତ୍ତରରେ ଟ୍ରମ୍ପ କହିଛନ୍ତି, “ଆମେ ଓଭାଲ୍‌ର ଦ୍ୱାର ଦେଇ ପ୍ରବେଶ କରୁଥିବା ବେଳେ ଏହା ବିଷୟରେ ଶୁଣିଲୁ। ଅତୀତର କିଛି ଘଟଣା ଆଧାରରେ ଆମେ ଅନୁମାନ କରିଥିଲୁ ଯେ କିଛି ଘଟିବ।

#WATCH | #OperationSindoor | US President Trump's first comments on Indian strikes inside Pakistan.

US President Donald Trump says "It's a shame. We just heard about it as we were walking in the doors of the Oval. I guess people knew something was going to happen based on a… pic.twitter.com/tOkwAXspcO
— ANI (@ANI) May 6, 2025

ଭାରତ ଏବଂ ପାକିସ୍ତାନକୁ ଉଲ୍ଲେଖ କରି ଆମେରିକୀୟ ରାଷ୍ଟ୍ରପତି ଆହୁରି କହିଛନ୍ତି, ପାକିସ୍ତାନର ଆକ୍ରମଣ ଲଜ୍ଜାଜନକ। ଦୀର୍ଘ ଦଶନ୍ଧି ଧରି ସେମାନଙ୍କର ଲଢେଇ ଚାଲି ଆସୁଛି। ଶତାବ୍ଦୀ ଶତାବ୍ଦୀ ଧରି ଦୁହେଁ ଦୁହିଁଙ୍କର ଶତ୍ରୁ ହୋଇ ଆସିଛନ୍ତି। ବୁଧବାର ସକାଳୁ ଭାରତ ଘୋଷଣା କରିଛି ଯେ ସେ ‘ଅପରେସନ୍ ସିନ୍ଦୁର’ ଆରମ୍ଭ କରିଛି, ଯେଉଁଥିରେ ପାକିସ୍ତାନ ଏବଂ ପାକିସ୍ତାନ ଅଧିକୃତ କାଶ୍ମୀରରେ ଥିବା ନଅଟି ଆତଙ୍କବାଦୀ ଭିତ୍ତିଭୂମି ସ୍ଥାନକୁ ଲକ୍ଷ୍ୟ କରାଯାଇଛି। ପ୍ରତିରକ୍ଷା ମନ୍ତ୍ରଣାଳୟ ଏହି ଆକ୍ରମଣକୁ “ନିଖୁଣ ଏବଂ ନିୟନ୍ତ୍ରିତ ଜବାବ” ବୋଲି ବର୍ଣ୍ଣନା କରିଛି, ଯାହା ପହଲଗାମର ନୃଶଂସ ଆତଙ୍କବାଦୀ ଆକ୍ରମଣର ପ୍ରତିକ୍ରିୟା ଥିଲା ଏବଂ ଜୋର ଦେଇ କହିଛି ଯେ କୌଣସି ପାକିସ୍ତାନୀ ସାମରିକ ସ୍ଥାପନାକୁ ଆଘାତ କରାଯାଇ ନାହିଁ, ଯାହା ଭାରତର “ନିୟନ୍ତ୍ରିତ ଏବଂ ଅବନତିଶୀଳ ନୁହେଁ” ଦୃଷ୍ଟିକୋଣକୁ ପ୍ରତିଫଳିତ କରେ।

ଆକ୍ରମଣର ପ୍ରତିଶୋଧମୂଳକ ପ୍ରକୃତିକୁ ଜୋର ଦେଇ ମନ୍ତ୍ରଣାଳୟ କହିଛି, “ଏହି ଅପରେସନ୍ ଭାରତର ଦୃଢ଼ତାକୁ ଉଜାଗର କରେ। କାରଣ ପ୍ରଥମେ ପାକିସ୍ତାନ ଭାରତରେ ପ୍ରବେଶ କରି ନିରୀହ ଲୋକଙ୍କୁ ମାରିଥିଲା। ଆତଙ୍କବାଦୀ ଆଡ୍ଡାକୁ ଧ୍ବଂସ କରିବା ନିହାତି ଦରକାର ମୋ ମତରେ ବୋଲି ଟ୍ରମ୍ପ କହିଛନ୍ତି। ମୁଁ ଭାରତ ସପକ୍ଷରେ ଅଛି। ସବୁପ୍ରକାର ସହଯୋଗ ମଧ୍ୟ କରିବି।
ପାକିସ୍ତାନ ସେନା ନିଶ୍ଚିତ କରିଛି ଯେ ପାକିସ୍ତାନ ଅଧିକୃତ କାଶ୍ମୀରର କୋଟଲି ଏବଂ ମୁଜାଫରାବାଦ ଏବଂ ପାକିସ୍ତାନ ପଞ୍ଜାବର ମୁରିଦ୍‌କେ ଏବଂ ବାହାଓ୍ଵାଲପୁରରେ ଅଡ୍ଡା ଉପରେ ଆକ୍ରମଣ ହୋଇଛି। ଏହି ସ୍ଥାନଗୁଡ଼ିକ ଗୁରୁତ୍ୱପୂର୍ଣ୍ଣ କାରଣ ମୁରିଦ୍‌କେ ହେଉଛି ଲସ୍କର-ଏ-ତୋଇବାର ମୁଖ୍ୟାଳୟ, ଯାହା ପହଲଗାମ ଆକ୍ରମଣ ପଛରେ ଥିବାର ଅନୁମାନ କରାଯାଉଛି, ଏବଂ ବାହାଓ୍ଵାଲପୁର ହେଉଛି ମସୁଦ ଆଜହର ନେତୃତ୍ୱାଧୀନ ଜୈଶ-ଏ-ମୋହମ୍ମଦର ଅଡ୍ଡା।

ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ଶରିଫ କହିଛନ୍ତି ଯେ ପାଞ୍ଚଟି ସ୍ଥାନରେ ଆକ୍ରମଣ ହୋଇଛି ଏବଂ ଦେଶ “ଜୋରଦାର ଜବାବ ଦେବାର ଅଧିକାର ରଖିଛି। ଦେଶଟି ମଧ୍ୟ ତା’ର ଯୁଦ୍ଧବିରତି ଉଲ୍ଲଂଘନ ଜାରି ରଖିଛିଯାହା ଗତ ୧୦ ଦିନରୁ ଅଧିକ ସମୟ ଧରି ଚାଲିଛି, ଏବଂ ପୁଞ୍ଛ-ରାଜୌରୀ ସେକ୍ଟରର ଭିମ୍ବେର ଗାଲି ଅଞ୍ଚଳରେ ନିୟନ୍ତ୍ରଣ ରେଖା ବରାବର ଆର୍ଟିଲେରୀ ଗୁଳି ଚଳାଇଛି।
ଏହି ଆକ୍ରମଣ ଏକ ଏମିତି ଦିନରେ ହୋଇଛି ଯେତେବେଳେ ଭାରତରେ ୧୯୭୧ ପରେ ପ୍ରଥମ ଥର ପାଇଁ ନାଗରିକ ପ୍ରତିରକ୍ଷା ମକଡ୍ରିଲ୍ କରାଯିବ ଏବଂ ଭାରତୀୟ ବାୟୁସେନା ପାକିସ୍ତାନରେ ଆନ୍ତର୍ଜାତୀୟ ସୀମା ସହିତ ରାଜସ୍ଥାନରେ ବଡ଼ ଧରଣର ସାମରିକ ମହଲା କରିବ।

Argus News | argus news | -Argusnews Home: Odisha Latest News, Breaking News, Trending News, Live TV and more