ପିଏମ ମୋଦିଙ୍କୁ ସପରିବାର ଭେଟିଲେ ଆମେରିକା ଉପରାଷ୍ଟ୍ରପତି । ଆଜି ସନ୍ଧ୍ୟାରେ ପ୍ରଧାନମନ୍ତ୍ରୀଙ୍କ ନୂଆଦିଲ୍ଲୀ ବାସଭବନରେ ପିଏମ ମୋଦି ଓ ଜେଡି ଭାନ୍ସଙ୍କ ମଧ୍ୟରେ ଦ୍ବିପାକ୍ଷିକ ଆଲୋଚନା ହୋଇଛି । ଭାରତ-ଆମେରିକା ମଧ୍ୟରେ ସାମରିକ, ଅର୍ଥନୈତିକ ସହଭାଗିତା ସହ କୁଟନୈତିକ ସ୍ତରରେ ପାରସ୍ପରିକ ସହଯୋଗ ପ୍ରସଙ୍ଗରେ ଆଲୋଚନା କରିଛନ୍ତି ମୋଦି-ଭାନ୍ସ ।

ଆସନ୍ତାକାଲି ବୈଦେଶିକ ମନ୍ତ୍ରୀ ଏସ ଜୟଶଙ୍କର, ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କୁ ଭେଟିବା କାର୍ଯ୍ୟକ୍ରମ ରହିଛି । 4 ଦିନିଆ ଭାରତ ଗସ୍ତରେ ଅଛନ୍ତି ଆମେରିକା ରାଷ୍ଟ୍ରପତି ଜେମ୍ସ ଡାଭିଡ ଭାନ୍ସ । ଆଜି ସକାଳେ ଦିଲ୍ଲୀ ପାଲମ ବିମାନ ବନ୍ଦରରେ ପହଞ୍ଚିବା ଭାନ୍ସ ପରିବାରକୁ ସ୍ବାଗତ କରିଥିଲେ କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ । ବିମାନ ବନ୍ଦରରେ ଭାନ୍ସଙ୍କୁ ଦିଆଯାଇଥିଲା ଗାର୍ଡ ଅଫ ଅନର ।

ଭାରତୀୟ ବଂଶୋଦ୍ଭବ ପତ୍ନୀ ଉଷା ଚିଲୁକୁରୀ ଓ ତିନି ସନ୍ତାନଙ୍କ ସହ ଗସ୍ତର ପ୍ରଥମ ଦିନରେ ଦିଲ୍ଲୀ ଅକ୍ଷରଧାମ ମନ୍ଦିର ପରିଦର୍ଶନ କରିଥଲେ ଭାନ୍ସ । ମନ୍ଦିର ଯିବା ପୂର୍ବରୁ ପତ୍ନୀ ଉଷା ଚିଲୁକୁରୀ ଓ ତିନି ସନ୍ତାନ- ଇୱାନ, ବିବେକ ଏବଂ ଝିଅ ମୀରାବେଲ ଦିଲ୍ଲୀ ଜନପଥରେ ଥିବା ସେଣ୍ଟ୍ରାଲ କଟେଜ ଇଣ୍ଡଷ୍ଟ୍ରିଜ ଏମ୍ପୋରିୟମରୁ ବ୍ୟାଗ, ପିତଲ ସାମଗ୍ରୀ ଓ ପୋଷାକ କିଣିଥିଲେ । ଆସନ୍ତା 23 ତାରିଖରେ ଭାନ୍ସ ପରିବାର ତାଜମହଲ ପରିଦର୍ଶନ କରିବେ । ଗସ୍ତକାଳରେ ସେକେଣ୍ଡ ଲେଡି ଉଷା ଭାନ୍ସ ନିଜ ପୈତୃକ ଗାଁ ଆନ୍ଧ୍ରପ୍ରଦେଶର ବେଦଲୁରୁ ଗସ୍ତ କରିପାରନ୍ତି ।

Argus News | argus news | Odisha Latest News, Breaking News, Trending News, Live TV